ਭੁਲੱਥ, 5 ਮਾਰਚ (ਮੇਹਰ ਚੰਦ ਸਿੱਧੂ)-ਸਬ ਡਵੀਜ਼ਨ ਕਸਬਾ ਭੁਲੱਥ ਅੰਦਰ ਹੁੱਲੜਬਾਜ਼ੀ ਦਾ ਨੰਗਾ ਨਾਚ ਉਸ ਸਮੇਂ ਦੇਖਣ ਨੂੰ ਮਿਲਿਆ, ਜਦੋਂ ਮੇਨ ਬਾਜ਼ਾਰ ਤੇ ਸੜਕਾਂ 'ਤੇ ਕੁਝ ਸ਼ਰਾਰਤੀ ਅਨਸਰ ਮੋਟਰਸਾਈਕਲਾਂ 'ਤੇ ਸਵਾਰ ਹੁੱਲੜਬਾਜ਼ੀ ਤੇ ਚੀਕਾਂ ਮਾਰਦੇ ਨਜ਼ਰ ਆਏ | ਹੋਲੀ ਦੇ ਤਿਉਹਾਰ ਦੀ ਆੜ ਵਿਚ ਲੋਕਾਂ 'ਤੇ ਰੰਗ ਤਾਂ ਪਾ ਹੀ ਰਹੇ ਸਨ ਤੇ ਦੂਜੇ ਪਾਸੇ ਕੁਝ ਸ਼ਰਾਰਤੀ ਅਨਸਰ ਬੁਲਟ ਮੋਟਰਸਾਈਕਲਾਂ 'ਤੇ ਸਵਾਰ ਹੋ ਕੇ ਉੱਚੀ ਆਵਾਜ਼ ਵਿਚ ਪਟਾਕੇ ਵੀ ਮਾਰ ਰਹੇ ਸਨ, ਜਿਸ ਨਾਲ ਬਹੁਤ ਸਾਰੇ ਰਾਹਗੀਰਾਂ ਨੂੰ ਪਰੇਸ਼ਾਨੀ ਦਾ ਸਾਹਮਣਾ ਵੀ ਕਰਨਾ ਪਿਆ | ਪ ਅਫਸੋਸ ਕਿ ਪੁਲਿਸ ਪ੍ਰਸ਼ਾਸਨ ਭੁਲੱਥ ਇਸ ਪਾਸੇ ਲਾਪਰਵਾਹ ਨਜ਼ਰ ਆਇਆ |
