ਸਹਿਕਾਰੀ ਸਭਾਵਾਂ ਯੂਨੀਅਨ ਨੇ ਮੈਂਬਰ ਪਾਰਲੀਮੈਂਟ ਡਾ. ਰਾਜ ਕੁਮਾਰ ਚੱਬੇਵਾਲ ਨੂੰ ਦਿੱਤਾ ਮੰਗ ਪੱਤਰ

ਫਗਵਾੜਾ, 1 ਅਗਸਤ (ਅਸ਼ੋਕ ਕੁਮਾਰ ਵਾਲੀਆ)-ਸਹਿਕਾਰੀ ਸਭਾਵਾਂ ਵਿਚ ਬੇਲੋੜੀਆਂ ਖਾਦਾਂ ਦੀ ਸਪਲਾਈ ਨੂੰ ਰੋਕਣ ਸਬੰਧੀ ਇੱਕ ਮੰਗ ਪੱਤਰ ਸਹਿਕਾਰੀ ਸਭਾਵਾਂ ਕਰਮਚਾਰੀ ਯੂਨੀਅਨ ਫਗਵਾੜਾ ਵਲੋਂ ਮੈਂਬਰ ਪਾਰਲੀਮੈਂਟ ਡਾ: ਰਾਜ ਕੁਮਾਰ ਚੱਬੇਵਾਲ ਨੂੰ ਦਿੱਤਾ | ਮੰਗ ਪੱਤਰ ਦੇਣ ਉਪਰੰਤ ਗੱਲਬਾਤ ਕਰਦਿਆਂ ਸਹਿਕਾਰੀ ਸਭਾਵਾਂ ਕਰਮਚਾਰੀ ਯੂਨੀਅਨ ਦੇ ਅਹੁਦੇਦਾਰਾਂ ਨੇ ਕਿਹਾ ਕਿ ਸਹਿਕਾਰੀ ਸਭਾਵਾਂ ਮਾਰਕਫੈੱਡ, ਇਫਕੋ ਅਤੇ ਹੋਰ ਸਹਿਕਾਰੀ ਅਦਾਰਿਆਂ ਤੋਂ ਖਾਦਾਂ ਦੀ ਖ਼ਰੀਦ ਕਰਕੇ ਆਪਣੇ ਮੈਂਬਰ ਕਿਸਾਨਾਂ ਨੂੰ ਲੋੜ ਅਨੁਸਾਰ ਖਾਂਦਾ ਦੀ ਵੰਡ ਕਰਦੀਆਂ ਹਨ | ਖੇਤੀਬਾੜੀ ਵਿਭਾਗ ਵੱਲੋਂ ਸਹਿਕਾਰੀ ਸਭਾਵਾਂ ਦੇ ਹੋਰ ਭਾਰ ਪਾਉਂਦਿਆਂ ਸਬਸਿਡੀ ਵਾਲੀਆ ਖਾਦਾਂ ਦੇ ਨਾਲ ਹੋਰ ਖਾਦ ਪ੍ਰੋਡੈਕਟ ਵੀ ਜ਼ਰੂਰੀ ਕੀਤੇ ਜਾਣ ਦਾ ਫ਼ੈਸਲਾ ਬੇਲੋੜਾ ਹੈ ਅਤੇ ਇਹ ਪ੍ਰੋਡੈਕਟ ਹਰ ਫ਼ਸਲ ਵਿਚ ਵਰਤੇ ਜਾਣ ਵਾਲੇ ਨਹੀਂ ਹਨ | ਉਨ੍ਹਾਂ ਨੇ ਕਿਹਾ ਕਿ ਪੰਜਾਬ ਸਰਕਾਰ ਖੇਤੀਬਾੜੀ ਮਹਿਕਮਾ ਤੇ ਮਾਰਕਫੈੱਡ ਨੂੰ ਅਜਿਹੇ ਬੇਲੋੜੇ ਖਾਦ ਪ੍ਰੋਡੈਕਟ ਧੱਕੇ ਨਾਲ ਸਭਾਵਾਂ ਨੂੰ ਸਪਲਾਈ ਕਰਨ ਤੋਂ ਰੋਕਿਆ ਜਾਵੇ | ਮੰਗ ਪੱਤਰ ਦੇਣ ਮੌਕੇ ਪਰਵਿੰਦਰ ਕੁਮਾਰ ਪਲਾਹੀ, ਪਿ੍ੰਸ, ਸੁਖਵਿੰਦਰ ਸਿੰਘ ਮੌਲੀ, ਵਿਜੈ ਕੁਮਾਰ ਅਠੌਲੀ, ਬਹਾਦਰ ਸਿੰਘ ਭੁੱਲਾਰਾਈ, ਗੁਰਜੀਤ ਸਿੰਘ ਮਹੇੜੂ, ਉਂਕਾਰ ਸਿੰਘ, ਬਲਵੀਰ ਸਿੰਘ ਭਾਣੋਕੀ ਆਦਿ ਹਾਜ਼ਰ ਸਨ |