ਅਮਰਦੀਪ ਪਬਲਿਕ ਸਕੂਲ ਦਾ ਨਤੀਜਾ ਰਿਹਾ 100 ਪ੍ਰਤੀਸ਼ਤ
ਅਜੀਤ ਡੈਸਕ
16-05-2026
ਜੰਡਿਆਲਾ ਮੰਜਕੀ, 15 ਮਈ (ਸੁਰਜੀਤ ਸਿੰਘ ਜੰਡਿਆਲਾ)-ਅਮਰਦੀਪ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਸਮਰਾਏ ਦਾ ਨਤੀਜਾ 100% ਰਿਹਾ ਦਸਵੀਂ ਕਲਾਸ ਦੀਆਂ ਵਿਦਿਆਰਥਨਾਂ ਜੈਸੀਕਾ, ਇਸੀਕਾ ਅਤੇ ਕਿ੍ਸ਼ਮਾ ਨੇ ਕਰਮਵਾਰ ਪਹਿਲੇ ਤਿੰਨ ਸਥਾਨ ਹਾਸਿਲ ਕੀਤੇ | ਬਾਰਵੀਂ ਕਾਮਰਸ ਕਲਾਸ ਦੇ ਵਿਦਿਆਰਥੀ ਜਸਮੀਤ ਕੌਰ, ਪ੍ਰੀਆ ਅਤੇ ਮਨਮੀਤ ਸਿੰਘ ਨੇ ਕਰਮਵਾਰ ਪਹਿਲਾ, ਦੂਜਾ ਤੇ ਤੀਸਰਾ ਸਥਾਨ ਹਾਸਲ ਕੀਤਾ | ਬਾਰਵੀਂ ਆਰਟਸ ਕਲਾਸ ਤੇ ਵਿਦਿਆਰਥੀ ਹਰਮਨਪ੍ਰੀਤ ਕੌਰ, ਅਮਨਪ੍ਰੀਤ ਕੌਰ ਅਤੇ ਗਗਨਦੀਪ ਕੌਰ ਨੇ ਪਹਿਲੇ ਤਿੰਨ ਸਾਲ ਹਾਸਿਲ ਕੀਤੇ | ਇਸ ਪ੍ਰਾਪਤੀ ਤੇ ਸਕੂਲ ਦੇ ਚੇਅਰਮੈਨ ਡਾਕਟਰ ਅਮਰਜੀਤ ਸਿੰਘ, ਹਰਬੰਸ ਕੌਰ ਅਤੇ ਪਿ੍ੰਸੀਪਲ ਜਸਵਿੰਦਰ ਕੌਰ ਆਦਿ ਨੇ ਸਮੂਹ ਬੱਚਿਆਂ, ਮਾਪਿਆਂ ਸਟਾਫ ਨੂੰ ਮੁਬਾਰਕਬਾਦ ਦਿੱਤੀ ਹੈ |
ਅੱਜ ਬੰਦ ਰਹੇਗੀ ਬਿਜਲੀ
ਜਲੰਧਰ, 15 ਮਈ (ਸ਼ਿਵ)-ਪਾਵਰਕਾਮ ਦੇ ਬੁਲਾਰੇ ਮੁਤਾਬਕ 16 ਮਈ ਨੂੰ ਬਿਜਲੀ ਮੁਰੰਮਤ ਦੇ ਕੰਮ ਲਈ ਸਵੇਰੇ 9 ਵਜੇ ਤੋਂ ਲੈ ਕੇ 1 ਵਜੇ ਤੱਕ ਜਿਨਾਂ ਇਲਾਕਿਆਂ ਵਿਚ ਬਿਜਲੀ ਬੰਦ ਰਹੇਗੀ, ਉਨਾਂ ਵਿਚ ਅਜੀਤ ਨਗਰ, ਕਿਸ਼ਨ ਪੁਰਾ, ਬਲਦੇਵ ਨਗਰ, ਕਾਜ਼ੀ ਮੰਡੀ, ਦੌਲਤਪੁਰੀ, ਇਕਹਿਰੀ ਪੁਲੀ ਤੇ ਹੋਰ ਇਲਾਕੇ ਸ਼ਾਮਿਲ ਹਨ |
