ਢਿਲਵਾਂ, 11 ਮਈ (ਪ੍ਰਵੀਨ ਕੁਮਾਰ)-ਬੀਤੀ ਰਾਤ ਆਈ ਤੇਜ਼ ਹਨੇਰੀ ਝੱਖੜ ਦੇ ਕਾਰਨ ਆਮ ਜਨਜੀਵਨ ਬੁਰੀ ਤਰਾਂ ਨਾਲ ਪ੍ਰਭਾਵਿਤ ਹੋਇਆ ਹੈ, ਉੱਥੇ ਕਈ ਥਾਵਾਂ 'ਤੇ ਸੜਕਾਂ ਕਿਨਾਰੇ ਲੱਗੇ ਦਰਖਤਾਂ ਦੇ ਟੁੱਟਣ ਨਾਲ ਆਵਾਜਾਈ ਦੇ ਪ੍ਰਭਾਵਿਤ ਹੋਣ ਦੀ ਸੂਚਨਾ ਮਿਲੀ ਹੈ | ਇਸੇ ਤਰਾਂ 132 ਕੇ ਵੀ ਸਬਡਵੀਜ਼ਨ ਢਿਲਵਾਂ ਅਧੀਨ ਆਉਂਦੇ ਖੇਤਰਾਂ ਵਿਚ ਬਿਜਲੀ ਦੇ ਪੋਲ ਟੁੱਟਣ ਨਾਲ ਜਿੱਥੇ ਬਿਜਲੀ ਸਪਲਾਈ ਬੁਰੀ ਤਰਾਂ ਨਾਲ ਪ੍ਰਭਾਵਿਤ ਹੋਈ ਹੈ, ਉੱਥੇ ਇਸ ਤੇਜ਼ ਝੱਖੜ ਨਾਲ ਪਾਵਰਕਾਮ ਦਾ ਵੱਡੇ ਪੱਧਰ ਤੇ ਨੁਕਸਾਨ ਹੋਇਆ ਹੈ | ਦੱਸਣਯੋਗ ਹੈ ਕਿ ਬਿਜਲੀ ਸਪਲਾਈ ਬੰਦ ਹੋਣ ਨਾਲ ਕਈ ਥਾਵਾਂ 'ਤੇ ਮੋਬਾਈਲ ਟਾਵਰ ਦੇ ਬੰਦ ਹੋਣ ਉਪਰੰਤ ਰੇਲਵੇ ਡਿਪੂ ਢਿਲਵਾਂ ਦੇ ਵਾਸੀਆਂ ਨੂੰ ਮੋਬਾਈਲ ਸਿਗਨਲ ਨਾ ਆਉਣ ਦੀ ਪੇ੍ਰਸ਼ਾਨੀ ਵੀ ਝੱਲਣੀ ਪਈ ਹੈ |
