ਲੋਹੀਆਂ ਖਾਸ, 6 ਮਈ (ਗੁਰਪਾਲ ਸਿੰਘ ਸ਼ਤਾਬਗੜ੍ਹ) - ਨਗਰ ਪੰਚਾਇਤ ਲੋਹੀਆਂ ਵਲੋਂ ਈ.ਓ. ਸ. ਹਰਨਰਿੰਦਰ ਸਿੰਘ ਸ਼ੇਰਗਿਲ ਅਤੇ ਮੈਡਮ ਜਗਨਦੀਪ ਕੌਰ ਪ੍ਰੋਜੈਕਟ ਕੋਆਰਡੀਨੇਟਰ ਸਾਲਿਡ ਵੇਸਟ ਮੈਨੇਜਮੈਂਟ, ਪੰਜਾਬ ਮਿਊਾਸੀਪਲ ਇਨਫ਼੍ਰਾਸਟਰੱਕਚਰ ਡਿਵੈਲਪਮੈਂਟ ਕੰਪਨੀ ਚੰਡੀਗੜ੍ਹ ਦੀ ਦੇਖ-ਰੇਖ ਹੇਠ ਵੱਖ ਵੱਖ ਸਕੂਲਾਂ ਦੇ ਬੱਚਿਆਂ ਵਿਚਕਾਰ ਪੇਂਟਿੰਗ ਮੁਕਾਬਲੇ ਕਰਵਾ ਕੇ ਪਲਾਸਟਿਕ ਦੇ ਬੈਗਾਂ ਸਮੇਤ ਹਰ ਤਰ੍ਹਾਂ ਦੀ ਪਲਾਸਟਿਕ ਨਾ ਵਰਤਣ ਦਾ ਸਾਰਥਿਕ ਸੁਨੇਹਾ ਦਿੱਤਾ ਗਿਆ | ਈ.ਓ. ਹਰਨਰਿੰਦਰ ਸਿੰਘ ਸ਼ੇਰਗਿਲ ਨੇ ਕਿਹਾ ਕਿ ਅਸੀਂ ਕੇਵਲ ਪਲਾਸਟਿਕ ਦੇ ਲਿਫਾਫੇ ਤੇ ਪਲਾਸਟਿਕ ਦੀ ਬੋਤਲਾਂ ਸਮੇਤ ਡਿਸਪੋਜ਼ੇਬਲ ਸਾਮਾਨ ਨਾ ਵਰਤਣ ਦਾ ਫੈਸਲਾ ਕਰ ਲਈਏ ਤਾਂ ਸੀਵਰੇਜ ਵਾਤਾਵਰਣ 'ਚ ਬਹੁਤ ਵੱਡਾ ਸੁਧਾਰ ਲਿਆ ਸਕਦੇ ਹਾਂ |
