ਜਲੰਧਰ

ਪੈਟਰੋਲ, ਡੀਜ਼ਲ ਦੇ ਮਾਰਜਿਨ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਦੇ ਨਾਂਅ ਭੇਜਿਆ ਮੰਗ ਪੱਤਰ <br/>

ਸਟੇਟ ਕੋਆਰਡੀਨੇਟਰ ਦਫ਼ਤਰ ਦੇ ਅਧਿਕਾਰੀ ਨੂੰ ਮੰਗ ਪੱਤਰ ਦੇਣ ਮੌਕੇ ਪਰਮਜੀਤ ਸਿੰਘ ਦੋਆਬਾ, ਮਨਜੀਤ ਸਿੰਘ, ਰਣਜੀਤ ਸਿੰਘ ਗਾਂਧੀ ਤੇ ਹੋਰ | ਅਜੀਤ ਤਸਵੀਰ <br/> 25-02-2026

ਜਲੰਧਰ, 24 ਫਰਵਰੀ (ਸ਼ਿਵ)-ਪੈਟਰੋਲ ਪੰਪ ਡੀਲਰ ਐਸੋਸੀਏਸ਼ਨ ਪੰਜਾਬ ਦੇ ਪ੍ਰਧਾਨ ਪਰਮਜੀਤ ਸਿੰਘ ਦੋਆਬਾ ਦੀ ਅਗਵਾਈ ਵਿਚ ਤੇਲ ਡੀਲਰਾਂ ਦੇ ਇਕ ਵਫ਼ਦ ਨੇ ਚੰਡੀਗੜ੍ਹ ਸਥਿਤ ਸਟੇਟ ਕੋਆਰਡੀਨੇਟਰ ਤੇਲ ਇੰਡਸਟਰੀ ਦਫ਼ਤਰ ਨੂੰ ਪ੍ਰਧਾਨ ਮੰਤਰੀ ਦੇ ਨਾਂਅ ਮੰਗ ਪੱਤਰ ਦੇ ਕੇ ਤੇਲ ਮਾਰਜਿਨ ਨੂੰ ਵਧਾਉਣ ਦੀ ਮੰਗ ਕੀਤੀ ਹੈ | ਵਫ਼ਦ ਵਿਚ ਡਾ. ਮਨਜੀਤ ਸਿੰਘ, ਰਣਜੀਤ ਸਿੰਘ ਗਾਂਧੀ, ਰਾਜੇਸ਼ ਖੁਰਾਣਾ, ਮੌਂਟੀ ਸਹਿਗਲ ਸ਼ਾਮਿਲ ਸਨ | ਵਫ਼ਦ ਨੇ ਦਿੱਤੇ ਗਏ ਮੰਗ ਪੱਤਰ ਵਿਚ ਕਿਹਾ ਕਿ ਪਹਿਲੇ 100 ਕਿੱਲੋ ਲੀਟਰ ਦੀ ਆਰ. ਐੱਸ. ਪੀ. 'ਤੇ 7 ਫ਼ੀਸਦੀ ਅਤੇ 100 ਕਿੱਲੋ ਲੀਟਰ ਤੋਂ ਜ਼ਿਆਦਾ ਆਰ. ਐੱਸ. ਪੀ. 'ਤੇ 5 ਫ਼ੀਸਦੀ ਡੀਲਰ ਮਾਰਜਿਨ ਦਿੱਤਾ ਜਾਵੇ ਤੇ ਇਸ ਤੋਂ ਇਲਾਵਾ ਵਧ ਰਹੀ ਮਹਿੰਗਾਈ ਕਰਕੇ ਵਧ ਰਹੇ ਖਰਚਿਆਂ ਕਰਕੇ ਹਰ ਸਾਲ ਪਹਿਲੀ ਅਪ੍ਰੈਲ ਨੂੰ ਡੀਲਰ ਮਾਰਜਿਨ 'ਤੇ 8 ਫ਼ੀਸਦੀ ਦਾ ਵਾਧਾ ਲਾਗੂ ਕੀਤਾ ਜਾਵੇ | ਡੀਲਰ ਨੇ ਸਟੇਟ ਕੋਆਰਡੀਨੇਟਰ ਦਫ਼ਤਰ ਨੂੰ ਮੰਗ ਪੱਤਰ ਦਿੰਦੇ ਹੋਏ ਆਸ ਜ਼ਾਹਿਰ ਕੀਤੀ ਕਿ ਪ੍ਰਧਾਨ ਮੰਤਰੀ ਸ੍ਰੀ ਨਰਿੰਦਰ ਮੋਦੀ ਤੇਲ ਡੀਲਰਾਂ ਦੀ ਇਸ ਮੰਗ ਬਾਰੇ ਰਾਹਤ ਦੁਆਉਣ ਲਈ ਜ਼ਰੂਰੀ ਕਦਮ ਉਠਾਉਣਗੇ |