ਹਾਜੀਪੁਰ, 25 ਸਤੰਬਰ (ਜੋਗਿੰਦਰ ਸਿੰਘ)-ਥਾਣਾ ਹਾਜੀਪੁਰ ਦੀ ਪੁਲਿਸ ਵਲੋਂ ਕੱਟਣ ਲਈ ਲੈ ਕੇ ਜਾ ਰਹੇ ਇਕ ਮੱਝਾਂ ਨਾਲ ਭਰੇ ਯੂ. ਪੀ. ਨੰਬਰ ਕੈਂਟਰ ਨੂੰ ਕਾਬੂ ਕਰਕੇ ਤਿੰਨ ਵਿਅਕਤੀਆਂ ਨੂੰ ਗਿ੍ਫ਼ਤਾਰ ਕਰਕੇ ਮਾਮਲਾ ਦਰਜ ਕੀਤਾ ਹੈ | ਇਸ ਸੰਬੰਧੀ ਐੱਸ. ਐੱਚ. ਓ. ਹਾਜੀਪੁਰ ਇੰਸਪੈਕਟਰ ਹਰਪ੍ਰੇਮ ਸਿੰਘ ਨੇ ਦੱਸਿਆ ਕਿ ਰਾਮਪਾਲ ਸ਼ਰਮਾ ਪੁੱਤਰ ਸੁਰੇਸ਼ ਕੁਮਾਰ ਵਾਸੀ ਮੋਤਲਾ ਥਾਣਾ ਮੁਕੇਰੀਆਂ ਨੇ ਪੁਲਿਸ ਕੋਲ ਬਿਆਨ ਦਰਜ ਕਰਵਾਏ ਹਨ ਕਿ ਉਹ ਤੇ ਉਨ੍ਹਾਂ ਦੇ ਵਰਕਰਾਂ ਵਲੋਂ ਇਕ ਕੈਂਟਰ ਨੰਬਰ ਯੂ. ਪੀ. 11 ਬੀ.ਟੀ 6559 ਟੀ. ਪੁਆਇੰਟ ਹਾਜੀਪੁਰ ਵਿਖੇ ਰੋਕਿਆ, ਜਿਸ 48 ਦੇ ਕਰੀਬ ਮੱਝਾਂ ਤੇ ਕੱਟੇ ਬੜੀ ਕਰੂਰਤਾਂ ਨਾਲ ਬੰਨੇ ਹੋਏ ਸਨ ਤੇ ਜਿਨ੍ਹਾਂ ਨੂੰ ਕੱਟਣ ਲਈ ਲਿਜਾਇਆ ਜਾ ਰਿਹਾ ਹੈ | ਹਾਜੀਪੁਰ ਪੁਲਿਸ ਨੇ ਉਕਤ ਬਿਆਨਾਂ 'ਤੇ ਕੈਂਟਰ ਦੇ ਡਰਾਈਵਰ ਜੋਗੇਸ਼ ਕੁਮਾਰ ਪੁੱਤਰ ਪ੍ਰੇਮ ਚੰਦ ਵਾਸੀ ਕਾਸਮਪੁਰ ਥਾਣਾ ਨਕੂਰ ਜ਼ਿਲ੍ਹਾ ਸਹਾਰਨਪੁਰ ਯੂ. ਪੀ. ਤੇ ਉਸ ਦੇ ਸਹਾਇਕ ਕਾਲਾ ਪੁੱਤਰ ਇੰਨਸ਼ੂ ਵਾਸੀ ਅੰਬੇਟਾਈਪਰ ਥਾਣਾ ਨਕੂਰ ਜ਼ਿਲ੍ਹਾ ਸਹਾਰਨ ਯੂ. ਪੀ. ਤੇ ਅਫ਼ਸਰ ਪੁੱਤਰ ਨੂਰ ਹੁਸਨ ਵਾਸੀ ਸੰਗੋਹ ਥਾਣਾ ਗੰਗਹੋ ਜ਼ਿਲ੍ਹਾ ਸਹਾਰਨਪੁਰ ਸਟੇਟ ਯੂ. ਪੀ. ਨੂੰ ਗਿ੍ਫ਼ਤਾਰ ਕਰਕੇ ਇਨ੍ਹਾਂ 'ਤੇ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਆਰੰਭ ਕਰ ਦਿੱਤੀ ਹੈ |
