ਪੀ. ਕੇ. ਐਫ. ਵਲੋਂ ‘ਵੈਲਕਮ ਟੂ ਜਲੰਧਰ’ ਖੇਡ ਕਲਾਕ੍ਰਿਤੀ ਸ਼ਹਿਰ ਨੂੰ ਸਮਰਪਿਤ
ਜਲੰਧਰ, 24 ਸਤੰਬਰ (ਸ਼ਿਵ)-ਪ੍ਰਮੁੱਖ ਫਾਇਨੈਂਸ ਕੰਪਨੀ ਪੀ. ਕੇ.
ਜਲੰਧਰ, 24 ਸਤੰਬਰ (ਸ਼ਿਵ)-ਪ੍ਰਮੁੱਖ ਫਾਇਨੈਂਸ ਕੰਪਨੀ ਪੀ.ਕੇ.ਐੱਫ. ਵਲੋਂ ਤਿਆਰ ਕੀਤੀ ਗਈ ‘ਵੈਲਕਮ ਟੂ ਜਲੰਧਰ’ ਖੇਡ ਕਲਾਕ੍ਰਿਤੀ ਦਾ ਉਦਘਾਟਨ ਮੁੱਖ ਮਹਿਮਾਨ ਮੇਅਰ ਵਨੀਤ ਧੀਰ ਨੇ ਕੀਤਾ ਗਿਆ। ਨੈਸ਼ਨਲ ਹਾਈਵੇ ’ਤੇ ਸਥਾਪਿਤ ਇਹ ਕਲਾਕ੍ਰਿਤੀ ਜਲੰਧਰ ਦੀ ਖੇਡ ਵਿਰਾਸਤ ਨੂੰ ਦਰਸਾਉਂਦੀ ਹੈ। ਇਹ ਸ਼ਹਿਰ ਵਿਚ ਆਉਣ ਵਾਲੇ ਲੋਕਾਂ ਲਈ ਖਿੱਚ ਦਾ ਕੇਂਦਰ ਬਣਨ ਦੇ ਨਾਲ ਉਨ੍ਹਾਂ ਦਾ ਸਵਾਗਤ ਕਰਨ ਅਤੇ ਨਵਾਂ ਜੋਸ਼ ਤੇ ਉਤਸ਼ਾਹ ਭਰਨ ਦਾ ਕੰਮ ਕਰੇਗੀ। ਮੇਅਰ ਵਨੀਤ ਧੀਰ ਨੇ ਕੰਪਨੀ ਦੇ ਇਸ ਉੱਦਮ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਕੰਪਨੀ ਪਹਿਲਾਂ ਹੀ ਸ਼ਹਿਰ ਨੂੰ ਖੂਬਸੂਰਤ ਬਣਾਉਣ ਅਤੇ ਹੋਰ ਵੀ ਸਮਾਜ ਸੇਵਾ ਦੇ ਕੰਮਾਂ ਵਿਚ ਮੋਹਰੀ ਰਹਿੰਦੀ ਹੈ। ਇਸ ਮੌਕੇ ਕੌਂਸਲਰ ਸੌਰਭ ਸੇਠ, ਨਗਰ ਨਿਗਮ ਦੇ ਹਾਰਟੀਕਲਚਰ ਐਡਵਾਈਜ਼ਰ ਦਲੀਪ ਕੁਮਾਰ, ਕੰਪਨੀ ਦੇ ਡਾਇਰੈਕਟਰ ਅਨਿਲ ਕਾਲੀਆ, ਵੰਦਨਾ ਸੋਂਧੀ, ਵਿਜਯਾ ਸੋਂਧੀ ਅਤੇ ਟੀਮ ਮੈਂਬਰਾਂ ਸਮੇਤ ਹੋਰ ਪਤਵੰਤੇ ਹਾਜ਼ਰ ਸਨ। ਇਸ ਮੌਕੇ ਕੰਪਨੀ ਦੇ ਚੇਅਰਮੈਨ ਆਲੋਕ ਸੋਂਧੀ ਤੇ ਐਮ. ਡੀ. ਵਿਵੇਕ ਸੌਂਧੀ ਆਸ਼ਿਮ ਸੌਂਧੀ ਨੇ ਦੱਸਿਆ ਕਿ ਕੰਪਨੀ ਵਲੋਂ ਵਿੱਤੀ ਸੇਵਾਵਾਂ ਦੇ ਨਾਲ-ਨਾਲ ਵਾਤਾਵਰਨ ਸੰਭਾਲ, ਸੱਭਿਆਚਾਰ ਅਤੇ ਸਿੱਖਿਆ ਦੇ ਵਿਕਾਸ ਅਤੇ ਸ਼ਹਿਰ ਨੂੰ ਸੁੰਦਰ, ਸਾਫ਼-ਸੁਥਰਾ ਤੇ ਹਰਿਆ-ਭਰਿਆ ਬਣਾਉਣ ਲਈ ਵੀ ਲਗਾਤਾਰ ਕੰਮ ਕੀਤਾ ਜਾ ਰਿਹਾ ਹੈ।
