ਜਲੰਧਰ

ਪਠਾਨਕੋਟ ਚੌਕ ਤੋਂ ਮਕਸੂਦਾਂ ਵੱਲ ਪਾਈਪਾਂ ਪਾਉਣ ਲਈ ਸਰਵਿਸ ਰੋਡ ਤੋੜਨ ਦਾ ਕੰਮ ਸ਼ੁਰੂ ਸਰਵਿਸ ਰੋਡ 'ਤੇ ਪਾਈ ਜਾਣ ਵਾਲੀ ਪਾਈਪ ਦੇ ਕੰਮ ਨਾਲ ਲੰਬੇ ਸਮੇਂ ਤੱਕ ਪ੍ਰਭਾਵਿਤ ਰਹੇਗਾ ਟ੍ਰੈਫਿਕ <br/>

ਪਠਾਨਕੋਟ ਚੌਕ ਤੋਂ ਖੱਬੇ ਪਾਸੇ ਸਰਵਿਸ ਰੋਡ ਨੂੰ ਤੋੜ ਕੇ ਪਾਈਪ ਪਾਉਣ ਲਈ ਸੜਕ ਪੁੱਟਦੀ ਜੇ.ਸੀ.ਬੀ | ਬੈਰੀਕੇਡ ਲਗਾ ਕੇ ਬੰਦ ਕੀਤੀ ਸੜਕ 'ਤੇ ਪਈਆਂ ਪਾਈਪਾਂ | ਤਸਵੀਰਾਂ : ਮੁਨੀਸ਼ <br/> 05-05-2026

ਜਲੰਧਰ, 4 ਮਈ (ਸ਼ਿਵ)-ਸ਼ਹਿਰ ਦੀਆਂ ਅਲੱਗ-ਅਲੱਗ ਥਾਵਾਂ 'ਤੇ ਸੜਕਾਂ ਤੋੜ ਕੇ ਨਹਿਰੀ ਪਾਣੀ ਪ੍ਰਾਜੈਕਟ ਦੀਆਂ ਪਾਈਪਾਂ ਪਾਈਆਂ ਜਾ ਰਹੀਆਂ ਹਨ | ਜਿਸ 'ਤੇ ਤਹਿਤ ਪਾਈਪਾਂ ਰਾਹੀਂ ਆਦਮਪੁਰ ਤੋਂ ਪਾਣੀ ਲਿਆ ਕੇ ਸ਼ਹਿਰੀਆਂ ਨੂੰ ਸਪਲਾਈ ਕੀਤਾ ਜਾਣਾ ਹੈ | ਸ਼ਹਿਰੀਆਂ ਨੂੰ ਪਾਣੀ ਕਦੋਂ ਸਪਲਾਈ ਹੋਵੇਗਾ | ਇਸ ਬਾਰੇ ਤਾਂ ਅਜੇ ਲੰਬਾ ਇੰਤਜ਼ਾਰ ਕਰਨਾ ਪਏਗਾ ਪਰ ਲੋਕਾਂ ਨੂੰ ਟੁੱਟੀਆਂ ਸੜਕਾਂ ਤੋਂ ਜਲਦੀ ਰਾਹਤ ਮਿਲਦੀ ਨਜ਼ਰ ਨਹੀਂ ਆ ਰਹੀ ਹੈ ਕਿਉਂਕਿ ਪਾਈਪਾਂ ਪਾਉਣ ਲਈ ਇਕ ਸੜਕ ਤੋੜੀ ਜਾਂਦੀ ਹੈ ਤਾਂ ਫਿਰ ਉਸ ਨੂੰ ਕਈ ਮਹੀਨੇ ਬਾਅਦ ਬਣਾਇਆ ਜਾਂਦਾ ਹੈ ਤਾਂ ਦੂਜੀ ਸੜਕ ਤੋੜਨ ਦਾ ਕੰਮ ਸ਼ੁਰੂ ਹੋ ਜਾਂਦਾ ਹੈ | ਪਹਿਲਾਂ ਪਠਾਨਕੋਟ ਚੌਕ ਤੋਂ ਦੁੱਗਲ ਢਾਬੇ ਦੇ ਅੱਗੇ ਤੋਂ ਪਾਣੀ ਵਾਲੀ ਪਾਈਪ ਬੇਅੰਤ ਸਿੰਘ ਪਾਰਕ ਦੇ ਭੂਮੀਗਤ ਟੈਂਕਰ ਦੇ ਨਾਲ ਜੋੜਨ ਲਈ ਪਾਈ ਜਾਣੀ ਹੈ ਜਿਸ ਨੂੰ ਅਜੇ ਟਰਾਂਸਪੋਰਟ ਨਗਰ ਤੱਕ ਪਾਇਆ ਗਿਆ ਹੈ ਤੇ ਹੁਣ ਐਲ. ਐਂਡ. ਟੀ. ਕੰਪਨੀ ਵਲੋਂ ਪਠਾਨਕੋਟ ਚੌਕ ਦੇ ਖੱਬੇ ਪਾਸੇ ਸਰਵਿਸ ਰੋਡ ਨੂੰ ਤੋੜ ਕੇ ਪਾਈਪਾਂ ਪਾਉਣ ਦਾ ਕੰਮ ਸ਼ੁਰੂ ਕਰ ਦਿੱਤਾ ਗਿਆ ਹੈ | ਕੰਪਨੀ ਦੇ ਕਰਮਚਾਰੀਆਂ ਵਲੋਂ ਬੈਰੀਕੇਡ ਰੱਖ ਕੇ ਇਸ ਸੜਕ ਨੂੰ ਤੋੜਨ ਦਾ ਕੰਮ ਸ਼ੁਰੂ ਕਰ ਦਿੱਤਾ ਗਿਆ ਹੈ | ਇਕ ਜਾਣਕਾਰੀ ਮੁਤਾਬਕ ਇਹ ਸੜਕ ਹਾਈਵੇ ਦੇ ਸਰਵਿਸ ਰੋਡ ਤੋਂ ਹੁੰਦੀ ਹੋਈ ਮਕਸੂਦਾਂ ਤੱਕ ਜਾਣੀ ਹੈ ਜਿੱਥੇ ਕਿ ਪਹਿਲਾਂ ਹੀ ਪਾਈ ਜਾ ਚੁੱਕੀ ਪਾਈਪ ਨਾਲ ਇਸ ਪਾਈਪ ਨੂੰ ਜੋੜਿਆ ਜਾਣਾ ਹੈ | ਇਸ ਪਾਈਪ ਨੂੰ ਪਾਉਣ ਲਈ ਲੰਬੀ ਸਰਵਿਸ ਰੋਡ ਤੋੜੇ ਜਾਣ ਦਾ ਕੰਮ ਸ਼ੁਰੂ ਹੋ ਗਿਆ ਹੈ ਜਦਕਿ ਹਾਈਵੇ ਦੇ ਅਧਿਕਾਰੀਆਂ ਵਲੋਂ ਕੁੱਝ ਦਿਨ ਪਹਿਲਾਂ ਇਸ ਦੇ ਕੁੱਝ ਹਿੱਸੇ ਨੂੰ ਬਣਾਇਆ ਗਿਆ ਸੀ ਤਾਂ ਹੁਣ ਜਦੋਂ ਇਹ ਕਾਫੀ ਸੜਕ ਤੋੜੀ ਜਾਣੀ ਹੈ ਤਾਂ ਲੋਕਾਂ ਨੂੰ ਕਿੰਨੀ ਪ੍ਰੇਸ਼ਾਨੀ ਹੋਵੇਗੀ | ਇਸ ਦਾ ਸਹਿਜ ਹੀ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ | ਲੋਕ ਪਹਿਲਾਂ ਹੀ ਸੰਤ ਬਰਾਸ ਦੇ ਅੱਗੇ ਤੋੜੀ ਗਈ ਸੜਕ ਤੋਂ ਕਾਫੀ ਪੇ੍ਰਸ਼ਾਨ ਸੀ ਕਿਉਂਕਿ ਪਾਈਪ ਪਾਉਣ ਤੋਂ ਬਾਅਦ ਜਦੋਂ ਲੰਬੇ ਸਮੇਂ ਤੱਕ ਸੜਕ ਨਹੀਂ ਬਣਦੀ ਤਾਂ ਲੋਕਾਂ ਲਈ ਨਾ ਸਿਰਫ਼ ਆਉਣਾ ਜਾਣਾ ਔਖਾ ਹੁੰਦਾ ਹੈ ਸਗੋਂ ਲੋਕਾਂ ਦੇ ਕਾਰੋਬਾਰ ਪ੍ਰਭਾਵਿਤ ਹੁੰਦੇ ਹਨ | ਲੋਕਾਂ ਦਾ ਕਹਿਣਾ ਹੈ ਕਿ ਉਨਾਂ ਨੂੰ ਪਾਈਪਾਂ ਪਾਉਣ ਦਾ ਕੋਈ ਹਰਜ ਨਹੀਂ ਹੈ ਪਰ ਜਦੋਂ ਇਹ ਸੜਕ ਜਲਦੀ ਨਹੀਂ ਬਣਾਈਆਂ ਜਾਂਦੀਆਂ ਤਾਂ ਉਸ ਵੇਲੇ ਉਨਾਂ ਲਈ ਵੱਡੀ ਪੇ੍ਰਸ਼ਾਨੀ ਖੜੀ ਹੰੁਦੀ ਹੈ | ਸ਼ਹਿਰ ਵਿਚ 825 ਕਰੋੜ ਦੇ ਇਸ ਪ੍ਰਾਜੈਕਟ ਦੇ ਤਹਿਤ ਸ਼ਹਿਰ ਵਿਚ 97 ਕਿੱਲੋਮੀਟਰ ਦੇ ਕਰੀਬ ਸੜਕਾਂ ਤੋੜ ਕੇ ਪਾਈਪ ਪਾਣੀ ਜਾਣੀ ਹੈ ਪਰ ਅਜੇ ਤੱਕ 69.5 ਕਿੱਲੋਮੀਟਰ ਸੜਕ ਪਾਈ ਜਾ ਚੁੱਕੀ ਹੈ |ਹਾਈਵੇ ਵਾਲੀ ਸਰਵਿਸ ਰੋਡ 'ਤੇ 13 ਕਿੱਲੋਮੀਟਰ ਦੇ ਹਿੱਸੇ ਵਿਚ ਪਾਈਪ ਪੈਣੀ ਹੈ ਤਾਂ ਹੁਣ ਤੱਕ ਇਹ 5 ਕਿੱਲੋਮੀਟਰ ਤੱਕ ਪਾਈ ਗਈ ਹੈ | ਲੋਕਾਂ ਦਾ ਕਹਿਣਾ ਹੈ ਕਿ ਕੁਝ ਮਹੀਨੇ ਵਿਚ ਬਰਸਾਤਾਂ ਸ਼ੁਰੂ ਹੋ ਜਾਣੀਆਂ ਹਨ ਤਾਂ ਇਸ ਕਰਕੇ ਪਾਈਪਾਂ ਪਾਉਣ ਤੋਂ ਬਾਅਦ ਇਸ ਸੜਕ ਨੂੰ ਜਲਦੀ ਠੀਕ ਕਰਵਾਉਣਾ ਚਾਹੀਦਾ ਹੈ ਕਿਉਂਕਿ ਇਸ ਸੜਕ ਤੋਂ ਰੋਜ਼ਾਨਾ ਹਜ਼ਾਰਾਂ ਲੋਕ ਲੰਘਦੇ ਹਨ |

ਪਿਛਲੀ ਖ਼ਬਰ ਨਵਾਬ ਜੱਸਾ ਸਿੰਘ ਆਹਲੂਵਾਲੀਆ ਦੀ 308ਵੀਂ ਜਨਮ ਵਰ੍ਹੇਗੰਢ ਮਨਾਈ <br/> ਅਗਲੀ ਖ਼ਬਰ ਤਿੰਨ ਛੁੱਟੀਆਂ ਉਪਰੰਤ ਸੋਮਵਾਰ ਖੁੱਲ੍ਹੇ ਫ਼ਰਦ ਕੇਂਦਰ, ਪਿ੍ੰਟਰ ਨਾ ਚੱਲਣ ਕਾਰਨ ਫ਼ਰਦ ਲੈਣ ਆਏ ਲੋਕ ਹੋਏ ਖੱਜਲ-ਖੁਆਰ ਜਲ...

ਸੰਬੰਧਿਤ ਖ਼ਬਰਾਂ