ਅਹਿਮਦਗੜ੍ਹ, 5 ਸਤੰਬਰ (ਰਵਿੰਦਰ ਪੁਰੀ)-ਹਲਕਾ ਦਾਖਾ ਦੇ ਪਿੰਡਾਂ ਅੰਦਰ ਜਿਨ੍ਹਾਂ ਲੋਕਾਂ ਦੇ ਮਕਾਨਾਂ ਆਦਿ ਦਾ ਨੁਕਸਾਨ ਹੋਇਆ ਹੈ | ਉਨ੍ਹਾਂ ਨੂੰ ਫੌਰੀ ਤੌਰ 'ਤੇ ਰਾਹਤ ਲਈ ਵਿਧਾਇਕ ਮਨਪ੍ਰੀਤ ਸਿੰਘ ਇਯਾਲੀ ਅਤੇ ਉਨ੍ਹਾਂ ਦੇ ਸਰਗਰਮ ਵਰਕਰਾਂ ਨੇ ਕਾਰਜ ਸ਼ੁਰੂ ਕੀਤਾ ਹੈ | ਅੱਜ ਪਿੰਡ ਲਤਾਲਾ ਅਤੇ ਰੰਗੂਵਾਲ ਵਿਖੇ ਜਿੰਨ੍ਹਾਂ ਲੋਕਾਂ ਦੇ ਮਕਾਨਾਂ ਦੀਆਂ ਛੱਤਾਂ ਅਤੇ ਪਸ਼ੂਆਂ ਦੇ ਘਰ ਨੁਕਸਾਨੇ ਗਏ ਹਨ ਉਨ੍ਹਾਂ ਨੂੰ ਜਥੇਦਾਰ ਜਗਤਾਰ ਸਿੰਘ ਲਤਾਲਾ ਦੀ ਨਿਗਰਾਨੀ ਹੇਠ ਤਰਪਾਲਾਂ ਵੰਡੀਆਂ ਗਈਆਂ, ਜਿੰਨ੍ਹਾਂ ਨਾਲ ਦਲਜੀਤ ਲਾਲਾ, ਜਗਮੇਲ ਸਿੰਘ, ਗੁਰਭਜਨ ਸਿੰਘ, ਹਰਜਿੰਦਰ ਬਿੱਟਾ, ਬਲਜੀਤ ਸਿੰਘ, ਬਲਵਿੰਦਰ ਮਾਧੋ, ਜਗਮੇਲ ਕਾਟੋ, ਸੰਦੀਪ ਸਿੰਘ, ਕਮਲਜੀਤ ਕਮਲ, ਲਖਵਿੰਦਰ ਲੱਖੀ, ਅਵਤਾਰ ਸਿੰਘ, ਪੰਚ ਬਹਾਦਰ ਸਿੰਘ, ਹਰਪਾਲ ਸਿੰਘ ਰੰਗੂਵਾਲ ਆਦਿ ਹਾਜ਼ਰ ਸਨ |