ਐਮਾਂ ਮਾਂਗਟ, 28 ਦਸੰਬਰ (ਗੁਰਾਇਆ)- ਬੀਤੀ ਦੇਰ ਰਾਤ ਜਲੰਧਰ-ਪਠਾਨਕੋਟ ਰਾਸ਼ਟਰੀ ਰਾਜ ਮਾਰਗ 'ਤੇ ਸਥਿਤ ਸੈਣੀ ਢਾਬੇ (ਪਿੰਡ ਖ਼ਾਨਪੁਰ) ਦੇ ਨਜ਼ਦੀਕ ਸੰਘਣੀ ਧੁੰਦ ਦੇ ਚੱਲਦੇ ਇੱਕ ਮੋਟਰਸਾਈਕਲ ਸਵਾਰ ਨੌਜਵਾਨ ਦੇ ਕਿਸੇ ਅਗਿਆਤ ਵਾਹਨ ਦੇ ਨਾਲ ਟਕਰਾਉਣ ਨਾਲ ਮੌਕੇ 'ਤੇ ਮੌਤ ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਜਾਣਕਾਰੀ ਅਨੁਸਾਰ ਇੱਕ ਨੌਜਵਾਨ ਸਾਗਰ ਸ਼ਰਮਾ (19) ਪੁੱਤਰ ਸੰਜੀਵ ਕੁਮਾਰ ਨਿਵਾਸੀ ਨਿਊ ਕਲੋਨੀ ਮੁਕੇਰੀਆਂ ਜੋ ਕੇ ਦੇਰ ਰਾਤ ਬੁਲਟ ਮੋਟਰਸਾਈਕਲ ਨੰਬਰ ਪੀ.ਬੀ.07 ਏ.ਓ.5835 ਤੇ ਸਵਾਰ ਹੋ ਕੇ ਮੁਕੇਰੀਆਂ ਤੋਂ ਦਸੂਹਾ ਵੱਲ ਕਿਸੇ ਢਾਬੇ 'ਤੇ ਖਾਣਾ ਖਾਣ ਲਈ ਜਾ ਰਿਹਾ ਸੀ ਜਿਵੇਂ ਹੀ ਉਹ ਸੈਣੀ ਢਾਬੇ ਤੋਂ ਥੋੜ੍ਹਾ ਅੱਗੇ ਪਹੁੰਚਿਆ ਤਾਂ ਗਹਿਰੀ ਧੁੰਦ ਵਿਚ ਅੱਗੇ ਜਾ ਰਹੇ ਕਿਸੇ ਅਗਿਆਤ ਵਾਹਨ ਨਾਲ ਜ਼ੋਰ ਨਾਲ ਟਕਰਾ ਕੇ ਸੜਕ 'ਤੇ ਡਿਗ ਪਿਆ ਅਤੇ ਗੰਭੀਰ ਜ਼ਖਮੀ ਹੋ ਗਿਆ, ਜਿਸ ਨੂੰ ਮੌਕੇ 'ਤੇ ਲੋਕਾਂ ਵੱਲੋਂ ਮੁਕੇਰੀਆਂ ਹਸਪਤਾਲ ਪਹੰੁਚਾਇਆ ਗਿਆ, ਜਿੱਥੇ ਉਸ ਦੀ ਮੌਤ ਹੋ ਗਈ | ਦੱਸਣਯੋਗ ਹੈ ਕਿ ਉਕਤ ਨੌਜਵਾਨ +2 ਦਾ ਵਿਦਿਆਰਥੀ ਸੀ ਜੋ ਦਸੂਹਾ ਦੇ ਕੈਂਬਰਿਜ ਸਕੂਲ ਵਿਚ ਪੜ੍ਹਦਾ ਸੀ | ਇਸ ਮੌਕੇ ਮੌਕੇ ਘਟਨਾ ਸਥਾਨ 'ਤੇ ਏ.ਐਸ.ਆਈ.ਰਾਮ ਸਿੰਘ ਪਹੰੁਚੇ ਜਿਨ੍ਹਾਂ ਘਟਨਾ ਸਥਾਨ ਦਾ ਮੁਆਇਨਾ ਕੀਤਾ ਅਤੇ ਆਸ ਪਾਸ ਤੋਂ ਜਾਣਕਾਰੀ ਪ੍ਰਾਪਤ ਕੀਤੀ | ਪੁਲਿਸ ਅੱਗੇ ਦੀ ਕਾਰਵਾਈ ਕਰ ਰਹੀ ਹੈ |
