ਕਾਮਨ ਵੈਲਥ ਚੈਂਪੀਅਨਸ਼ਿਪ ਦੇ ਜੇਤੂ ਤੇਜਬੀਰ ਸਿੰਘ ਰਾਣਾ ਦਾ ਅਜੈ ਗੋਗਨਾ ਵਲੋਂ ਸਨਮਾਨ

ਭੁਲੱਥ, 20 ਅਕਤੂਬਰ (ਮੇਹਰ ਚੰਦ ਸਿੱਧੂ)-ਪਾਵਰ ਲਿਫ਼ਟਿੰਗ ਇੰਡੀਆ ਵੱਲੋਂ ਕੈਨੇਡਾ ਦੇ ਵਿਨੀਪੈਗ ਵਿਖੇ ਹੋਈ ਪਾਵਰ ਲਿਫ਼ਟਿੰਗ ਤੇ ਬੈਂਚ ਪ੍ਰੈੱਸ ਕਾਮਨ ਵੈਲਥ ਚੈਂਪੀਅਨਸ਼ਿਪ ਵਿਚ ਭਾਰਤੀ ਟੀਮ ਵੱਲੋਂ ਕਾਂਸੀ ਦਾ ਤਗਮਾ ਜੇਤੂ ਤੇਜਬੀਰ ਸਿੰਘ (ਰਾਣਾ ਰੌਕ) ਦਾ ਭਾਰਤੀ ਟੀਮ ਦੇ ਕੋਚ ਤੇ ਕਾਮਨਵੈਲਥ ਚੈਂਪੀਅਨ ਅਜੈ ਗੋਗਨਾ ਨੇ ਉਨ੍ਹਾਂ ਦਾ ਡਾਲਰਾਂ ਦਾ ਹਾਰ ਤੇ ਦੁਸ਼ਾਲਾ ਪਾ ਕੇ ਗੋਗਨਾ ਕਲਾਸਿਕ ਪਾਵਰ ਲਿਫ਼ਟਿੰਗ ਭੁਲੱਥ ਦਾ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ ਅਤੇ ਉਨ੍ਹਾਂ ਦੀ ਇਸ ਪ੍ਰਾਪਤੀ ਲਈ ਵਧਾਈ ਦਿੱਤੀ | ਇਸ ਮੌਕੇ ਅਜੈ ਗੋਗਨਾ ਨੇ ਕਿਹਾ ਕਿ ਜ਼ਿਲ੍ਹਾ ਤਰਨਤਾਰਨ ਦੇ ਪਿੰਡ ਠੱਠਗੜੂ ਦੇ ਜੰਮਪਲ ਤੇਜਬੀਰ ਸਿੰਘ ਰਾਣਾ ਇਸ ਤੋਂ ਪਹਿਲੇ ਵੀ ਆਸਟ੍ਰੇਲੀਆ ਵਿਚ ਹੋਏ ਪਾਵਰ ਲਿਫ਼ਟਿੰਗ ਦੇ ਮੁਕਾਬਲਿਆਂ ਵਿਚ ਗੋਲਡ ਮੈਡਲ ਜਿੱਤ ਚੁੱਕਿਆ ਹੈ | ਇਸ ਮੌਕੇ ਧਰਮਿੰਦਰ ਸਿੰਘ ਚੀਮਾ ਗੋਲਡਨ ਸਟਾਰ ਖੇਡ ਪ੍ਰਮੋਟਰ, ਕਾਰੋਬਾਰੀ ਜੀਵਨਰਾਜ ਸਿੰਘ ਖਹਿਰਾ ਰਾਮਗੜ੍ਹ ਰਾਜਾ ਅੰਮਿ੍ਤਸਰ, ਰਾਜ ਕੁਮਾਰ ਗੋਗਨਾ, ਪਾਵਰ ਲਿਫਟਰ ਮਾਧਵ ਕਪੂਰ ਭੁਲੱਥ ਵੀ ਮੌਜੂਦ ਸਨ |