ਜਮਸ਼ੇਰ ਖਾਸ, 23 ਫਰਵਰੀ (ਹਰਵਿੰਦਰ ਕੁਮਾਰ) - ਸੀਨੀਅਰ ਮੈਡੀਕਲ ਅਫਸਰ ਡਾ. ਮਨਦੀਪ ਕੌਰ ਦੀ ਅਗਵਾਈ ਹੇਠ ਅੱਜ ਪ੍ਰਾਇਮਰੀ ਹੈਲਥ ਸੈਂਟਰ ਜਮਸ਼ੇਰ ਖਾਸ ਵਿਖੇ ਗਰਭਵਤੀ ਔਰਤਾਂ ਦੇ ਚੈੱਕਅੱਪ ਲਈ ਕੈਂਪ ਲਗਾਇਆ ਗਿਆ | ਐੱਸ. ਐਮ. ਓ. ਡਾਕਟਰ ਮਨਦੀਪ ਕੌਰ ਨੇ ਦੱਸਿਆ ਕਿ ਮਹੀਨੇ ਦੀ 9 ਤੇ 23 ਤਾਰੀਖ ਨੂੰ ਗਰਭਵਤੀ ਔਰਤਾਂ ਦਾ ਚੈੱਕਅੱਪ ਮਾਹਿਰ ਡਾਕਟਰ ਵਲੋਂ ਕੀਤਾ ਜਾਂਦਾ ਹੈ ਤਾਂ ਜੋ ਜਣੇਪੇ ਦੌਰਾਨ ਹੋਣ ਵਾਲੀਆਂ ਮੁਸ਼ਕਿਲਾਂ ਤੋਂ ਬਚਾਇਆ ਜਾ ਸਕੇ | ਡੈਂਟਲ ਮੈਡੀਕਲ ਅਫਸਰ ਡਾਕਟਰ ਨੇਹਾ ਸੈਣੀ ਨੇ ਗਰਭ ਦੌਰਾਨ ਹੋਣ ਵਾਲੀਆਂ ਦੰਦਾਂ ਦੀਆ ਬਿਮਾਰੀਆਂ ਬਾਰੇ ਤੇ ਦੰਦਾਂ ਦੀ ਸਫਾਈ ਬਾਰੇ ਜਾਗਰੁਕ ਕੀਤਾ | ਬਲਾਕ ਐਜੂਕੇਟਰ ਜਗਦੀਪ ਕੌਰ ਨੇ ਗਰਭ ਤੇ ਜਣੇਪੇ ਦੌਰਾਨ ਮਿਲਣ ਵਾਲੀਆਂ ਸਰਕਾਰੀ ਸਹਲੂਤਾਂ ਬਾਰੇ ਜਾਗਰੂਕ ਕੀਤਾ | ਕੈਂਪ ਦੌਰਾਨ ਕੁਸਮ ਗੁਪਤਾ, ਅਮਰਜੀਤ ਕੌਰ, ਮੋਨਾ ਵਰਮਾ ਵਲੋਂ ਸਹਿਯੋਗ ਦਿੱਤਾ ਗਿਆ |
