ਅਮਰਨਾਥ ਯਾਤਰਾ ਦੌਰਾਨ ਨਹੀਂ ਮਿਲੇਗੀ ਹੈਲੀਕਾਪਟਰ ਸੇਵਾ

ਸ੍ਰੀਨਗਰ, 4 ਜੂਨ- ਸ੍ਰੀ ਅਮਰਨਾਥ ਜੀ ਸ਼ਰਾਈਨ ਬੋਰਡ ਨੇ ਆਉਣ ਵਾਲੀ ਸ੍ਰੀ ਅਮਰਨਾਥ ਯਾਤਰਾ 2026 ਸੰਬੰਧੀ ਇਕ ਮਹੱਤਵਪੂਰਨ ਫ਼ੈਸਲਾ ਲਿਆ ਹੈ। ਸ਼ਰਾਈਨ ਬੋਰਡ ਵਲੋਂ ਜਾਰੀ ਕੀਤੀ ਐਡਵਾਈਜ਼ਰੀ ਅਨੁਸਾਰ ਸੁਰੱਖਿਆ ਕਾਰਨਾਂ ਕਰਕੇ, ਇਸ ਸਾਲ ਵੀ ਪੂਰੇ ਯਾਤਰਾ ਰੂਟ ਨੂੰ ਨੋ-ਫਲਾਈ ਜ਼ੋਨ ਘੋਸ਼ਿਤ ਕੀਤਾ ਗਿਆ ਹੈ। ਪਹਿਲਗਾਮ ਅਤੇ ਬਾਲਟਾਲ ਸਮੇਤ ਸਾਰੇ ਯਾਤਰਾ ਰੂਟ 1 ਜੁਲਾਈ, 2026 ਤੋਂ ਯਾਤਰਾ ਦੇ ਪੂਰਾ ਹੋਣ ਤੱਕ ਨੋ-ਫਲਾਈ ਜ਼ੋਨ ਰਹਿਣਗੇ। ਯਾਤਰਾ ਖੇਤਰ ਦੇ ਅੰਦਰ ਸ਼ਰਧਾਲੂਆਂ ਲਈ ਹੈਲੀਕਾਪਟਰ ਸੇਵਾਵਾਂ ਉਪਲਬਧ ਨਹੀਂ ਹੋਣਗੀਆਂ। ਸ਼ਰਧਾਲੂ ਪੈਦਲ ਜਾਂ ਪਾਲਕੀ ਅਤੇ ਘੋੜੇ 'ਤੇ ਯਾਤਰਾ ਕਰ ਸਕਣਗੇ।