ਨਵੀਂ ਦਿੱਲੀ, 30 ਮਈ (ਡਾ. ਬਲਵਿੰਦਰ ਸਿੰਘ ਸੋਢੀ)-ਪੂਰਬੀ ਜ਼ਿਲ੍ਹੇ ਦੀ ੁਪੁਲਿਸ ਨੇ 'ਫ਼ੋਨ ਹੈਾਡਓਵਰ-ਸੰਚਾਲਨ ਵਿਸ਼ਵਾਸ' ਦੇ ਪ੍ਰੋਗਰਾਮ ਵਿਚ 532 ਮੋਬਾਈਲ ਫ਼ੋਨ ਜੋ ਲੋਕਾਂ ਦੇ ਗੁੰਮ ਜਾਂ ਫਿਰ ਚੋਰੀ ਹੋ ਗਏ ਸਨ, ਨੂੰ ਪੁਲਿਸ ਨੇ ਉਨ੍ਹਾਂ ਦੇ ਅਸਲ ਮਾਲਕਾਂ ਨੂੰ ਸੌਂਪ ਦਿੱਤੇ | ਇਸ ਪ੍ਰੋਗਰਾਮ ਦੇ ਮੁੱਖ ਮਹਿਮਾਨ ਦੇਵੇਸ਼ ਚੰਦਰ ਸ੍ਰੀਵਾਸਤਵ (ਆਈ.ਪੀ.ਐਸ.) ਅਤੇ ਮਹਿਮਾਨ ਡਾ. ਅਜੀਤ ਕੁਮਾਰ ਸਿੰਗਲਾ (ਆਈ.ਪੀ.ਐਸ.) ਸਨ | ਇਸ ਤੋਂ ਇਲਾਵਾ ਇਸ ਪ੍ਰੋਗਰਾਮ ਵਿਚ ਰਾਜੀਵ ਕੁਮਾਰ (ਆਈ.ਪੀ.ਐਸ.) ਰਾਹੁਲ ਅਲਵਾਲ (ਆਈ.ਪੀ.ਐਸ.), ਰਾਜੇਂਦਰ ਪ੍ਰਸ਼ਾਦ ਮੀਨਾ (ਆਈ.ਪੀ.ਐਸ.) ਅਤੇ ਹੋਰ ਜ਼ਿਲਿ੍ਹਆਂ ਦੇ ਪੁਲਿਸ ਅਧਿਕਾਰੀ ਵੀ ਮੌਜੂਦ ਸਨ | ਪ੍ਰੋਗਰਾਮ ਦੀ ਸ਼ੁਰੂਆਤ ਸਮਾਂ ਰੌਸ਼ਨ ਕਰਕੇ ਕੀਤੀ ਗਈ | ਇਸ ਪ੍ਰੋਗਰਾਮ ਵਿਚ ਸਿ੍ਸ਼ਟੀ ਪਾਂਡੇ (ਆਈ.ਪੀ.ਐਸ.) ਨੂੰ ਪ੍ਰੋਗਰਾਮ ਦੇ ਆਯੋਜਨ ਪ੍ਰਤੀ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ ਅਤੇ ਹੋਰ ਪੁਲਿਸ ਕਰਮਚਾਰੀਆਂ ਨੂੰ ਸ਼ਲਾਘਾ ਪੱਤਰ ਦਿੱਤੇ | ਇਸ ਮੌਕੇ ਰਾਜੀਵ ਕੁਮਾਰ (ਆਈ.ਪੀ.ਐਸ.) ਨੇ ਆਪਣੇ ਸੰਬੋਧਨ ਵਿਚ ਦਿੱਲੀ ਪੁਲਿਸ ਦੀ ਵਚਨਬੱਧਤਾ ਨੂੰ ਉਜਾਗਰ ਕੀਤਾ ਅਤੇ ਪੁਲਿਸ ਵਲੋਂ ਕੀਤੀ ਉਪਰੋਕਤ ਕਾਰਵਾਈ ਦੀ ਭਰਪੂਰ ਸ਼ਲਾਘਾ ਕੀਤੀ | ਇਸ ਮੌਕੇ ਹੋਰ ਪੁਲਿਸ ਦੇ ਉੱਚ ਅਧਿਕਾਰੀਆਂ ਨੇ ਵੀ ਸੰਬੋਧਨ ਕੀਤਾ | ਵਰਨਣਯੋਗ ਹੈ ਕਿ ਪੁਲਿਸ ਕੋਲ ਜਿਨ੍ਹਾਂ ਲੋਕਾਂ ਦੇ ਮੋਬਾਈਲ ਫ਼ੋਨ ਚੋਰੀ ਜਾਂ ਗੁੰਮ ਹੋ ਜਾਣ ਦੀਆਂ ਸ਼ਿਕਾਇਤਾਂ ਮਿਲੀਆਂ ਸਨ, ਦੀ ਪੁਲਿਸ ਨੇ ਜਾਂਚ ਕਰਕੇ ਉਨ੍ਹਾਂ ਨੂੰ ਮੋਬਾਈਲ ਫ਼ੋਨ ਵਾਪਸ ਕੀਤੇ |
