ਜਲੰਧਰ, 27 ਅਪ੍ਰੈਲ (ਪਵਨ ਖਰਬੰਦਾ)-ਸਵ. ਅਨਿਲ ਚੋਪੜਾ ਦੇ ਮਹਾਨ ਵਿਜ਼ਨ ਤੇ ਸਥਾਈ ਵਿਰਾਸਤ ਨੂੰ ਸ਼ਰਧਾਂਜਲੀ ਅਰਪਿਤ ਕਰਦੇ ਹੋਏ ਥਿੰਦ ਆਈ ਹਸਪਤਾਲ ਜਲੰਧਰ ਵਲੋਂ ਐੱਸ. ਐੱਸ. ਡੀ. ਪੀ. ਐੱਸ. ਹਦਿਆਬਾਦ 'ਚ ਇਕ ਮੁਫ਼ਤ ਅੱਖਾਂ ਦਾ ਕੈਂਪ ਲਗਾਇਆ ਗਿਆ | ਕੈਂਪ ਦਾ ਉਦੇਸ਼ ਅੱਖਾਂ ਦੀ ਸਿਹਤ ਬਾਰੇ ਜਾਗਰੂਕਤਾ ਵਧਾਉਣਾ ਤੇ ਹਰ ਕਿਸੇ ਲਈ ਸੌਖੀ ਦਿ੍ਸ਼ਟੀ ਸੰਭਾਲ ਨੂੰ ਯਕੀਨੀ ਬਣਾਉਣਾ ਸੀ | ਵਿਦਿਆਰਥੀਆਂ, ਸਟਾਫ਼ ਮੈਂਬਰਾਂ ਤੇ ਸਥਾਨਕ ਸਮੁਦਾਇ ਦੇ ਰਹਿਣ ਵਾਲਿਆਂ ਨੇ ਉਤਸ਼ਾਹ ਨਾਲ ਭਾਗ ਲਿਆ ਅਤੇ ਇਸ ਪਹਿਲ ਦਾ ਲਾਭ ਪ੍ਰਾਪਤ ਕੀਤਾ | ਯੋਗ ਤੇ ਤਜਰਬੇਕਾਰ ਡਾਕਟਰੀ ਮਾਹਿਰਾਂ ਦੀ ਇਕ ਟੀਮ ਨੇ ਵਿਸਥਾਰਪੂਰਵਕ ਅੱਖਾਂ ਦੀ ਜਾਂਚ ਕੀਤੀ | ਸਕੂਲ ਦੀ ਪਿ੍ੰਸੀਪਲ ਮੇਘਾ ਜੈਨ ਤੇ ਗਰੁੱਪ ਦੀ ਵਾਈਸ ਚੇਅਰਪਰਸਨ ਸੰਗੀਤਾ ਚੋਪੜਾ ਨੇ ਮੈਡੀਕਲ ਟੀਮ ਅਤੇ ਸਾਰੇ ਭਾਗੀਦਾਰਾਂ ਦਾ ਇਸ ਮਹਾਨ ਕਾਰਜ ਦੀ ਸਫਲਤਾ ਵਿਚ ਯੋਗਦਾਨ ਲਈ ਦਿਲੋਂ ਧੰਨਵਾਦ ਕੀਤਾ |
