ਟੋਹਾਣਾ, 8 ਜੂਨ (ਮਨਜੀਤ ਸਿੰਘ)- ਤੇਜ਼ ਗਰਮੀ ਅਤੇ ਵਧਦੇ ਤਾਪਮਾਨ ਨੂੰ ਮੁੱਖ ਰੱਖਦਿਆਂ ਸ਼੍ਰੀ ਬਾਲਾਜੀ ਯੁਵਾ ਚੈਰੀਟੇਬਲ ਟਰੱਸਟ ਟੋਹਾਣਾ ਨੇ ਰਾਹਗੀਰਾਂ ਦੀ ਸੇਵਾ ਲਈ ਸ਼ਾਸਤਰੀ ਬਾਜ਼ਾਰ ਵਿੱਚ ਠੰਢੇ ਮਿੱਠੇ ਜਲ ਅਤੇ ਜਲ ਜੀਰੇ ਦੀ ਛਬੀਲ ਲਗਾਈ | ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਠੰਢਾ ਮਿੱਠਾ ਜਲ ਅਤੇ ਜਲ ਜੀਰਾ ਪੀ ਕੇ ਗਰਮੀ ਤੋਂ ਰਾਹਤ ਮਹਿਸੂਸ ਕੀਤੀ ਅਤੇ ਸੰਸਥਾ ਦੇ ਸਮਾਜਿਕ ਕਾਰਜਾਂ ਦੀ ਪ੍ਰਸ਼ੰਸਾ ਕੀਤੀ | ਸੰਸਥਾ ਦੇ ਮੈਂਬਰਾਂ ਨੇ ਕਿਹਾ ਕਿ ਤੇਜ਼ ਗਰਮੀ ਦੌਰਾਨ ਪਿਆਸੇ ਰਾਹਗੀਰਾਂ ਦੀ ਸੇਵਾ ਕਰਨਾ ਇੱਕ ਪੁੰਨ ਦਾ ਕੰਮ ਹੈ ਅਤੇ ਸਮਾਜ ਦੇ ਹਰ ਵਿਅਕਤੀ ਨੂੰ ਅਜਿਹੇ ਸੇਵਾ ਕਾਰਜਾਂ ਵਿੱਚ ਸਰਗਰਮੀ ਨਾਲ ਹਿੱਸਾ ਲੈਣਾ ਚਾਹੀਦਾ ਹੈ | ਇਸ ਮੌਕੇ ਸੰਸਥਾ ਦੇ ਪ੍ਰਧਾਨ ਰੋਸ਼ਨ ਜਿੰਦਲ, ਉਪ ਪ੍ਰਧਾਨ ਗੁੱਡੂ ਸ਼ਰਮਾ, ਅਰਜੁਨ ਪਹਿਲਵਾਨ, ਗੁਲਜ਼ਾਰ ਪਹਿਲਵਾਨ, ਪਿ੍ੰਸ ਬਾਂਸਲ, ਵਿਕਾਸ ਕੁਮਾਰ, ਜਸਪ੍ਰੀਤ ਅਤੇ ਹੋਰ ਮੈਂਬਰਾਂ ਨੇ ਸੇਵਾ ਵਿੱਚ ਯੋਗਦਾਨ ਪਾਇਆ | ਸੰਸਥਾ ਨੇ ਭਵਿੱਖ ਵਿੱਚ ਵੀ ਅਜਿਹੀਆਂ ਜਨਤਕ ਸੇਵਾ ਦੀਆਂ ਗਤੀਵਿਧੀਆਂ ਜਾਰੀ ਰੱਖਣ ਦਾ ਪ੍ਰਣ ਲਿਆ |
