ਗੜ੍ਹਦੀਵਾਲਾ - ਸਨੀਤਾ ਰਾਣੀ ਲਾਖਾ 37 ਸਾਲ ਦੀ ਨੌਕਰੀ ਕਰਕੇ 31 ਦਸੰਬਰ ਨੂੰ ਸਿੱਖਿਆ ਵਿਭਾਗ ਵਿਚੋਂ ਬਤੌਰ ਜੂਨੀਅਰ ਅਸਿਸਟੈਂਟ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਡੱਫਰ ਤੋਂ ਸੇਵਾ ਮੁਕਤ ਹੋ ਰਹੇ ਹਨ | ਆਪ ਦਾ ਜਨਮ 24 ਦਸੰਬਰ 1967 ਨੂੰ ਪਿਤਾ ਪ੍ਰਤਾਪ ਚੰਦ ਦੇ ਗ੍ਰਹਿ ਮਾਤਾ ਸ਼ੰਕਰੀ ਦੇਵੀ ਦੀ ਕੁੱਖੋਂ ਪਿੰਡ ਖੈਰਾਵਾਦ (ਦਸੂਹਾ) ਵਿਖੇ ਹੋਇਆ | ਮੁੱਢਲੀ ਸਿੱਖਿਆ ਆਪ ਨੇ ਪਿੰਡ ਦੇ ਸਕੂਲ ਤੋਂ ਅਤੇ 12ਵੀਂ ਤੱਕ ਦੀ ਸਿੱਖਿਆ ਡੀ.ਏ.ਵੀ. ਪਿੰਡੀਦਾਸ ਸਕੂਲ ਦਸੂਹਾ ਤੋਂ ਕਰਨ ਉਪਰੰਤ ਆਪ ਨੇ ਟਾਈਪਿੰਗ ਟੈੱਸਟ ਪਾਸ ਕੀਤਾ | ਆਪ 22 ਨਵੰਬਰ 1988 ਨੂੰ ਸਰਕਾਰੀ ਹਾਈ ਸਕੂਲ ਬੱਡਲਾ ਵਿਖੇ ਬਤੌਰ ਕਲਰਕ ਭਰਤੀ ਹੋਏ, ਉਪਰੰਤ 1995 ਤੋਂ ਸਰਕਾਰੀ ਹਾਈ ਸਕੂਲ ਡੱਫਰ ਵਿਖੇ ਨੌਕਰੀ ਕੀਤੀ | ਆਪ ਦਾ ਵਿਆਹ 1991 ਨੂੰ ਸਾਬਕਾ ਕਬੱਡੀ ਖਿਡਾਰੀ ਡਾ. ਸਵਿੰਦਰ ਸਿੰਘ ਲਾਖਾ (ਹੁਣ ਸੇਵਾ ਮੁਕਤ ਜ਼ਿਲ੍ਹਾ ਵੈਟਰਨਰੀ ਇੰਸਪੈਕਟਰ) ਨਾਲ ਹੋਇਆ | ਆਪ ਪਿੰਡ ਡੱਫਰ ਦੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਤੋਂ 31 ਦਸੰਬਰ ਨੂੰ ਸੇਵਾ ਮੁਕਤ ਹੋ ਰਹੇ ਹਨ | -ਚੱਗਰ
