ਘਰ ’ਚੋਂ ਚੋਰਾਂ ਨੇ 10 ਤੋਲੇ ਸੋਨਾ, 1500 ਅਮਰੀਕੀ ਡਾਲਰ ਤੇ 30 ਹਜ਼ਾਰ ਰੁਪਏ ਨਕਦ ਕੀਤੇ ਗਾਇਬ

ਨਡਾਲਾ,/ ਕਪੂਰਥਲਾ 12 ਸਤੰਬਰ (ਰਘਬਿੰਦਰ ਸਿੰਘ) - ਥਾਣਾ ਭੁਲੱਥ ਅਧੀਨ ਪਿੰਡ ਤਲਵੰਡੀ ਪੁਰਦਲ ਵਿਖੇ ਰਾਤ ਸਮੇਂ ਚੋਰਾਂ ਨੇ ਇਕ ਘਰ ਨੂੰ ਨਿਸ਼ਾਨਾ ਬਣਾਇਆ। ਹੈਰਾਨੀ ਦੀ ਗੱਲ ਇਹ ਰਹੀ ਕਿ ਚੋਰੀ ਸਮੇਂ ਪਰਿਵਾਰ ਘਰ ਵਿਚ ਹੀ ਸੁੱਤਾ ਹੋਇਆ ਸੀ। ਗੁਰਬਚਨ ਸਿੰਘ ਨੇ ਦੱਸਿਆ ਕਿ ਸਵੇਰੇ ਉਸ ਦੀ ਮਾਤਾ ਅਮਰਜੀਤ ਕੌਰ ਨੇ ਅਲਮਾਰੀਆਂ ਖੁੱਲ੍ਹੀਆਂ ਦੇਖੀਆਂ। ਜਾਂਚ ਕਰਨ ’ਤੇ ਸਾਰੇ ਕਮਰਿਆਂ ਵਿਚ ਫੋਲਾ-ਫਰਾਲੀ ਹੋਈ ਮਿਲੀ। ਘਰ ਵਿਚੋਂ 10 ਤੋਲੇ ਸੋਨਾ, 1500 ਅਮਰੀਕੀ ਡਾਲਰ ਅਤੇ 30 ਹਜ਼ਾਰ ਰੁਪਏ ਨਕਦ ਗਾਇਬ ਸਨ। ਘਟਨਾ ਦੀ ਸੂਚਨਾ ਭੁਲੱਥ ਪੁਲਿਸ ਨੂੰ ਦੇ ਦਿੱਤੀ ਗਈ ਹੈ। ਪੁਲਿਸ ਮੌਕੇ ਤੇ ਪੁੱਜੀ ਹੈ ਅਤੇ ਘਰ ਵਿਚ ਲੱਗੇ ਸੀਸੀ ਟੀਵੀ ਕੈਮਰਿਆਂ ਦੀ ਜਾਂਚ ਕਰ ਰਹੀ ਹੈ।