ਨਵੀਂ ਦਿੱਲੀ, 3 ਜੂਨ (ਡਾ. ਬਲਵਿੰਦਰ ਸਿੰਘ ਸੋਢੀ)-ਸੀ.ਸੀ.ਆਰ.ਟੀ. (ਮਨਿਸਟਰੀ ਆਫ ਕਲਚਰ ਭਾਰਤ ਸਰਕਾਰ) ਵਲੋਂ ਗਰਮੀਆਂ ਦੀਆਂ ਛੁੱਟੀਆਂ ਪ੍ਰਤੀ ਸਕੂਲੀ ਬੱਚਿਆਂ ਲਈ ਇਕ ਵਰਕਸ਼ਾਪ ਲਗਾਈ ਗਈ ਜੋ ਕਿ ਸੀ.ਸੀ.ਆਰ.ਟੀ. ਦੇ ਮੁੱਖ ਦਫ਼ਤਰ ਵਿਚ ਕੀਤੀ ਗਈ | ਇਸ ਵਰਕਸ਼ਾਪ ਵਿਚ ਪੇਂਟਿੰਗ, ਕਲੇ ਮਾਡਿਲੰਗ, ਫੋਟੋਗ੍ਰਾਫੀ ਵਾਈ ਐਂਡ ਡਾਈ, ਮਧੂਬਨੀ ਪੇਂਟਿੰਗ, ਡੋਲ ਮੇਕਿੰਗ ਬਾਰੇ ਟਰੇਨਿੰਗ ਦਿੱਤੀ ਗਈ | ਇਸ ਦੇ ਨਾਲ ਹੀ ਲੋਕ ਨਾਚ ਭੰਗੜਾ, ਡਰਾਮਾ, ਸ਼ਾਸਤਰੀ ਗਾਇਨ, ਸਟੋਰੀ ਟੈਿਲੰਗ, ਫਿਲਮ ਮੇਕਿੰਗ, ਰੇਡੀਓ ਜੋਕੀ, ਸ਼ਾਸਤਰੀ ਨਿ੍ਤ, ਕੱਥਕ ਆਦਿ ਦੀ ਵੀ ਟਰੇਨਿੰਗ ਦਿੱਤੀ ਗਈ | ਵਰਕਸ਼ਾਪ ਵਿਚ ਲੋਕ ਨਾਚਾਂ ਵਿਚ ਭੰਗੜੇ ਦੀ ਟਰੇਨਿੰਗ ਕਰਾ ਕੇ ਪੇਸ਼ਕਾਰੀ ਵੀ ਕੀਤੀ ਗਈ | ਭੰਗੜੇ ਦੀ ਸਿਖਲਾਈ ਅੰਤਰਰਾਸ਼ਟਰੀ ਕੋਚ ਰਾਜਿੰਦਰ ਟਾਂਕ ਨੇ ਦਿੱਤੀ ਅਤੇ ਦੀਪਕ ਨੇ ਬੋਲੀਆਂ ਗਾ ਕੇ ਬਹੁਤ ਵਧੀਆ ਮਾਹੌਲ ਪੈਦਾ ਕਰ ਦਿੱਤਾ ਜਿਸ ਦੀ ਸਾਰਿਆਂ ਨੇ ਖੂਬ ਸ਼ਲਾਘਾ ਕੀਤੀ | ਅਮਿਤ ਨੇ ਵੀ ਢੋਲ ਵਜਾ ਕੇ ਆਪਣੀ ਕਲਾ ਦੇ ਜੌਹਰ ਵਿਖਾਏ | ਇਸ ਵਰਕਸ਼ਾਪ ਵਿਚ ਸੀ.ਸੀ.ਆਰ.ਟੀ. ਦੇ ਚੇਅਰਮੈਨ ਡਾ. ਵਿਨੋਦ ਨਰਾਇਣ ਅਤੇ ਡਾਇਰੈਕਟਰ ਰਾਜੀਵ ਕੁਮਾਰ ਨੇ ਵਰਕਸ਼ਾਪ ਵਿਚ ਭਾਗ ਲੈਣ ਵਾਲਿਆਂ ਦਾ ਧੰਨਵਾਦ ਕੀਤਾ ਅਤੇ ਅੱਗੋਂ ਵੀ ਅਜਿਹੇ ਪ੍ਰੋਗਰਾਮ ਕਰਵਾਉਣ ਦੀ ਹਾਮੀ ਭਰੀ |
