ਫਗਵਾੜਾ, 17 ਅਪੈ੍ਰਲ (ਹਰਜੋਤ ਸਿੰਘ ਚਾਨਾ)-ਮੰਡੀ ਫਗਵਾੜਾ ਦੀਆਂ ਲੰਬੇ ਸਮੇਂ ਤੋਂ ਲਟਕਦੀਆਂ ਗੰਭੀਰ ਸਮੱਸਿਆਵਾਂ ਦੇ ਹੱਲ ਲਈ ਅੱਜ ਸਬਜ਼ੀ ਮੰਡੀ ਆੜ੍ਹਤੀ ਐਸੋਸੀਏਸ਼ਨ ਵਲੋਂ ਐਸੋਸੀਏਸ਼ਨ ਦੇ ਪ੍ਰਧਾਨ ਹਰਜੀਤ ਸਿੰਘ ਕਿੰਨੜਾ ਦੀ ਅਗਵਾਈ ਹੇਠ ਮੈਂਬਰ ਪਾਰਲੀਮੈਂਟ ਰਾਜ ਕੁਮਾਰ ਚੱਬੇਵਾਲ ਤੇ ਹਲਕਾ ਇੰਚਾਰਜ ਹਰਜ ਮਾਨ ਨੂੰ ਸੌਂਪਿਆ ਗਿਆ | ਮੰਗ-ਪੱਤਰ ਰਾਹੀਂ ਆੜ੍ਹਤੀਆਂ ਨੇ ਮੰਡੀ ਦੀ ਖਸਤਾ ਹਾਲਤ ਬਾਰੇ ਜਾਣੂ ਕਰਵਾਉਂਦਿਆਂ ਕੰਮ ਕਰਨਾ 'ਚ ਆ ਰਹੀਆਂ ਮੁਸ਼ਕਿਲ ਬਾਰੇ ਜਾਣੂ ਕਰਵਾਇਆ | ਐਸੋਸੀਏਸ਼ਨ ਨੇ ਮੁੱਖ ਤੌਰ 'ਤੇ ਬੰਦ ਪਈਆਂ ਲਾਈਟਾਂ ਅਤੇ ਸੜਕਾਂ ਦੀ ਹਾਲਤ, ਮੰਡੀ ਦੀਆਂ ਪਿਛਲੇ ਕਾਫੀ ਸਮੇਂ ਤੋਂ ਬੰਦ ਲਾਈਟਾਂ, ਜਿਸ ਕਾਰਨ ਰਾਤ ਤੇ ਤੜਕਸਾਰ ਕੰਮ ਕਰਨ ਵੇਲੇ ਦਿੱਕਤ ਆਉਂਦੀ ਹੈ | ਮੰਡੀ ਦੀਆਂ ਟੁੱਟੀਆਂ ਸੜਕਾਂ ਦੇ ਨਾਲ ਬੰਦ ਪਏ ਬਾਓ ਗੈਸ ਪਲਾਂਟ ਸ਼ਾਮਿਲ ਹਨ | ਇਸ ਮੌਕੇ ਮੈਂਬਰ ਪਾਰਲੀਮੈਂਟ ਰਾਜ ਕੁਮਾਰ ਚੱਬੇਵਾਲ ਨੇ ਆੜ੍ਹਤੀਆਂ ਦੀਆਂ ਮੁਸ਼ਕਿਲਾਂ ਨੂੰ ਬੜੇ ਧਿਆਨ ਨਾਲ ਸੁਣਿਆ ਤੇ ਭਰੋਸਾ ਦਿਵਾਇਆ ਕਿ ਇਨ੍ਹਾਂ ਮਸਲਿਆਂ ਨੂੰ ਜਲਦ ਹੀ ਸੰਬੰਧਿਤ ਵਿਭਾਗਾਂ ਕੋਲ ਉਠਾ ਕੇ ਹੱਲ ਕਰਵਾਇਆ ਜਾਵੇਗਾ | ਇਸ ਮੌਕੇ ਐਸੋਸੀਏਸ਼ਨ ਦੇ ਹੋਰ ਅਹੁਦੇਦਾਰ ਤੇ ਮੈਂਬਰ ਵੀ ਵੱਡੀ ਗਿਣਤੀ ਵਿਚ ਹਾਜ਼ਰ ਸਨ | ਇਸ ਮੌਕੇ ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਤਲਵਿੰਦਰ ਰਾਮ, ਰਾਮਪਾਲ ਉੱਪਲ, ਸੈਕਟਰੀ ਬਲਜਿੰਦਰ ਸਿੰਘ, ਜਸਪਾਲ ਸਿੰਘ , ਕੁਲਵੰਤ ਪੱਬੀ , ਗੁਰਦੀਪ ਡਾਵਰ , ਕੁਲਵਿੰਦਰ ਸਿੰਘ ਕਿੰਦਾ ਗੌਰਵ ਡਾਵਰ, ਰਾਮ ਖਡੂਜਾ, ਸ਼ਾਮ ਖਡੂਜਾ, ਸੁਭਾਸ਼ ਚੰਦਰ ਸ਼ਰਮਾ, ਭੂਸ਼ਨ ਤਨੇਜਾ ਤੋ ਇਲਾਵਾ ਆਪ ਆਗੂ ਗੁਰਦੀਪ ਦੀਪਾ ਹਾਜ਼ਰ ਸਨ |
