ਸ਼ਾਹਕੋਟ, 6 ਮਈ (ਬਾਂਸਲ)-ਸੀ. ਪੀ. ਆਈ. ਤਹਿਸੀਲ ਕਮੇਟੀ ਸ਼ਾਹਕੋਟ-ਨਕੋਦਰ ਵਲੋਂ ਸਥਾਨਕ ਕਮਿਊਨਿਟੀ ਹੈਲਥ ਸੈਂਟਰ ਵਿਖੇ ਡਾਕਟਰ ਦੇ ਮਾੜੇ ਵਿਵਹਾਰ ਦੇ ਿਖ਼ਲਾਫ਼ ਰੋਸ ਧਰਨਾ ਲਗਾਇਆ ਗਿਆ | ਧਰਨੇ ਨੂੰ ਸੰਬੋਧਨ ਕਰਦਿਆਂ ਕਾ: ਚਰਨਜੀਤ ਸਿੰਘ ਥੰਮੂਵਾਲ ਨੇ ਕਿਹਾ ਕਿ ਬੀਤੇ ਕੱਲ੍ਹ ਪਾਰਟੀ ਦਾ ਇਕ ਵਰਕਰ ਸੁਰਿੰਦਰ ਪਾਲ ਜੋ ਮਜ਼ਦੂਰੀ ਕਰਦਾ ਹੈ, ਆਪਣੇ ਲਈ ਸਰਕਾਰੀ ਹਸਪਤਾਲ ਵਿਚੋਂ ਦਵਾਈ ਲੈਣ ਆਇਆ | ਹਸਪਤਾਲ 'ਚ ਮੌਜੂਦ ਡਾ: ਵਲੋਂ ਉਸ ਨਾਲ ਮਾੜਾ ਵਿਵਹਾਰ ਕੀਤਾ ਗਿਆ ਤੇ ਪੁਲਿਸ ਵੀ ਬੁਲਾਈ ਗਈ | ਉਪਰੰਤ ਹਸਪਤਾਲ ਦੇ ਐਸ. ਐਮ. ਓ. ਡਾ: ਦਵਿੰਦਰ ਕੁਮਾਰ ਸਮਰਾ ਵਲੋਂ ਸਬੰਧਿਤ ਡਾ: ਿਖ਼ਲਾਫ਼ ਕਾਰਵਾਈ ਤੇ ਭਰੋਸੇ ਉਪਰੰਤ ਧਰਨਾਕਾਰੀਆਂ ਨੇ ਧਰਨਾ ਖ਼ਤਮ ਕਰ ਦਿੱਤਾ | ਇਸ ਮੌਕੇ ਸੁਨੀਲ ਕੁਮਾਰ ਤਹਿਸੀਲ ਸਕੱਤਰ, ਸੁਰਿੰਦਰ ਸੰਧੂ, ਸੱਤਪਾਲ ਸਹੋਤਾ ਤੇ ਨਿਰਮਲ ਸਿੰਘ ਸਹੋਤਾ ਮਲਸੀਆਂ ਨੇ ਵੀ ਸੰਬੋਧਨ ਕੀਤਾ |
