ਜਗਰਾਉਂ, 25 ਸਤੰਬਰ (ਸ਼ਮਸ਼ੇਰ ਸਿੰਘ ਗਾਲਿਬ)-ਜਗਰਾਉਂ ਦਾਣਾ ਮੰਡੀ 'ਚ ਫੈੱਡਰੇਸ਼ਨ ਆਫ ਆੜਤੀਆ ਐਸੋਸੀਏਸ਼ਨ ਪੰਜਾਬ ਵਲੋਂ ਆੜ੍ਹਤੀਆਂ ਦੀ ਚੇਤਨਾ ਕਾਨਫ਼ਰੰਸ 28 ਸਤੰਬਰ ਦਿਨ ਐਤਵਾਰ ਵਿਖੇ ਹੋਵੇਗੀ | ਇਸ ਸੰਬੰਧੀ ਜਗਰਾਉਂ ਆੜ੍ਹਤੀ ਐਸੋਸੀਏਸ਼ਨ ਦੇ ਪ੍ਰਧਾਨ ਕਨੱਈਆ ਗੁਪਤਾ ਬਾਂਕਾ ਨੇ ਕਿਹਾ ਕਿ ਇਸ ਚੇਤਨਾ ਕਾਨਫ਼ਰੰਸ ਲਈ ਜਗਰਾਉਂ ਆੜ੍ਹਤੀਆਂ ਦੀਆਂ ਦੋ ਮੀਟਿੰਗਾਂ ਹੋ ਚੁੱਕੀਆਂ ਹਨ | ਇਸ ਵਿਚ ਪੰਜਾਬ ਦੇ ਆੜਤੀਆਂ ਦੇ ਵੱਖ-ਵੱਖ ਮੁੱਦੇ ਵਿਚਾਰੇ ਜਾਣਗੇ ਉੱਥੇ ਆੜਤੀਆਂ ਦੀ ਘੱਟ ਦਾਮੀ ਵੱਡਾ ਮੁੱਦਾ ਹੋਵੇਗੀ | ਉਨ੍ਹਾਂ ਕਿਹਾ ਕਿ ਇਸ ਕਾਨਫ਼ਰੰਸ 'ਚ ਪੰਜਾਬ ਪ੍ਰਧਾਨ ਵਿਜੇ ਕਾਲੜਾ, ਸੀਨੀਅਰ ਵਾਈਸ ਪ੍ਰਧਾਨ ਅਮਰਜੀਤ ਸਿੰਘ ਬਰਾੜ ਵਿਸ਼ੇਸ਼ ਤੌਰ 'ਤੇ ਸ਼ਾਮਿਲ ਹੋਣਗੇ | ਇਸ ਮੀਟਿੰਗ 'ਚ ਸਾਰੇ ਅਹੁਦੇਦਾਰਾਂ ਸਰਪ੍ਰਸਤ ਕੰਵਲਜੀਤ ਸਿੰਘ ਮੱਲ੍ਹਾ ਦੀ ਅਗਵਾਈ ਹੇਠ ਸ਼ਾਮਿਲ ਹੋਏ | ਇਸ ਸਮੇਂ ਪ੍ਰਧਾਨ ਬਾਂਕਾ ਨੇ ਪੰਜਾਬ ਦੇ ਸਾਰੇ ਆੜ੍ਹਤੀਆਂ, ਮੁਨੀਮਾਂ ਨੂੰ ਇਸ ਚੇਤਨਾ ਕਾਨਫ਼ਰੰਸ 'ਚ ਸ਼ਾਮਿਲ ਹੋਣ ਦੀ ਅਪੀਲ ਕੀਤੀ |
