ਸ਼ਿਮਲਾਪੁਰੀ ਦੇ ਕਈ ਇਲਾਕਿਆਂ ਵਿਚ ਡੇਢ ਫੁੱਟ ਤੋਂ ਲੈ ਕੇ ਤਿੰਨ ਫੁੱਟ ਤੱਕ ਭਰਿਆ ਪਾਣੀ

ਲੁਧਿਆਣਾ, 1 ਸਤੰਬਰ (ਜਸਵਿੰਦਰ ਸਿੰਘ) - ਪਿਛਲੇ ਹਫ਼ਤੇ ਤੋਂ ਲੱਗੀ ਮੀਂਹ ਦੇ ਝੜੀ ਨੇ ਪੂਰੇ ਪੰਜਾਬ ਦੇ ਵਿਚ ਜਨ ਜੀਵਨ ਸਤ ਵਿਅਸਤ ਕਰਕੇ ਰੱਖ ਦਿੱਤਾ ਹੈ। ਹੁਣ ਵੀ ਬੀਤੇ ਕੱਲ੍ਹ ਤੋਂ ਲਗਾਤਾਰ ਪੈ ਰਹੇ ਮੀਂਹ ਨੇ ਕਈ ਥਾਂਈ ਭਾਰੀ ਨੁਕਸਾਨ ਕੀਤਾ ਹੈ। ਸ਼ਿਮਲਾਪੁਰੀ ਇਲਾਕੇ ਦੀਆਂ ਕਈ ਗਲੀਆਂ ਦੇ ਵਿਚ ਡੇਢ ਫੁੱਟ ਤੋਂ ਲੈ ਕੇ ਤਿੰਨ ਫੁੱਟ ਤੱਕ ਪਾਣੀ ਦੇਖਣ ਨੂੰ ਮਿਲਿਆ।
ਪਾਣੀ ਦੀ ਨਿਕਾਸੀ ਨਾ ਹੋਣ ਦੇ ਕਾਰਨ ਕਈ ਘਰਾਂ ਦੇ ਵਿਚ ਪਾਣੀ ਵੜ ਗਿਆ, ਜਿਸ ਕਾਰਨ ਲੋਕਾਂ ਦਾ ਬਹੁਤ ਜ਼ਿਆਦਾ ਨੁਕਸਾਨ ਹੋਇਆ ਹੈ। ਜੇਕਰ ਇਸੇ ਤਰ੍ਹਾਂ ਲਗਾਤਾਰ ਮੀਂਹ ਪੈਂਦਾ ਰਿਹਾ ਅਤੇ ਪ੍ਰਸ਼ਾਸਨ ਵਲੋਂ ਪਾਣੀ ਦੀ ਨਿਕਾਸੀ ਦੇ ਪ੍ਰਬੰਧ ਨਾ ਕੀਤੇ ਗਏ ਤਾਂ ਆਉਣ ਵਾਲੇ ਸਮੇਂ ਦੌਰਾਨ ਹਾਲਾਤ ਹੋਰ ਵੀ ਬਦਤਰ ਹੋ ਸਕਦੇ ਹਨ।