ਜਲੰਧਰ

ਸੀ. ਏ. ਇੰਟਰਮੀਡੀਏਟ ਤੇ ਸੀ. ਏ. ਫਾਊਾਡੇਸ਼ਨ ਦੀ ਪ੍ਰੀਖਿਆ 'ਚ ਜਲੰਧਰ ਖੇਤਰ ਦੇ ਵਿਦਿਆਰਥੀਆਂ ਦਾ ਸ਼ਲਾਘਾਯੋਗ ਪ੍ਰਦਰਸ਼ਨ <br/>

ਫਾਊਾਡੇਸ਼ਨ ਦੀ ਪ੍ਰੀਖਿਆ 'ਚ ਜਲੰਧਰ ਖੇਤਰ 'ਚ ਪਹਿਲਾ ਸਥਾਨ ਹਾਸਿਲ ਕਰਨ ਵਾਲੇ ਯੋਜਿਤ ਵਰਮਾ ਆਪਣੇ ਪਰਿਵਾਰਕ ਮੈਂਬਰਾਂ ਦੇ ਨਾਲ | (ਵਿਚਕਾਰ) ਸੀ. ਏ. ਫਾਊਾਡੇਸ਼ਨ ਦੀ ਪ੍ਰੀਖਿਆ 'ਚ ਦੂਜਾ ਸਥਾਨ ਹਾਸਿਲ ਕਰਨ ਵਾਲਾ ਕਰਨਵੀਰ ਸਿੰਘ ਸੂਦ ਆਪਣੇ ਪਰਿਵਾਰਕ ਮੈਂਬਰਾਂ ਦੇ ਨਾਲ ਖੁਸ਼ੀ ਸਾਂਝੀ ਕਰਦੇ ਹੋਏ | (ਸੱਜੇ) ਤੀਸਰਾ ਸਥਾਨ ਹਾਸਿਲ ਕਰਨ ਵਾਲੀ ਦੀਪਿੰਦਰ ਕੌਰ ਆਪਣੇ ਪਰਿਵਾਰਕ ਮੈਂਬਰਾਂ ਦੇ ਨਾਲ | ਤਸਵੀਰਾਂ : ਮੁਨੀਸ਼ <br/> 09-03-2026

ਜਲੰਧਰ, 8 ਮਾਰਚ (ਜਸਪਾਲ ਸਿੰਘ)-ਇੰਸਟੀਚਿਊਟ ਆਫ਼ ਚਾਰਟਰਡ ਅਕਾਊਾਟੈਂਟਸ ਆਫ਼ ਇੰਡੀਆ ਦੁਆਰਾ ਕਰਵਾਈਆਂ ਗਈਆਂ ਸੀ. ਏ. ਇੰਟਰਮੀਡੀਏਟ ਤੇ ਸੀ. ਏ. ਫਾਊਾਡੇਸ਼ਨ ਪ੍ਰੀਖਿਆਵਾਂ (ਜਨਵਰੀ 2026) ਦੇ ਨਤੀਜੇ ਐਲਾਨੇ ਗਏ ਹਨ | ਜਲੰਧਰ ਖੇਤਰ ਦੇ ਵਿਦਿਆਰਥੀਆਂ ਨੇ ਇਸ ਪੇਸ਼ੇਵਰ ਪ੍ਰੀਖਿਆ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਖੇਤਰ ਦਾ ਨਾਂਅ ਰੌਸ਼ਨ ਕੀਤਾ ਹੈ | ਰਾਸ਼ਟਰੀ ਪੱਧਰ 'ਤੇ ਸੀ. ਏ. ਇੰਟਰਮੀਡੀਏਟ ਪ੍ਰੀਖਿਆ ਦੇ ਗਰੁੱਪ 1 ਲਈ 105,526 ਉਮੀਦਵਾਰਾਂ ਨੇ ਪ੍ਰੀਖਿਆ ਦਿੱਤੀ, ਜਿਨ੍ਹਾਂ ਵਿਚੋਂ 14,733 ਸਫਲ ਹੋਏ, ਜਿਸ ਦੇ ਨਤੀਜੇ ਵਜੋਂ ਪਾਸ ਪ੍ਰਤੀਸ਼ਤਤਾ 13.96 ਫੀਸਦੀ ਰਹੀ | ਗਰੁੱਪ 2 ਵਿਚ 69,477 ਉਮੀਦਵਾਰਾਂ ਨੇ ਪ੍ਰੀਖਿਆ ਦਿੱਤੀ, ਜਿਸ 'ਚੋਂ 10,798 ਸਫਲ ਹੋਏ ਤੇ ਪਾਸ ਪ੍ਰਤੀਸ਼ਤਤਾ 15.54 ਫੀਸਦੀ ਰਹੀ | ਦੋਵਾਂ ਗਰੁੱਪਾਂ ਵਿਚ ਕੁੱਲ 41,798 ਉਮੀਦਵਾਰ ਪ੍ਰੀਖਿਆ ਵਿਚ ਬੈਠੇ, ਜਿਨ੍ਹਾਂ ਵਿਚੋਂ 3,924 ਸਫਲ ਹੋਏ, ਜਿਸਦੇ ਨਤੀਜੇ ਵਜੋਂ ਪਾਸ ਪ੍ਰਤੀਸ਼ਤਤਾ 9.39 ਫੀਸਦੀ ਰਹੀ | ਇਸੇ ਤਰ੍ਹਾਂ ਜਲੰਧਰ ਖੇਤਰ ਦੇ ਵਿਦਿਆਰਥੀਆਂ ਨੇ ਵੀ ਉਤਸ਼ਾਹਜਨਕ ਪ੍ਰਦਰਸ਼ਨ ਕੀਤਾ | ਦੋਵਾਂ ਗਰੁੱਪਾਂ ਵਿਚ ਕੁੱਲ 84 ਵਿਦਿਆਰਥੀਆਂ ਨੇ ਪ੍ਰੀਖਿਆ ਦਿੱਤੀ, ਜਿਨ੍ਹਾਂ ਵਿਚੋਂ 7 ਨੇ ਦੋਵੇਂ ਗਰੁੱਪ ਇੱਕੋ ਸਮੇਂ ਪਾਸ ਕੀਤੇ, 2 ਨੇ ਸਿਰਫ਼ ਗਰੁੱਪ 1 ਅਤੇ 1 ਨੇ ਸਿਰਫ਼ ਗਰੁੱਪ 2 ਪਾਸ ਕੀਤਾ | ਇਸ ਤੋਂ ਇਲਾਵਾ, ਗਰੁੱਪ 1 ਵਿਚ 241 ਵਿਦਿਆਰਥੀਆਂ ਨੇ ਪ੍ਰੀਖਿਆ ਦਿੱਤੀ, ਜਿਨ੍ਹਾਂ ਵਿਚੋਂ 65 ਸਫਲ ਹੋਏ, ਜਦਕਿ ਗਰੁੱਪ 2 ਵਿਚ 94 ਵਿਦਿਆਰਥੀਆਂ ਨੇ ਪ੍ਰੀਖਿਆ ਦਿੱਤੀ, ਜਿਨ੍ਹਾਂ ਵਿਚੋਂ 29 ਸਫਲ ਹੋਏ | ਸਯਮ ਸ਼ਰਮਾ ਨੇ ਸੀ. ਏ. ਇੰਟਰਮੀਡੀਏਟ ਪ੍ਰੀਖਿਆ ਲਈ ਜਲੰਧਰ ਸ਼ਹਿਰ ਦੀ ਮੈਰਿਟ ਸੂਚੀ ਵਿਚ 334 ਅੰਕ ਪ੍ਰਾਪਤ ਕਰਕੇ ਪਹਿਲਾ, ਕੁਸ਼ ਅਰੋੜਾ ਨੇ 314 ਅੰਕ ਪ੍ਰਾਪਤ ਕਰਕੇ ਦੂਜਾ ਤੇ ਸੁਮਿਤ ਘਈ ਨੇ 311 ਅੰਕ ਪ੍ਰਾਪਤ ਕਰਕੇ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਸੀ. ਏ. ਫਾਊਾਡੇਸ਼ਨ ਪ੍ਰੀਖਿਆ ਦੇ ਨਤੀਜੇ ਵੀ ਐਲਾਨੇ ਗਏ, ਜਿਸ 'ਚ ਰਾਸ਼ਟਰੀ ਪੱਧਰ 'ਤੇ, 109,694 ਉਮੀਦਵਾਰਾਂ ਨੇ ਪ੍ਰੀਖਿਆ ਦਿੱਤੀ, ਜਿਨ੍ਹਾਂ ਵਿਚੋਂ 21,099 ਸਫਲ ਹੋਏ, ਜਿਸ ਦੀ ਪਾਸ ਪ੍ਰਤੀਸ਼ਤਤਾ 19.23 ਫੀਸਦੀ ਰਹੀ | ਪੁਰਸ਼ ਉਮੀਦਵਾਰਾਂ ਦੀ ਪਾਸ ਪ੍ਰਤੀਸ਼ਤਤਾ 20.13 ਫੀਸਦੀ ਤੇ ਮਹਿਲਾ ਉਮੀਦਵਾਰਾਂ ਦੀ ਪਾਸ ਪ੍ਰਤੀਸ਼ਤਤਾ 18.26 ਫੀਸਦੀ ਰਹੀ | ਜਲੰਧਰ ਖੇਤਰ ਦੇ ਕੁੱਲ 405 ਵਿਦਿਆਰਥੀਆਂ ਨੇ ਸੀ. ਏ. ਫਾਊਾਡੇਸ਼ਨ ਪ੍ਰੀਖਿਆ ਦਿੱਤੀ, ਜਿਨ੍ਹਾਂ ਵਿਚੋਂ 116 ਸਫਲ ਹੋਏ | ਸ਼ਹਿਰ ਦੀ ਮੈਰਿਟ ਸੂਚੀ ਵਿਚ ਯੋਜੀਤ ਵਰਮਾ ਨੇ ਪਹਿਲਾ, ਕਰਨਵੀਰ ਸਿੰਘ ਸੂਦ ਨੇ ਦੂਜਾ ਜਦਕਿ ਧਰੁਵ ਤੇ ਦੀਪਿੰਦਰ ਕੌਰ ਨੇ ਸਾਂਝੇ ਤੌਰ 'ਤੇ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਇਸ ਮੌਕੇ ਆਈ. ਸੀ. ਏ. ਆਈ. ਦੀ ਜਲੰਧਰ ਬ੍ਰਾਂਚ (ਐਨ. ਆਈ. ਆਰ. ਸੀ.) ਦੇ ਚੇਅਰਮੈਨ ਸੀਏ ਵਿਵੇਕ ਪਾਰਤੀ ਨੇ ਸਾਰੇ ਸਫਲ ਵਿਦਿਆਰਥੀਆਂ ਨੂੰ ਦਿਲੋਂ ਵਧਾਈ ਦਿੱਤੀ | ਉਨ੍ਹਾਂ ਕਿਹਾ ਕਿ ਇਹ ਨਤੀਜਾ ਵਿਦਿਆਰਥੀਆਂ ਦੀ ਮਿਹਨਤ, ਅਨੁਸ਼ਾਸਨ ਤੇ ਸਮਰਪਣ ਦਾ ਪ੍ਰਮਾਣ ਹੈ | ਉਨ੍ਹਾਂ ਨੇ ਖਾਸ ਤੌਰ 'ਤੇ ਸ਼ਹਿਰ ਦੇ ਟਾਪਰਾਂ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਉਨ੍ਹਾਂ ਦੀ ਸਫਲਤਾ ਭਵਿੱਖ ਦੇ ਵਿਦਿਆਰਥੀਆਂ ਲਈ ਪ੍ਰੇਰਨਾ ਸਰੋਤ ਵਜੋਂ ਕੰਮ ਕਰੇਗੀ | ਉਨ੍ਹਾਂ ਨੇ ਉਨ੍ਹਾਂ ਵਿਦਿਆਰਥੀਆਂ ਨੂੰ ਵੀ ਉਤਸ਼ਾਹਿਤ ਕੀਤਾ ਜੋ ਇਸ ਵਾਰ ਸਫਲ ਨਹੀਂ ਹੋਏ ਅਤੇ ਉਨ੍ਹਾਂ ਨੂੰ ਕੋਸ਼ਿਸ਼ ਕਰਦੇ ਰਹਿਣ ਦੀ ਸਲਾਹ ਦਿੱਤੀ | ਉਨ੍ਹਾਂ ਕਿਹਾ ਕਿ ਚਾਰਟਰਡ ਅਕਾਊਾਟੈਂਸੀ ਦੀ ਯਾਤਰਾ ਲਈ ਧੀਰਜ, ਸਖ਼ਤ ਮਿਹਨਤ ਤੇ ਦਿ੍ੜ ਇਰਾਦੇ ਦੀ ਲੋੜ ਹੁੰਦੀ ਹੈ ਤੇ ਜੋ ਵਿਦਿਆਰਥੀ ਡਟੇ ਰਹਿੰਦੇ ਹਨ ਉਹ ਜ਼ਰੂਰ ਸਫਲਤਾ ਪ੍ਰਾਪਤ ਕਰਨਗੇ |

ਪਿਛਲੀ ਖ਼ਬਰ ਭਾਰਤ ਦੇ ਵਿਸ਼ਵ ਕੱਪ ਜਿੱਤਣ ਦੀ ਖੁਸ਼ੀ 'ਚ ਭੋਗਪੁਰ ਵਾਸੀਆਂ ਨੇ ਭੰਗੜੇ ਪਾ ਕੇ ਖੁਸ਼ੀ ਮਨਾਈ <br/> ਅਗਲੀ ਖ਼ਬਰ ਸਿਟੀ ਰੇਲਵੇ ਸਟੇਸ਼ਨ 'ਤੇ ਮਨਾਇਆ ਅੰਤਰ ਰਾਸ਼ਟਰੀ ਮਹਿਲਾ ਦਿਵਸ ਸਮੁੱਚੇ ਸੰਚਾਲਨ ਤੇ ਰੱਖ-ਰਖਾਅ ਦੇ ਕੰਮ ਪੂਰੀ ਤਰ੍ਹਾਂ...

ਸੀ. ਏ. ਇੰਟਰਮੀਡੀਏਟ ਤੇ ਸੀ. ਏ. ਫਾਊਾਡੇਸ਼ਨ ਦੀ ਪ੍ਰੀਖਿਆ 'ਚ ਜਲੰਧਰ ਖੇਤਰ ਦੇ ਵਿਦਿਆਰਥੀਆਂ ਦਾ ਸ਼ਲਾਘਾਯੋਗ ਪ੍ਰਦਰਸ਼ਨ <br/>

ਸੰਬੰਧਿਤ ਖ਼ਬਰਾਂ