ਜਲੰਧਰ, 20 ਮਈ (ਜਸਪਾਲ ਸਿੰਘ)- ਕੰਨਿਆਂ ਮਹਾਂ ਵਿਦਿਆਲਾ ਵੱਲੋਂ ਵਿਦਿਆਰਥੀਆਂ ਨੂੰ ਵਧੇਰੇ ਸਿਰਜਣਾਤਮਕ ਬਣਾਉਣ ਤੇ ਉਨ੍ਹਾਂ ਦੇ ਮਨੋਰੰਜਨ ਤੇ ਗਿਆਨ ਵਿੱਚ ਵਾਧਾ ਕਰਨ ਲਈ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਮੁਫ਼ਤ ਸਮਰ ਕਲਾਸਾਂ ਦੀ ਸ਼ੁਰੂਆਤ ਕੀਤੀ ਗਈ ਹੈ | ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਵਿਦਿਆਲਾ ਦੇ ਡਾਇਰੈਕਟਰ ਪ੍ਰੋ. ਅਤਿਮਾ ਸ਼ਰਮਾ ਦਿਵੇਦੀ ਨੇ ਦੱਸਿਆ ਕਿ ਇਹ ਕਲਾਸਾਂ ਕਾਲਜ ਦੀਆਂ ਵਿਦਿਆਰਥਣਾਂ ਦੇ ਨਾਲ-ਨਾਲ ਬਾਹਰ ਦੀਆਂ ਕੁੜੀਆਂ ਲਈ ਵੀ ਖੁੱਲ੍ਹੀਆਂ ਹਨ | ਵਿਦਿਆਲਾ ਦੇ ਵੱਖ-ਵੱਖ ਵਿਭਾਗਾਂ ਜਿਵੇਂ ਕਿ ਅੰਗਰੇਜ਼ੀ, ਫਾਈਨ ਆਰਟਸ, ਜਰਨਲਿਜ਼ਮ, ਕੰਪਿਊਟਰ ਸਾਇੰਸ, ਡਾਂਸ, ਕਾਸਮੈਟੋਲੋਜੀ, ਸੰਗੀਤ, ਫੈਸ਼ਨ ਡਿਜ਼ਾਈਨਿੰਗ ਤੇ ਡੀ.ਡੀ.ਯੂ. ਕੌਸ਼ਲ ਕੇਂਦਰ ਦੇ ਅਧੀਨ ਐਨੀਮੇਸ਼ਨ ਤੇ ਹਾਸਪਿਟੈਲਿਟੀ ਵਿਭਾਗਾਂ ਰਾਹੀਂ ਕਈ ਤਰ੍ਹਾਂ ਦੀਆਂ ਗਤੀਵਿਧੀਆਂ ਕਰਵਾਈਆਂ ਜਾਣਗੀਆਂ | ਇਹ ਕਲਾਸਾਂ ਵੱਖ-ਵੱਖ ਹਿੱਸਿਆਂ ਵਿੱਚ ਵੰਡੀਆਂ ਗਈਆਂ ਹਨ ਜਿਨ੍ਹਾਂ ਵਿਚ ਸੰਗੀਤ, ਗ੍ਰਾਫਿਕ ਡਿਜ਼ਾਈਨਿੰਗ, ਆਰਟ ਐਂਡ ਕ੍ਰਾਫਟ, ਸਪੋਕਨ ਇੰਗਲਿਸ਼, ਡਾਂਸ, ਫੋਟੋਗ੍ਰਾਫੀ, ਆਈ.ਟੀ. ਸਕਿੱਲਜ਼, ਬਿਊਟੀ ਬੂਟ ਤੇ ਸਮਾਰਟ ਕੁਕਿੰਗ ਤੇ ਬੇਕਿੰਗ ਤਕਨੀਕਾਂ ਸ਼ਾਮਲ ਹਨ ¢
