ਜਲੰਧਰ

ਦਿ ਮਿਲਾਨੋ ਨੇ ਪੰਜਾਬ ਵਿੱਚ ਮਜ਼ਬੂਤ ਕੀਤੀ ਮੌਜੂਦਗੀ , ਜਲੰਧਰ ਵਿਚ ਖੋਲ੍ਹਿਆ ਪਹਿਲਾ ਹਾਈ - ਸਟ੍ਰੀਟ ਸਟੋਰ

ਜਲੰਧਰ, 20 ਅਗਸਤ (ਅ. ਬ.)

ਅ

ਅਜੀਤ ਡੈਸਕ 21-08-2026

ਜਲੰਧਰ, 20 ਅਗਸਤ (ਅ.ਬ.)- ਭਾਰਤ ਦੇ ਪ੍ਰਮੁੱਖ ਲਗਜ਼ਰੀ ਹੈਂਡਬੈਗ ਅਤੇ ਐਕਸੈਸਰੀਜ਼ ਬ੍ਰਾਂਡ ਦਿ ਮਿਲਾਨੋ ਨੇ ਜਲੰਧਰ ਵਿੱਚ ਆਪਣੇ ਪਹਿਲੇ ਹਾਈ-ਸਟ੍ਰੀਟ ਸਟੋਰ ਦੇ ਉਦਘਾਟਨ ਨਾਲ ਪੰਜਾਬ ਵਿੱਚ ਆਪਣਾ ਰਿਟੇਲ ਵਿਸਥਾਰ ਹੋਰ ਮਜ਼ਬੂਤ ਕੀਤਾ ਹੈ। ਮਾਡਲ ਟਾਊਨ ਵਿੱਚ ਸਥਿਤ ਲਗਭਗ 600 ਵਰਗ ਫੁੱਟ ਦਾ ਇਹ ਪ੍ਰੀਮੀਅਮ ਬੁਟੀਕ ਗਾਹਕਾਂ ਨੂੰ ਇਟਾਲੀਅਨ ਸ਼ੈਲੀ ਤੋਂ ਪ੍ਰੇਰਿਤ ਪ੍ਰੀਮੀਅਮ ਲੈਦਰ ਕਲੈਕਸ਼ਨਾਂ ਦਾ ਅਨੁਭਵ ਪ੍ਰਦਾਨ ਕਰੇਗਾ। ਸਾਲ 1989 ਵਿੱਚ ਸਥਾਪਿਤ ਦਿ ਮਿਲਾਨੋ ਉੱਚ ਗੁਣਵੱਤਾ ਵਾਲੀ ਲੈਦਰ ਕਾਰੀਗਰੀ ਲਈ ਜਾਣਿਆ ਜਾਂਦਾ ਹੈ। ਇਸ ਮੌਕੇ ’ਤੇ ਹੈੱਡ ਆਫ ਮਾਰਕੀਟਿੰਗ ਨੇਹਾ ਚੰਦਰਾ ਨੇ ਕਿਹਾ, “ਨਵੇਂ ਸਟੋਰ ਵਿੱਚ ਹੈਂਡਬੈਗ, ਵਾਲਿਟ, ਟ੍ਰੈਵਲ ਐਕਸੈਸਰੀਜ਼, ਲੱਗੇਜ, ਬੈਲਟ, ਫੁੱਟਵੇਅਰ ਅਤੇ ਲਾਈਫਸਟਾਈਲ ਉਤਪਾਦਾਂ ਦੀ ਵਿਸ਼ਾਲ ਰੇਂਜ ਪੇਸ਼ ਕੀਤੀ ਗਈ ਹੈ। ਆਧੁਨਿਕ ਰਿਟੇਲ ਮਾਹੌਲ ਬ੍ਰਾਂਡ ਦੇ ਡਿਜ਼ਾਈਨ, ਸੁੰਦਰਤਾ-ਬੋਧ ਅਤੇ ਉੱਚ ਗੁਣਵੱਤਾ ਵਾਲੀ ਕਾਰੀਗਰੀ ਨੂੰ ਦਰਸਾਉਂਦਾ ਹੈ। ਦਿ ਮਿਲਾਨੋ ਗਰੁੱਪ ਦੇ ਮੈਨੇਜਿੰਗ ਡਾਇਰੈਕਟਰ ਸਾਹਿਲ ਮਲਿਕ ਨੇ ਕਿਹਾ, “ਪੰਜਾਬ ਹਮੇਸ਼ਾ ਤੋਂ ਸਾਡੇ ਸਭ ਤੋਂ ਮਜ਼ਬੂਤ ਅਤੇ ਪਸੰਦੀਦਾ ਬਾਜ਼ਾਰਾਂ ਵਿੱਚੋਂ ਇੱਕ ਰਿਹਾ ਹੈ। ਇੱਥੇ ਮਿਲੇ ਪਿਆਰ ਅਤੇ ਭਰੋਸੇ ਲਈ ਅਸੀਂ ਧੰਨਵਾਦੀ ਹਾਂ। ਬਦਲਦੀਆਂ ਪਸੰਦਾਂ ਅਤੇ ਲਗਜ਼ਰੀ ਬ੍ਰਾਂਡਾਂ ਦੀ ਵਧਦੀ ਮੰਗ ਦੇ ਚੱਲਦਿਆਂ ਜਲੰਧਰ ਪ੍ਰੀਮੀਅਮ ਰਿਟੇਲ ਦੇ ਪ੍ਰਮੁੱਖ ਗੰਤਵ ਵਜੋਂ ਉਭਰਿਆ ਹੈ। ਪਹਿਲਾ ਹਾਈ-ਸਟ੍ਰੀਟ ਸਟੋਰ ਖੋਲ੍ਹ ਕੇ ਅਸੀਂ ਆਪਣੀ ਸਿਗਨੇਚਰ ਕਾਰੀਗਰੀ ਅਤੇ ਰਿਟੇਲ ਅਨੁਭਵ ਗਾਹਕਾਂ ਦੇ ਹੋਰ ਨੇੜੇ ਲਿਆ ਰਹੇ ਹਾਂ।” ਰੀਜਨਲ ਹੈੱਡ ਬਿਪਾਸ਼ਾ ਖੁਰਾਨਾ ਨੇ ਕਿਹਾ, “ਇਹ ਸਟੋਰ ਉੱਚ ਸਮਰੱਥਾ ਵਾਲੇ ਟੀਅਰ-2 ਬਾਜ਼ਾਰਾਂ ਵਿੱਚ ਮੌਜੂਦਗੀ ਮਜ਼ਬੂਤ ਕਰਨ ਦੀ ਲੰਬੇ ਸਮੇਂ ਦੀ ਰਣਨੀਤੀ ਵੱਲ ਇੱਕ ਮਹੱਤਵਪੂਰਨ ਕਦਮ ਹੈ। ਵਧਦੀ ਡਿਸਪੋਜ਼ੇਬਲ ਆਮਦਨ ਅਤੇ ਪ੍ਰੀਮੀਅਮ ਲਾਈਫਸਟਾਈਲ ਬ੍ਰਾਂਡਾਂ ਪ੍ਰਤੀ ਵਧਦੇ ਰੁਝਾਨ ਕਾਰਨ ਜਲੰਧਰ ਵਰਗੇ ਸ਼ਹਿਰ ਲਗਜ਼ਰੀ ਰਿਟੇਲ ਲਈ ਮਹੱਤਵਪੂਰਨ ਬਾਜ਼ਾਰ ਬਣ ਰਹੇ ਹਨ।