ਨੂਰਮਹਿਲ, 7 ਅਪ੍ਰੈਲ (ਤਜਿੰਦਰ ਕੁਮਾਰ)-ਥਾਣਾ ਨੂਰਮਹਿਲ ਪੁਲਿਸ ਨੇ ਇਕ ਵਿਅਕਤੀ ਨੂੰ ਦੇਸੀ ਸ਼ਰਾਬ ਸਮੇਤ ਕਾਬੂ ਕੀਤਾ | ਥਾਣਾ ਮੁਖੀ ਨੂਰਮਹਿਲ ਇੰਸਪੈਕਟਰ ਪਲਵਿੰਦਰ ਸਿੰਘ ਨੇ ਇਕ ਪ੍ਰੈੱਸ ਨੋਟ ਜਾਰੀ ਕਰਦਿਆਂ ਦੱਸਿਆ ਕਿ ਏ. ਐੱਸ. ਆਈ. ਜਨਕ ਰਾਜ ਸਮੇਤ ਪੁਲਿਸ ਕਰਮਚਾਰੀਆਂ ਨਾਲ ਗਸ਼ਤ ਚੈਕਿੰਗ ਸ਼ੱਕੀ ਤੇ ਭੈੜੇ ਪੁਰਸ਼ਾਂ ਯੁੱਧ ਨਸ਼ਿਆਂ ਵਿਰੁੱਧ ਮੁਹਿੰਮ ਦੇ ਸੰਬੰਧ 'ਚ ਤਲਵਣ ਚੌਕ ਨੂਰਮਹਿਲ ਮੌਜੂਦ ਸੀ ਤੇ ਮੁਖਬਰ ਖਾਸ ਨੇ ਹਾਜ਼ਰ ਆ ਕੇ ਇਤਲਾਹ ਦਿੱਤੀ ਕਿ ਦੋਸ਼ੀ ਬਲਵੰਤ ਸਿੰਘ ਪੁੱਤਰ ਅਰਜਨ ਸਿੰਘ ਵਾਸੀ ਬੂਟੇ ਦੀਆਂ ਛੰਨਾ ਥਾਣਾ ਮਹਿਤਪੁਰ ਜ਼ਿਲ੍ਹਾ ਜਲੰਧਰ ਸ਼ਰਾਬ ਵੇਚਣ ਦਾ ਧੰਦਾ ਕਰਦਾ ਹੈ ਤੇ ਨੂਰਮਹਿਲ ਦੇ ਇਲਾਕੇ 'ਚ ਸ਼ਰਾਬ ਵੇਚਦਾ ਹੈ | ਅੱਜ ਵੀ ਚੀਮਾਂ ਖੁਰਦ ਵਾਲੇ ਚੌਰਸਤੇ ਤੋਂ ਚੀਮਾਂ ਖੁਰਦ ਵੱਲ ਮੁੜਦੇ ਸਾਰ ਬਣੀ ਚਾਰ ਦੀਵਾਰੀ ਦੇ ਚੀਮਾਂ ਖੁਰਦ ਵਾਲੀ ਸਾਈਡ ਕੰਧ ਦੇ ਕੋਲ ਇਕ ਕੈਨੀ 'ਚ ਦੇਸੀ ਸ਼ਰਾਬ ਨਾਜਾਇਜ਼ ਰੱਖ ਕੇ ਵੇਚਣ ਵਾਸਤੇ ਗਾਹਕਾਂ ਦੀ ਉਡੀਕ ਕਰ ਰਿਹਾ ਹੈ | ਜਦ ਪੁਲਿਸ ਪਾਰਟੀ ਮੌਕੇ 'ਤੇ ਪਹੁੰਚੀ ਤਾ ਪੁਲਿਸ ਪਾਰਟੀ ਨੂੰ ਦੇਖ ਕੇ ਖਿਸਕਣ ਲੱਗਾ ਤਾਂ ਏ. ਐੱਸ. ਆਈ. ਜਨਕ ਰਾਜ ਪੁਲਿਸ ਕਰਮਚਾਰੀਆਂ ਦੀ ਮਦਦ ਨਾਲ ਕਾਬੂ ਕਰਕੇ ਦੋਸ਼ੀ ਬਲਵੰਤ ਸਿੰਘ ਕੋਲੋਂ ਦੇਸੀ ਸ਼ਰਾਬ ਨਾਜਾਇਜ਼ 35 ਬੋਤਲਾਂ 750/750 ਮਿਲੀਲਿਟਰ ਬਰਾਮਦ ਕਰਕੇ ਮੁਕੱਦਮਾ ਦਰਜ ਕੀਤਾ |
