ਨਵੀਂ ਦਿੱਲੀ, 16 ਮਈ (ਡਾ. ਬਲਵਿੰਦਰ ਸਿੰਘ ਸੋਢੀ)-ਦਿੱਲੀ ਦੇ ਸਫ਼ਦਰਜੰਗ ਹਸਪਤਾਲ ਵਿਚ ਰੋਜ਼ਾਨਾ ਕਾਫੀ ਗਿਣਤੀ ਵਿਚ ਮਰੀਜ਼ ਆ ਰਹੇ ਹਨ, ਜਿਸ ਕਰ ਕੇ ਹਸਪਤਾਲ ਵਿਚ ਭੀੜ-ਭੜੱਕਾ ਬਣਿਆ ਰਹਿੰਦਾ ਹੈ ਅਤੇ ਕਾਊਾਟਰ 'ਤੇ ਪਰਚੀ ਲਈ ਵੀ ਭੀੜ ਬਣੀ ਰਹਿੰਦੀ ਹੈ | ਮਰੀਜ਼ਾਂ ਦੀ ਸਹੂਲਤ ਲਈ ਇਸ ਹਸਪਤਾਲ ਵਿਚ ਬਰੇਕੀਥੇਰੇਪੀ ਦੀ ਮਸ਼ੀਨ ਲਗਾਈ ਜਾਵੇਗੀ | ਇਸ ਮਸ਼ੀਨ ਨਾਲ ਸਰਵਾਇਕਲ, ਕੈਂਸਰ, ਸਤਨ ਕੈਂਸਰ, ਚਮੜੀ ਸਮੇਤ ਕੈਂਸਰ ਵਿਚ ਰੈਡੀਏਸ਼ਨ ਥੇਰੇਪੀ ਦਿੱਤੀ ਜਾਂਦੀ ਹੈ | ਇਸ ਮਸ਼ੀਨ ਦੀ ਖਰੀਦਦਾਰੀ ਪ੍ਰਤੀ ਟੈਂਡਰ ਪ੍ਰਕਿਰਿਆ ਤਕਰੀਬਨ ਹੋ ਚੁੱਕੀ ਹੈ | ਉਮੀਦ ਕੀਤੀ ਜਾ ਰਹੀ ਹੈ ਕਿ ਕੁਝ ਮਹੀਨਿਆਂ ਬਾਅਦ ਇਹ ਮਸ਼ੀਨ ਹਸਪਤਾਲ ਵਿਚ ਆ ਜਾਵੇਗੀ | ਹਸਪਤਾਲ ਵਿਚ ਇਸ ਦੇ ਲਈ ਤਿਆਰੀਆਂ ਹੋ ਰਹੀਆਂ ਹਨ ਅਤੇ ਇਸ ਦੇ ਆਉਣ 'ਤੇ ਮਰੀਜ਼ਾਂ ਨੂੰ ਕਾਫ਼ੀ ਸਹੂਲਤ ਮਿਲੇਗੀ |
