ਹਲਵਾਰਾ, 25 ਸਤੰਬਰ (ਮਨਦੀਪ ਸਿੰਘ ਉੱਭੀ)-ਲੁਧਿਆਣਾ-ਬਠਿੰਡਾ ਰਾਜ ਮਾਰਗ ਉੱਪਰ ਹਲਵਾਰਾ ਤੋਂ ਬੁਰਜ ਲਿੱਟਾਂ ਦੇ ਸੂਏ 'ਤੇ ਫਿਰ ਬੀਤੀ ਰਾਤ ਕਿਸਾਨਾਂ ਦੀਆਂ ਮੋਟਰਾਂ ਦਾ ਇਕ ਵੱਡਾ ਟਰਾਂਸਫਰਮਰ ਚੋਰੀ ਕਰ ਲਿਆ ਗਿਆ | ਇਸ ਸਬੰਧੀ ਕਿਸਾਨ ਦੇਵਿੰਦਰ ਸਿੰਘ, ਹਰਪ੍ਰੀਤ ਸਿੰਘ ਗੁਰਦੁਆਰਾ ਸਾਹਿਬ ਪ੍ਰਧਾਨ ਨੇ ਦੱਸਿਆ ਬੀਤੇ ਕੁਝ ਦਿਨਾਂ ਤੋਂ ਇਲਾਕੇ ਵਿਚ ਚੋਰ ਗਿਰੋਹ ਬਹੁਤ ਸਰਗਰਮ ਹੋਇਆ ਹੈ ਜੋ ਹਰ ਰੋਜ਼ ਟਰਾਂਸਫਰਮਰ ਚੋਰੀ ਕਰ ਰਹੇ ਹਨ | ਹਰਜੀਤ ਸਿੰਘ ਨੰਬਰਦਾਰ ਬੁਰਜ ਲਿੱਟਾਂ ਨੇ ਦੱਸਿਆ ਉਨ੍ਹਾਂ ਪਿੰਡ ਤੋਂ ਵੀ ਦੋ ਟਰਾਂਸਫਾਰਮਰ ਚੋਰੀ ਹੋਏ ਹਨ | ਇਕ ਟਰਾਂਸਫਰਮਰ ਉਨ੍ਹਾਂ ਦੇ ਨਾਮ 'ਤੇ ਸੀ, ਦੂਜਾ ਦਰਸ਼ਨ ਸਿੰਘ ਬਿਰਕ ਦੇ ਨਾਮ 'ਤੇ ਸੀ | ਇਸ ਸਬੰਧੀ ਬਿਜਲੀ ਬੋਰਡ ਤੇ ਪੁਲਿਸ ਨੂੰ ਸ਼ਿਕਾਇਤ ਦੇ ਦਿੱਤੀ ਹੈ | ਕਿਸਾਨਾਂ ਨੇ ਪ੍ਰਸ਼ਾਸਨ ਤੋਂ ਚੋਰਾਂ 'ਤੇ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ |
