ਦਮੋਰੀਆ ਪੁੱਲ ਦੀ ਕੰਧ ਡਿੱਗੀ, 5 ਕਾਰਾਂ ਨੁਕਸਾਨੀਆਂ

ਲੁਧਿਆਣਾ, 1 ਸਤੰਬਰ (ਜਗਮੀਤ ਸਿੰਘ) - ਭਾਰੀ ਮੀਹ ਦੇ ਚਲਦੇ ਲੁਧਿਆਣਾ ਵਿਚ ਦਮੋਰੀਆ ਪੁਲ ਦੀ ਕੰਧ ਡਿੱਗਣ ਨਾਲ ਪੰਜ ਕਾਰਾਂ ਅਤੇ ਇਕ ਬਿਜਲੀ ਦਾ ਖੰਭਾ ਬੁਰੀ ਤਰ੍ਹਾਂ ਨੁਕਸਾਨੇ ਗਏ। ਜਾਣਕਾਰੀ ਅਨੁਸਾਰ ਸਥਾਨਕ ਲੋਕਾਂ ਨੇ ਦੱਸਿਆ ਕਿ ਲਗਾਤਾਰ ਪੈ ਰਹੇ ਮੀਹ ਕਾਰਨ ਦਮੋਰੀਆ ਦੀ ਕੰਧ ਕਾਫੀ ਕਮਜ਼ੋਰ ਹੋ ਚੁੱਕੀ ਸੀ, ਜਿਸ ਦੇ ਚਲਦੇ ਅੱਜ ਇਹ ਕੰਧ ਅਚਾਨਕ ਡਿੱਗ ਗਈ। ਕੰਧ ਦੇ ਅਚਾਨਕ ਡਿੱਗਣ ਕਾਰਨ ਨੇੜੇ ਖੜੀਆਂ ਪੰਜ ਕਾਰਾਂ ਬੁਰੀ ਤਰ੍ਹਾਂ ਨੁਕਸਾਨੀ ਗਈਆਂ ਅਤੇ ਇਕ ਬਿਜਲੀ ਦੇ ਖੰਬੇ ਦਾ ਵੀ ਕਾਫੀ ਨੁਕਸਾਨ ਹੋਇਆ। ਇਸ ਘਟਨਾ ਵਿਚ ਕਿਸੇ ਤਰਾ ਦੇ ਜਾਨੀ ਨੁਕਸਾਨ ਤੋਂ ਬਚਾ ਰਿਹਾ।