ਜਲੰਧਰ, 20 ਮਈ (ਜਸਪਾਲ ਸਿੰਘ)- ਜਲੰਧਰ ਛਾਉਣੀ ਹਲਕੇ ਵਿੱਚ ਸੜਕਾਂ ਦੀ ਬਦਹਾਲੀ ਹੁਣ ਇੱਕ ਗੰਭੀਰ ਲੋਕ ਮੁੱਦਾ ਬਣ ਚੁੱਕੀ ਹੈ | ਸਰਕਾਰ ਵੱਲੋਂ ਵਿਕਾਸ ਦੇ ਵੱਡੇ-ਵੱਡੇ ਦਾਅਵੇ ਕੀਤੇ ਜਾ ਰਹੇ ਹਨ ਪਰ ਜ਼ਮੀਨੀ ਹਕੀਕਤ ਇਹ ਹੈ ਕਿ ਹਲਕੇ ਦੀਆਂ ਸੜਕਾਂ ਭਿ੍ਸ਼ਟਾਚਾਰ, ਲਾਪਰਵਾਹੀ ਅਤੇ ਘਟੀਆ ਕਾਰਗੁਜ਼ਾਰੀ ਦੀ ਮਿਸਾਲ ਬਣ ਗਈਆਂ ਹਨ | ਸਭ ਤੋਂ ਹੈਰਾਨ ਕਰਨ ਵਾਲਾ ਮਾਮਲਾ ਅਲੀਪੁਰ ਤੋਂ ਮਿਠਾਪੁਰ ਤੱਕ ਬਣੀ ਨਵੀਂ ਸੜਕ ਦਾ ਸਾਹਮਣੇ ਆਇਆ ਹੈ¢ ਸਥਾਨਕ ਲੋਕਾਂ ਦੇ ਅਨੁਸਾਰ ਇਹ ਸੜਕ ਬਣਦੇ ਹੀ ਟੁੱਟਣ ਲੱਗ ਪਈ¢ ਕਈ ਥਾਵਾਂ 'ਤੇ ਖੱਡੇ ਪੈ ਗਏ ਹਨ ਅਤੇ ਸੜਕ ਦੀ ਉਪਰਲੀ ਪਰਤ ਹੱਥਾਂ ਨਾਲ ਹੀ ਉਖੜ ਰਹੀ ਹੈ¢ ਲੋਕਾਂ ਦਾ ਦੋਸ਼ ਹੈ ਕਿ ਨਾ ਕੋਈ ਤਕਨੀਕੀ ਪ੍ਰਕਿਰਿਆ ਅਪਣਾਈ ਗਈ ਤੇ ਨਾ ਹੀ ਸੜਕ ਬਣਾਉਣ ਤੋਂ ਪਹਿਲਾਂ ਢੰਗ ਨਾਲ ਸਫਾਈ ਜਾਂ ਬੇਸ ਤਿਆਰ ਕੀਤਾ ਗਿਆ¢ ਘਟੀਆ ਮਟੇਰੀਅਲ ਦੀ ਵਰਤੋਂ ਕਰਕੇ ਸਿਰਫ਼ ਕਾਗਜ਼ਾਂ ਵਿੱਚ ਵਿਕਾਸ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ¢ ਇਸ ਮਾਮਲੇ 'ਤੇ ਤਿੱਖੀ ਪ੍ਰਤੀਕਿਰਿਆ ਦਿੰਦਿਆਂ ਹਰਜਾਪ ਸਿੰਘ ਸੰਘਾ ਨੇ ਸੱਤਾਧਾਰੀ ਧਿਰ ਨੂੰ ਘੇਰਦਿਆਂ ਕਿਹਾ ਕਿ ਸਰਕਾਰ ਵੱਲੋਂ ਛਾਉਣੀ ਹਲਕੇ ਦੇ ਲੋਕਾਂ ਨਾਲ ਧੋਖਾ ਕੀਤਾ ਜਾ ਰਿਹਾ ਹੈ | ਉਨ੍ਹਾਂ ਇਸ ਮਾਮਲੇ ਦੀ ਉੱਚ ਪੱਧਰੀ ਜਾਂਚ ਕਰਵਾਏ ਜਾਣ ਅਤੇ ਠੇਕੇਦਾਰ ਖਿਲਾਫ ਸਖਤ ਕਾਰਵਾਈ ਕੀਤੇ ਜਾਣ ਦੀ ਮੰਗ ਕੀਤੀ ਹੈ¢
