ਸੁਲਤਾਨਪੁਰ ਲੋਧੀ, 22 ਮਈ (ਨਰੇਸ਼ ਹੈਪੀ)-ਵਾਰਡ ਨੰਬਰ ਚਾਰ ਤੋਂ ਆਜ਼ਾਦ ਧੜੇ ਦੇ ਉਮੀਦਵਾਰ ਪਵਨ ਕੁਮਾਰ ਕਨੌਜੀਆ ਦੇ ਹੱਕ ਵਿਚ ਵਿਧਾਇਕ ਰਾਣਾ ਇੰਦਰ ਪ੍ਰਤਾਪ ਸਿੰਘ ਵੱਲੋਂ ਸਾਥੀਆਂ ਸਮੇਤ ਵਾਰਡ ਦੇ ਮੁਹੱਲਾ ਲਲਾਰੀਆਂ, ਮੁਹੱਲਾ ਮਹਿਰਿਆਂ, ਫੁਹਾਰਾ ਚੌਂਕ, ਮੁਹੱਲਾ ਨਸੀਰਪੁਰੀਆਂ, ਭਾਰਾ ਮਲ ਮੰਦਿਰ ਰੋਡ ਆਦਿ ਵਿਖੇ ਘਰ ਘਰ ਜਾ ਕੇ ਪ੍ਰਚਾਰ ਕੀਤਾ ਤੇ ਵੋਟਰਾਂ ਨੂੰ ਅਪੀਲ ਕੀਤੀ ਕਿ ਉਹ ਸਾਫ਼ ਸੁਥਰੇ ਅਕਸ ਦੇ ਮਾਲਕ ਅਤੇ ਹਮੇਸ਼ਾ ਲੋਕਾਂ ਦੇ ਕੰਮ ਆਉਣ ਵਾਲੇ ਉਮੀਦਵਾਰ ਪਵਨ ਕੁਮਾਰ ਕਨੌਜੀਆ ਨੂੰ ਮੁੜ ਤੋਂ ਸੇਵਾ ਦਾ ਮੌਕਾ ਦੇਣ | ਵਿਧਾਇਕ ਰਾਣਾ ਨੇ ਦਾਅਵਾ ਕੀਤਾ ਕਿ ਨਗਰ ਕੌਂਸਲ ਚੋਣਾਂ ਮਗਰੋਂ ਨਗਰ ਕੌਂਸਲ ਤੇ ਆਜ਼ਾਦ ਧੜਾ ਕਾਬਜ਼ ਹੋਵੇਗਾ | ਇਸ ਮੌਕੇ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਜੋਗਾ ਸਿੰਘ ਕਾਲੇਵਾਲ, ਰੋਟਰੀ ਕਲੱਬ ਸੁਲਤਾਨਪੁਰ ਲੋਧੀ ਦੇ ਪ੍ਰਧਾਨ ਜੋਗਾ ਸਿੰਘ ਕਾਲੇਵਾਲ, ਕਨੌਜੀਆ ਸੇਵਾ ਦਲ ਦੇ ਸਰਪ੍ਰਸਤ ਸ਼ਿਵ ਕੁਮਾਰ ਕਨੌਜੀਆ, ਅਨਿਲ ਧੀਰ ਪਪਰੂ, ਸੋਨੂੰ ਕਨੌਜੀਆ ਪ੍ਰਧਾਨ ਕਨੌਜੀਆ ਸੇਵਾ ਦਲ, ਸੰਜੀਵ ਅਰੋੜਾ, ਵਿਨੋਦ ਕਨੌਜੀਆ, ਜਸਪਾਲ ਸਿੰਘ ਢਿੱਲੋਂ, ਬਲਜਿੰਦਰ ਸਿੰਘ ਨੰਡਾ, ਬਲਵਿੰਦਰ ਸਿੰਘ ਤੇ ਵੱਡੀ ਗਿਣਤੀ ਵਿਚ ਵਾਰਡ ਵਾਸੀ ਆਦਿ ਵੀ ਹਾਜ਼ਰ ਸਨ |
