ਤਲਵਾੜਾ, 25 ਸਤੰਬਰ (ਐੱਚ. ਐੱਸ. ਮਿੱਠੂ)-ਤਲਵਾੜਾ ਦੀ ਪ੍ਰਸਿੱਧ ਸਮਾਜ ਸੇਵੀ ਸੰਸਥਾ 'ਪ੍ਰਤੀਗਿਆ ਏਕ ਨਈ ਸੋਚ' ਨੇ ਦਾਨੀ ਸੱਜਣਾਂ ਦੇ ਸਹਿਯੋਗ ਨਾਲ, ਹਿਮਾਚਲ ਪ੍ਰਦੇਸ਼ ਦੇ ਮੰਡ ਮੈਣੀ, ਮੰਡ ਇੰਦੋਰਾ ਤੇ ਮੰਡ ਮੰਝਵਾਂ ਵਿਚ ਹੜ੍ਹ ਪ੍ਰਭਾਵਿਤ ਖੇਤਰਾਂ ਵਿਚ ਰਾਹਤ ਸਮਗਰੀ ਪਹੁੰਚਾਈ | ਸੰਸਥਾ ਦੇ ਮੈਂਬਰਾਂ ਨੇ ਹੜ੍ਹ ਪ੍ਰਭਾਵਿਤ ਖੇਤਰਾਂ ਵਿਚ ਹੋਏ ਨੁਕਸਾਨ ਦਾ ਜਾਇਜ਼ਾ ਲਿਆ | ਹਿਮਾਚਲ ਪ੍ਰਦੇਸ਼ ਦੀ ਧਾਰਮਿਕ ਸੰਸਥਾ ਬਾਬਾ ਹਰੀ ਸ਼ਾਹ ਅੰਬੋਆ ਦਰਬਾਰ ਦੇ ਮਹਾਰਾਜ ਮਹੇਸ਼ ਪੁਰੀ (ਸ਼੍ਰੀ ਬ੍ਰਹਮਾ ਸੱਤਿਆ ਮਹੇਸ਼ ਚੈਰੀਟੇਬਲ ਸੁਸਾਇਟੀ, ਸ਼ਿਵ ਮੰਦਰ ਫਤਿਹਪੁਰ), ਜਗਰੂ ਬਾਬਾ (ਚੰਗੜਵਾਂ) ਅਤੇ ਆਪਣੇ ਸਾਰੇ ਦਾਨੀ ਸੱਜਣਾਂ ਦਾ ਧੰਨਵਾਦ ਕੀਤਾ | 'ਪ੍ਰਤੀਗਿਆ ਏਕ ਨਈ ਸੋਚ' ਸੰਸਥਾ ਨੇ ਕਿਹਾ ਕਿ ਭਵਿੱਖ 'ਚ ਵੀ ਸਾਰਿਆਂ ਨੂੰ ਆਪਣਾ ਵਡਮੁੱਲਾ ਯੋਗਦਾਨ ਦੀ ਅਪੀਲ ਕੀਤੀ, ਸੰਗਠਨ ਦੇ ਮੈਂਬਰਾਂ ਨੇ ਇਹ ਵੀ ਭਰੋਸਾ ਦਿੱਤਾ ਕਿ ਜਿਥੇ ਵੀ ਜ਼ਰੂਰਤਮੰਦ ਲੋਕਾਂ ਨੂੰ ਲੋੜ ਹੋਵੇਗੀ, ਉਹ ਹਮੇਸ਼ਾ ਸਭ ਤੋਂ ਅੱਗੇ ਵੱਧ ਕੇ ਸਹਿਯੋਗ ਦੇਣ ਲਈ ਤਤਪਰ ਰਹਿਣਗੇ |
