ਜਲੰਧਰ

ਗੌਰਵ ਕਰਾਟੇ ਕਲੱਬ ਦੇ ਖਿਡਾਰੀਆਂ ਨੇ ਜ਼ਿਲ੍ਹਾ ਪੱਧਰੀ ਵੁਸ਼ੂ ਟੂਰਨਾਮੈਂਟ 'ਚ ਜਿੱਤੇ ਸੋਨ ਤਗਮੇ <br/>

ਜ਼ਿਲ੍ਹਾ ਪੱਧਰੀ ਵੁਸ਼ੂ ਟੂਰਨਾਮੈਂਟ 'ਚ ਗੋਲਡ ਮੈਡਲ ਜੇਤੂ ਖਿਡਾਰੀਆਂ ਦਾ ਸਵਾਗਤ ਕਰਦੇ ਮੁੱਖ ਮੁਣਸ਼ੀ ਬਿਕਰਮਜੀਤ ਸਿੰਘ, ਸਹਾਇਕ ਮੁਣਸ਼ੀ ਗੁਰਵਿੰਦਰ ਸਿੰਘ ਸਾਹਬੀ, ਨਾਲ ਕਰਾਟੇ ਕੋਚ ਗੌਰਵ ਸ਼ਰਮਾ | ਤਸਵੀਰ- ਸੁਖਦੀਪ ਸਿੰਘ <br/> 06-05-2026

ਸ਼ਾਹਕੋਟ, 5 ਮਈ (ਸੁਖਦੀਪ ਸਿੰਘ)-ਜਲੰਧਰ ਵਿਖੇ ਕਰਵਾਏ ਜ਼ਿਲ੍ਹਾ ਪੱਧਰੀ ਵੁਸ਼ੂ ਟੂਰਨਾਮੈਂਟ 'ਚ ਗੌਰਵ ਕਰਾਟੇ ਕਲੱਬ ਸ਼ਾਹਕੋਟ ਦੇ 5 ਖਿਡਾਰੀਆਂ ਨੇ ਗੋਲਡ ਮੈਡਲ ਜਿੱਤ ਕੇ ਸ਼ਾਹਕੋਟ ਇਲਾਕੇ ਦਾ ਨਾਮ ਰੌਸ਼ਨ ਕੀਤਾ ਹੈ | ਜੇਤੂ ਖਿਡਾਰੀਆਂ ਦਾ ਸ਼ਾਹਕੋਟ ਪਹੁੰਚਣ 'ਤੇ ਮਾਡਲ ਥਾਣਾ ਸ਼ਾਹਕੋਟ ਵਿਖੇ ਮੁੱਖ ਮੁਨਸ਼ੀ ਬਿਕਰਮਜੀਤ ਸਿੰਘ ਅਤੇ ਸਹਾਇਕ ਮੁਨਸ਼ੀ ਗੁਰਵਿੰਦਰ ਸਿੰਘ ਸਾਹਬੀ ਵੱਲੋਂ ਸਵਾਗਤ ਕੀਤਾ ਗਿਆ | ਉਨ੍ਹਾਂ ਖਿਡਾਰੀਆਂ ਦੀ ਹੌਂਸਲਾਅਫ਼ਜ਼ਾਈ ਕਰਦਿਆਂ ਉਨ੍ਹਾਂ ਨੂੰ ਖੇਡਾਂ 'ਚ ਹੋਰ ਅੱਗੇ ਵੱਧਣ ਲਈ ਉਤਸ਼ਾਹਿਤ ਕੀਤਾ | ਕਰਾਟੇ ਕੋਚ ਗੌਰਵ ਸ਼ਰਮਾ ਨੇ ਦੱਸਿਆ ਕਿ ਇਸ ਟੂਰਨਾਮੈਂਟ 'ਚ ਜ਼ਿਲ੍ਹਾ ਜਲੰਧਰ ਦੇ 2 ਸੌ ਦੇ ਕਰੀਬ ਖਿਡਾਰੀਆਂ ਨੇ ਭਾਗ ਲਿਆ ਸੀ, ਜਿੰਨ੍ਹਾਂ 'ਚੋਂ ਗੌਰਵ ਕਰਾਟੇ ਕਲੱਬ ਸ਼ਾਹਕੋਟ ਦੇ 5 ਖਿਡਾਰੀਆਂ ਨੇ ਟੀਮ ਕੋਚ ਕੋਮਲਪ੍ਰੀਤ ਦੀ ਆਗਵਾਈ 'ਚ ਭਾਗ ਲਿਆ | ਕਲੱਬ ਦੀ ਖਿਡਾਰਣ ਮੰਨਤ, ਕਿ੍ਸ਼ਨਾ, ਕੋਮਲਪ੍ਰੀਤ, ਜਗਿਆਸਾ ਅਤੇ ਗੌਕੁਲ ਨੇ ਆਪੋ-ਆਪਣੇ ਭਾਰ ਵਰਗ 'ਚ ਗੋਲਡ ਮੈਡਲ ਜਿੱਤੇ ਹਨ | ਜੇਤੂ ਖਿਡਾਰੀਆਂ ਦਾ ਮੁੱਖ ਮਹਿਮਾਨ ਉਲੰਪੀਅਨ ਤੇ ਸਾਬਕਾ ਆਈ.ਪੀ.ਐਸ. ਸੁਰਿੰਦਰ ਸਿੰਘ ਸੋਢੀ ਵੱਲੋਂ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ | ਉਨ੍ਹਾਂ ਦੱਸਿਆ ਕਿ ਵੁਸ਼ੂ ਖੇਡ 'ਚ ਜ਼ਿਲ੍ਹੇ 'ਚੋਂ ਗੋਲਡ ਮੈਡਲ ਜੇਤੂ ਖਿਡਾਰੀ ਹੁਣ ਰਾਜ ਪੱਧਰੀ ਟੂਰਨਾਮੈਂਟ 'ਚ ਭਾਗ ਲੈਣਗੇ |

ਪਿਛਲੀ ਖ਼ਬਰ ਬਜ਼ੁਰਗਾਂ ਨੂੰ ਧਾਰਮਿਕ ਸਥਾਨਾਂ ਦੇ ਦਰਸ਼ਨ ਕਰਵਾਉਣ ਲਈ ਚਲਾਈ ਗਈ ਸਕੀਮ ਸ਼ਲਾਘਾਯੋਗ-ਮੋਹਨ ਲਾਲ <br/> ਅਗਲੀ ਖ਼ਬਰ ਕੇਰਲਮ 'ਚ ਕਾਂਗਰਸ ਦੀ ਸ਼ਾਨਦਾਰ ਜਿੱਤ ਤੋਂ ਬਾਅਦ ਹੁਣ ਪੰਜਾਬ ਦੀ ਵਾਰੀ-ਸ਼ੇਰੋਵਾਲੀਆ

ਗੌਰਵ ਕਰਾਟੇ ਕਲੱਬ ਦੇ ਖਿਡਾਰੀਆਂ ਨੇ ਜ਼ਿਲ੍ਹਾ ਪੱਧਰੀ ਵੁਸ਼ੂ ਟੂਰਨਾਮੈਂਟ 'ਚ ਜਿੱਤੇ ਸੋਨ ਤਗਮੇ <br/>

ਸੰਬੰਧਿਤ ਖ਼ਬਰਾਂ