ਕਾਂਗਰਸ ਪਾਰਟੀ ਦੀ ਪਿੰਡ ਲੇਸੜੀਵਾਲ ’ਚ ਅਹਿਮ ਮੀਟਿੰਗ
ਆਦਮਪੁਰ, 22 ਸਤੰਬਰ (ਰਮਨ ਦਵੇਸਰ)- ਕਾਂਗਰਸ ਪਾਰਟੀ ਦੀ ਮੀਟਿੰਗ ਪਿੰਡ ਲੇਸੜੀਵਾਲ ’ਚ ਹੋਈ ਜਿਸ ’ਚ ਪੰਜਾਬ ਕਾਂਗਰਸ ਪਾਰਟੀ ਦੇ ਐਸ. ਸੀ.
ਆਦਮਪੁਰ, 22 ਸਤੰਬਰ (ਰਮਨ ਦਵੇਸਰ)- ਕਾਂਗਰਸ ਪਾਰਟੀ ਦੀ ਮੀਟਿੰਗ ਪਿੰਡ ਲੇਸੜੀਵਾਲ ’ਚ ਹੋਈ ਜਿਸ ’ਚ ਪੰਜਾਬ ਕਾਂਗਰਸ ਪਾਰਟੀ ਦੇ ਐਸ. ਸੀ. ਡੀਪਾਰਟਮੈਂਟ ਦੇ ਕਾਰਜਕਾਰੀ ਚੇਅਰਪਰਸਨ ਮੈਡਮ ਯਾਮਿਨੀ ਗੋਮਰ, ਐਸ. ਸੀ. ਡੀਪਾਰਟਮੈਂਟ ਪੰਜਾਬ ਕਾਂਗਰਸ ਦੇ ਸਕੱਤਰ ਅਤੇ ਐਸ. ਸੀ. ਡੀਪਾਰਟਮੈਂਟ ਬਲਾਕ ਆਦਮਪੁਰ ਦੇ ਨਿਰੀਖਕ ਦਵਿੰਦਰ ਪਾਲ ਅਤੇ ਉਨ੍ਹਾਂ ਨਾਲ਼ ਜ਼ਿਲ੍ਹਾ ਜਲੰਧਰ ਦੇ ਐਸ ਸੀ ਡੀਪਾਰਟਮੈਂਟ ਦੇ ਚੇਅਰਮੈਨ ਅਰਵਿੰਦ ਢੰਡਾ ਵੀ ਆਏ। ਪਿੰਡ ਵਾਸੀਆਂ ਵਲੋਂ ਆਏ ਮਹਿਮਾਨਾਂ ਨੂੰ ਫੁੱਲਾਂ ਦੇ ਗੁਲਦਸਤੇ ਦੇ ਕੇ ਅਤੇ ਸਿਰੋਪਾਓ ਦੇ ਕੇ ਸਵਾਗਤ ਕੀਤਾ ਗਿਆ । ਮੈਡਮ ਯਾਮਿਨੀ ਗੋਮਰ ਵਲੋਂ ਪਿੰਡ ਵਾਸੀਆਂ ਦਾ ਧੰਨਵਾਦ ਕੀਤਾ ਗਿਆ ਅਤੇ ਉਨ੍ਹਾਂ ਕਿਹਾ ਕਿ ਹਲਕਾ ਆਦਮਪੁਰ ਦੇ ਲੋਕਾਂ ਨੂੰ ਅਪੀਲ ਕਰਨ ਆਏ ਹਾਂ ਕਿ ਪੰਜਾਬ ਦੇ ਅੱਜ ਦੇ ਹਾਲਾਤਾਂ ਨੂੰ ਦੇਖਦੇ ਹੋਏ ਫਿਰ ਤੋਂ ਦੂਸਰੀ ਵਾਰ ਆਦਮਪੁਰ ਦੇ ਐਮ. ਐਲ. ਏ. ਸੁਖਵਿੰਦਰ ਕੋਟਲੀ ਅਤੇ ਨੂੰ ਵੱਡੀ ਲੀਡ ਨਾਲ ਜਿਤਾਉਣਾ ਹੈ ਅਤੇ ਇਸ ਦੇ ਨਾਲ ਹੈ ਪੰਜਾਬ ਵਿਚ ਕਾਂਗਰਸ ਸਰਕਾਰ ਬਣਾਈ ਜਾਵੇ ਤਾਂ ਜੋਂ ਫ਼ਿਰ ਤੋਂ ਪੰਜਾਬ ਆਪਣੀ ਤਰੱਕੀ ਵਾਲੀ ਰਾਹ ’ਤੇ ਚੱਲ ਸਕੇ। ਅਜੀਤ ਰਾਮ ਲੇਸੜੀਵਾਲ ਚੇਅਰਮੈਨ ਐਸ ਸੀ ਡੀਪਾਰਟਮੈਂਟ ਬਲਾਕ ਆਦਮਪੁਰ ਨੇ ਕਿਹਾ ਕਿ ਕਾਂਗਰਸ ਵਰਕਰ ਕਾਂਗਰਸ ਦੀ ਸਰਕਾਰ ਬਨਾਉਣ ਲਈ ਬਹੁਤ ਉਤਸ਼ਾਹਿਤ ਹੈ। ਇਸ ਮੌਕੇ ਸਾਬਕਾ ਸਰਪੰਚ ਇੰਦਰਜੀਤ ਕੌਰ, ਸੁਰਜੀਤ ਕੌਰ, ਪੁਸ਼ਪਾ ਬੀਬੀ, ਬਲਕਿਸਾ ਮਾਤਾ, ਰਾਣੋ ਬੀਬੀ, ਮਾਸਟਰ ਅਮਰਜੀਤ ਗਿੱਲ, ਡਾ ਬਲਵਿੰਦਰ ਕੁਮਾਰ, ਮਹਿੰਦਰ ਗਿੱਲ, ਤਰਸੇਮ ਲਾਲ, ਜਤਿੰਦਰ ਸ਼ੀਪਾ, ਦੀਪ ਮਾਸਟਰ, ਅਸ਼ੋਕ ਕਲਿਆਣ, ਸੁਰਿੰਦਰ ਪਾਲ, ਚਰਨਜੀਤ, ਸੋਢੀ ਭਾਜੀ, ਰਵੀ ਲਾਲ ਅਤੇ ਯੁਵਾ ਮੋਰਚਾ ਦੇ ਸਾਥੀ ਅਰੀਅਨ ਮਾਨ ਅਤੇ ਪਿੰਡ ਵਾਸੀ ਮਾਜੂਦ ਸਨ।
