ਜਲੰਧਰ

ਕਰਲਡ ਹਿਅਰਿੰਗ ਡੇ ਮੌਕੇ ਪਟੇਲ ਹਸਪਤਾਲ ਵਿਚ ਮੁਫ਼ਤ ਜਾਂਚ ਕੈਂਪ ਲਗਾਇਆ

ਅ

ਅਜੀਤ ਡੈਸਕ 08-03-2026

ਜਲੰਧਰ, 7 ਮਾਰਚ (ਸ਼ੈਲੀ)-ਵਰਲਡ ਹਿਅਰਿੰਗ ਡੇ ਮੌਕੇ ਪਟੇਲ ਹਸਪਤਾਲ ਜਲੰਧਰ ਵਲੋਂ ਮੁਫ਼ਤ ਸੁਣਨ ਜਾਂਚ ਕੈਂਪ ਲਗਾਇਆ | ਪ੍ਰਬੰਧਕਾਂ ਨੇ ਦੱਸਿਆ ਕਿ ਕੈਂਪ ਦਾ ਮੁੱਖ ਉਦੇਸ਼ ਲੋਕਾਂ 'ਚ ਸੁਣਨ ਦੀ ਸਮੱਸਿਆ ਦੀ ਸਮੇਂ ਸਿਰ ਪਛਾਣ ਤੇ ਰੋਕਥਾਮ ਬਾਰੇ ਜਾਗਰੂਕਤਾ ਫੈਲਾਉਣਾ ਸੀ | ਕੈਂਪ ਵਿਚ 50 ਤੋਂ ਵੱਧ ਮਰੀਜ਼ਾਂ ਨੇ ਭਾਗ ਲਿਆ ਤੇ ਮੁਫ਼ਤ ਸਲਾਹ-ਮਸ਼ਵਰਾ ਤੇ ਮੁਫ਼ਤ ਸੁਣਨ ਜਾਂਚ ਦਾ ਲਾਭ ਉਠਾਇਆ | ਕੈਂਪ ਦੌਰਾਨ ਡਾ. ਰਾਮਨਦੀਪ ਕੌਰ, ਕਨਸਲਟੈਂਟ ਈ. ਐਨ. ਟੀ. ਸਰਜਨ ਤੇ ਡਾ. ਮਧੁਰਿਮਾ, ਫਿਜੀਸ਼ਨ ਅਸਿਸਟੈਂਟ ਵਲੋਂ ਮਰੀਜ਼ਾਂ ਦੀ ਜਾਂਚ ਕੀਤੀ ਗਈ | ਵਿਸ਼ੇਸ਼ਗਿਆਨਾਂ ਨੇ ਸੁਣਨ ਦੀ ਘਾਟ ਦੇ ਸ਼ੁਰੂਆਤੀ ਲੱਛਣਾਂ, ਲੰਬੇ ਸਮੇਂ ਤੱਕ ਇਅਰਫੋਨ ਦੇ ਇਸਤੇਮਾਲ ਦੇ ਖ਼ਤਰੇ, ਕੰਨਾਂ ਦੇ ਇਨਫੈਕਸ਼ਨ ਅਤੇ ਸਮੇਂ ਸਿਰ ਇਲਾਜ ਦੀ ਮਹੱਤਤਾ ਬਾਰੇ ਜਾਣਕਾਰੀ ਦਿੱਤੀ | ਡਾਕਟਰਾਂ ਨੇ ਦੱਸਿਆ ਕਿ ਸੁਣਨ ਦੀ ਸਮੱਸਿਆ ਅਕਸਰ ਹੌਲੀ-ਹੌਲੀ ਵੱਧਦੀ ਹੈ ਤੇ ਜੇ ਸਮੇਂ 'ਤੇ ਧਿਆਨ ਨਾ ਦਿੱਤਾ ਜਾਵੇ ਤਾਂ ਇਹ ਗੰਭੀਰ ਰੂਪ ਧਾਰ ਸਕਦੀ ਹੈ | ਸਮੇਂ ਸਿਰ ਜਾਂਚ ਅਤੇ ਢੁੱਕਵੇਂ ਇਲਾਜ ਨਾਲ ਸਥਾਈ ਨੁਕਸਾਨ ਤੋਂ ਬਚਿਆ ਜਾ ਸਕਦਾ ਹੈ | ਪਟੇਲ ਹਸਪਤਾਲ ਭਵਿੱਖ ਵਿਚ ਵੀ ਇਸ ਤਰ੍ਹਾਂ ਦੇ ਲੋਕ-ਹਿਤੈਸ਼ੀ ਸਿਹਤ ਅਭਿਆਨਾਂ ਦਾ ਆਯੋਜਨ ਕਰਦਾ ਰਹੇਗਾ |

ਪਿਛਲੀ ਖ਼ਬਰ ਕੋਰਟ ਕੰਪਲੈਕਸਾਂ 'ਚ ਲੱਗੇ ਮੀਟਰ ਘਰੇਲੂ ਸ਼ੇ੍ਰਣੀ 'ਚ ਸ਼ਾਮਿਲ ਕਰਨ ਲਈ ਸਰਕਾਰ ਦਾ ਧੰਨਵਾਦ-ਭੱਟੀ ਅਗਲੀ ਖ਼ਬਰ ਹਰ ਔਕੜ ਤੇ ਚੁਣੌਤੀ ਦਾ ਡਟ ਕੇ ਸਾਹਮਣਾ ਕਰਨ ਵਾਲੀਆਂ ਔਰਤਾਂ ਨੇ ਹੀ ਪਾਈ ਮੰਜ਼ਿਲ <br/>

ਕਰਲਡ ਹਿਅਰਿੰਗ ਡੇ ਮੌਕੇ ਪਟੇਲ ਹਸਪਤਾਲ ਵਿਚ ਮੁਫ਼ਤ ਜਾਂਚ ਕੈਂਪ ਲਗਾਇਆ

ਸੰਬੰਧਿਤ ਖ਼ਬਰਾਂ