ਲੋਕ ਸਭਾ 'ਚ ਪੁਲਾੜ ਯਾਤਰੀ ਸ਼ੁਭਾਂਸ਼ੂ ਸ਼ੁਕਲਾ 'ਤੇ ਕੇਂਦਰੀ ਮੰਤਰੀ ਡਾ. ਜਿਤੇਂਦਰ ਸਿੰਘ ਵਲੋਂ ਚਰਚਾ, ਵਿਰੋਧੀਆਂ 'ਤੇ ਤੰਜ

ਨਵੀਂ ਦਿੱਲੀ, 18 ਅਗਸਤ-ਲੋਕ ਸਭਾ ਨੇ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ 'ਤੇ ਸਵਾਰ ਭਾਰਤ ਦੇ ਪਹਿਲੇ ਪੁਲਾੜ ਯਾਤਰੀ  'ਵਿਕਸਤ ਭਾਰਤ 2047 ਤੱਕ' ਲਈ ਪੁਲਾੜ ਪ੍ਰੋਗਰਾਮ ਦੀ ਮਹੱਤਵਪੂਰਨ ਭੂਮਿਕਾ 'ਤੇ ਵਿਸ਼ੇਸ਼ ਚਰਚਾ ਕੀਤੀ। ਕੇਂਦਰੀ ਮੰਤਰੀ ਡਾ. ਜਿਤੇਂਦਰ ਸਿੰਘ ਨੇ ਕਿਹਾ ਕਿ ਤੁਸੀਂ (ਵਿਰੋਧੀ ਧਿਰ) ਸਾਡੀਆਂ ਪੁਲਾੜ ਪ੍ਰਾਪਤੀਆਂ ਲਈ ਪੁਲਾੜ ਮਾਹਿਰਾਂ ਅਤੇ ਵਿਗਿਆਨੀਆਂ ਨੂੰ ਵਧਾਈ ਦੇਣ ਵਿਚ ਅਸਫਲ ਰਹੇ ਹੋ। ਤੁਹਾਡਾ ਗੁੱਸਾ ਸਰਕਾਰ ਨਾਲ ਹੋ ਸਕਦਾ ਹੈ ਪਰ ਇਹ ਹੈਰਾਨੀ ਵਾਲੀ ਗੱਲ ਹੈ ਕਿ ਤੁਸੀਂ ਇਕ ਪੁਲਾੜ ਯਾਤਰੀ ਨਾਲ ਨਾਰਾਜ਼ ਹੋ ਸਕਦੇ ਹੋ ਅਤੇ ਉਹ ਪੁਲਾੜ ਯਾਤਰੀ ਹੈ ਜੋ ਇਕ ਪੁਲਾੜ ਯਾਤਰੀ ਹੋਣ ਤੋਂ ਇਲਾਵਾ, ਭਾਰਤੀ ਹਵਾਈ ਸੈਨਾ ਦਾ ਇਕ ਅਨੁਸ਼ਾਸਿਤ ਸਿਪਾਹੀ ਵੀ ਹੈ। ਉਹ ਕਿਸੇ ਰਾਜਨੀਤਿਕ ਪਾਰਟੀ ਨਾਲ ਸਬੰਧਤ ਨਹੀਂ ਹੈ। 

ਕੇਂਦਰੀ ਮੰਤਰੀ ਡਾ. ਜਿਤੇਂਦਰ ਸਿੰਘ ਨੇ ਕਿਹਾ ਕਿ ਆਪ੍ਰੇਸ਼ਨ ਸੰਧੂਰ ਦੌਰਾਨ ਪੁਲਾੜ ਉਤੇ ਪੁਲਾੜ ਤਕਨਾਲੋਜੀ ਵਿਭਾਗ ਦੀ ਭੂਮਿਕਾ ਲਈ ਜੋ ਤਕਨਾਲੋਜੀ ਅਪਣਾਈ ਗਈ ਸੀ, ਉਹ ਪਿਛਲੇ 10 ਸਾਲਾਂ ਵਿਚ ਮੋਦੀ ਸਰਕਾਰ ਦੇ ਸੱਤਾ ਵਿਚ ਆਉਣ ਤੋਂ ਬਾਅਦ ਹੋਈ ਹੈ। ਸਾਡਾ ਪੁਲਾੜ ਵਿਭਾਗ 60-70 ਸਾਲਾਂ ਤੱਕ ਅਲੱਗ-ਥਲੱਗ ਕਿਉਂ ਰਿਹਾ ਅਤੇ ਇਹ ਹੌਲੀ ਰਫ਼ਤਾਰ ਨਾਲ ਕਿਉਂ ਕੰਮ ਕਰਦਾ ਰਿਹਾ। ਜਦੋਂ ਇਸ ਸਵਾਲ ਦਾ ਜਵਾਬ ਮਿਲ ਜਾਵੇਗਾ ਤਾਂ ਅਸੀਂ ਸਮਝਾਂਗੇ ਕਿ 26 ਮਈ 2014 ਨੂੰ, ਜਿਸ ਦਿਨ ਮੋਦੀ ਜੀ ਨੇ ਪ੍ਰਧਾਨ ਮੰਤਰੀ ਵਜੋਂ ਅਹੁਦਾ ਸੰਭਾਲਿਆ, ਇਕ ਨਵਾਂ ਅਧਿਆਇ ਸ਼ੁਰੂ ਹੋਇਆ ਅਤੇ ਪੁਲਾੜ ਦੀ ਇਸ ਯਾਤਰਾ ਨੇ ਗਤੀ ਅਤੇ ਤਾਕਤ ਪ੍ਰਾਪਤ ਕੀਤੀ।