ਕਪੂਰਥਲਾ, 17 ਅਪ੍ਰੈਲ (ਵਿਸ਼ੇਸ਼ ਪ੍ਰਤੀਨਿਧ)- ਗੁਰੂ ਰਵਿਦਾਸ ਅੰਮਿ੍ਤਬਾਣੀ ਸਭਾ ਖੋਜੇਵਾਲ ਵਲੋਂ ਡਾ. ਭੀਮ ਰਾਓ ਅੰਬੇਡਕਰ ਦੇ ਜਨਮ ਦਿਵਸ ਤੇ ਵਿਸਾਖੀ ਦਾ ਦਿਹਾੜਾ ਬਹੁਤ ਹੀ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ ਗਿਆ | ਸਮਾਗਮ ਦੀ ਸ਼ੁਰੂਆਤ 'ਤੇ ਅੰਮਿ੍ਤਬਾਣੀ ਦੇ ਪਾਠ ਕਰਵਾਏ ਗਏ ਤੇ ਬਾਅਦ ਵਿਚ ਕੀਰਤਨੀ ਜਥਿਆਂ ਨੇ ਗੁਰਬਾਣੀ ਕੀਰਤਨ ਦੁਆਰਾ ਸੰਗਤਾਂ ਨੂੰ ਨਿਹਾਲ ਕੀਤਾ | ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਮਾਸਟਰ ਗੁਰਮੇਜ ਪੁਆਰ, ਜਸਵਿੰਦਰ ਕਰੜਾ, ਬਾਬਾ ਤੀਰਥ ਨਾਥ, ਗੁਰਮੀਤ ਲਾਲ ਕਰੜਾ ਤੇ ਹੋਰ ਆਗੂਆਂ ਨੇ ਡਾ. ਭੀਮ ਰਾਓ ਅੰਬੇਡਕਰ ਦੇ ਜੀਵਨ ਤੇ ਉਨ੍ਹਾਂ ਦੇ ਯੋਗਦਾਨ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ | ਬੁਲਾਰਿਆਂ ਨੇ ਕਿਹਾ ਕਿ ਉਨ੍ਹਾਂ ਦੇ ਵਿਚਾਰ ਅੱਜ ਵੀ ਸਾਨੂੰ ਸਮਾਜਿਕ ਬੁਰਾਈਆਂ ਦੇ ਵਿਰੁੱਧ ਸੰਘਰਸ਼ ਕਰਨ ਲਈ ਪ੍ਰੇਰਿਤ ਕਰਦੇ ਹਨ | ਬੁਲਾਰਿਆਂ ਨੇ ਵਿਸਾਖੀ ਦੇ ਇਤਿਹਾਸਕ ਮਹੱਤਵ ਬਾਰੇ ਵੀ ਚਰਚਾ ਕੀਤੀ ਤੇ ਇਹ ਦਿਹਾੜਾ ਸਾਡੀ ਸਾਂਝੀ ਵਿਰਾਸਤ ਤੇ ਖ਼ੁਸ਼ਹਾਲੀ ਦਾ ਪ੍ਰਤੀਕ ਹੈ | ਉਨ੍ਹਾਂ ਨੌਜਵਾਨ ਪੀੜ੍ਹੀ ਨੂੰ ਅਪੀਲ ਕੀਤੀ ਕਿ ਉਹ ਮਹਾਨ ਵਿਅਕਤੀਆਂ ਦੀਆਂ ਸਿੱਖਿਆਵਾਂ ਨੂੰ ਆਪਣੇ ਜੀਵਨ ਵਿਚ ਅਪਣਾਉਣ ਤੇ ਸਮਾਜ ਦੀ ਭਲਾਈ ਲਈ ਅੱਗੇ ਆਉਣ | ਇਸ ਮੌਕੇ ਸੰਨੀ ਪੁਆਰ, ਮਨੀ ਪੁਆਰ, ਪਲਵਿੰਦਰਪਾਲ, ਪ੍ਰੇਮ ਲਾਲ, ਹਨੀ ਪੁਆਰ, ਗੁਰਦੇਵ ਪੁਆਰ, ਭਜਨ ਲਾਲ, ਜਸਪ੍ਰੀਤ ਕਰੜਾ, ਮੋਹਿਤ ਕਰੜਾ, ਦੀਪਕ ਕਰੜਾ, ਬੱਬਲੂ ਕਰੜਾ, ਪ੍ਰੀਤ ਕਰੜਾ, ਅਮਰਜੀਤ ਕਰੜਾ, ਚਰਨਜੀਤ ਲੱਕੀ, ਸੰਤੋਖ ਲਾਲ, ਕਾਲੀ ਆਦਿ ਹਾਜ਼ਰ ਸਨ |
