ਪੱਸੀ ਕੰਢੀ, 25 ਸਤੰਬਰ (ਜਗਤਾਰ ਸਿੰਘ ਰਜਪਾਲਮਾ)-ਪਿੰਡ ਬਾਹਟੀਵਾਲ ਵਿਖੇ ਸੂਫ਼ੀ ਲੇਖਕ ਬਾਬਾ ਰਾਮਜੀ ਗੱਦੀਨਸ਼ੀਨ ਦਿਵਿਆ ਦਰਬਾਰ ਸ੍ਰੀ ਬਾਲਾ ਬਾਹਟੀਵਾਲ ਵਲੋਂ ਅਸ਼ਟਮੀ ਦੀ ਪਾਵਨ ਰਾਤ ਨੂੰ ਮਾਤਾ ਵੈਸ਼ਨੋ ਦੇਵੀ ਦਾ ਜਾਗਰਣ ਕਰਵਾਇਆ ਜਾ ਰਿਹਾ ਹੈ | ਇਸ ਸੰਬੰਧੀ ਗੱਦੀਨਸ਼ੀਨ ਦਰਬਾਰ ਸ੍ਰੀ ਬਾਲਾ ਜੀ ਬਾਹਟੀਵਾਲ ਬਾਬਾ ਰਾਮਜੀ ਨੇ ਦੱਸਿਆ ਕਿ ਇਸ ਵਾਰ ਮਾਤਾ ਵੈਸ਼ਨੋ ਦੇਵੀ ਜੀ ਦਾ ਜਾਗਰਣ 30 ਸਤੰਬਰ ਨੂੰ ਸ਼ਰਧਾ ਪੂਰਵਕ ਕਰਵਾਇਆ ਜਾਵੇਗਾ | ਇਸ ਮੌਕੇ ਸੰਤ ਮਹਾਤਮਾ ਬਾਬਾ ਬਾਲੀ ਸ਼ਾਮਚੁਰਾਸੀ, ਬਾਬਾ ਸਾਬੀ ਸ਼ਾਮਚੁਰਾਸੀ, ਬਾਬਾ ਲਸ਼ਮਣ ਦਾਸ, ਬਾਬਾ ਜੋਗਿੰਦਰ ਦਾਸ ਚੱਕ ਲਾਦਿਆ ਤੇ ਵਡਾਲਾ ਮਾਹੀ ਤੋਂ ਬਾਬਾ ਸ਼ਾਦੀ ਲਾਲ ਅਤੇ ਬਾਬਾ ਝਾਂਜਰ ਦਾਸ ਸੰਗਤਾ ਨੂੰ ਦਰਸ਼ਨ ਦੇਣਗੇ | ਨਾਰਾਇਣ ਚੰਦ ਐਂਡ ਪਾਰਟੀ ਵਲੋਂ ਮਾਤਾ ਦੀ ਮਹਿਮਾ ਦਾ ਗੁਣਗਾਨ ਕੀਤਾ ਜਾਵੇਗਾ |
