ਹੰਬੜਾਂ, 26 ਸਤੰਬਰ (ਮੇਜਰ ਹੰਬੜਾਂ)-ਹਰ ਸਾਲ ਵਾਂਗ ਦੁਸਿਹਰੇ ਦੇ ਤਿਉਹਾਰ ਨੂੰ ਮੁੱਖ ਰੱਖਦਿਆਂ ਸਾਂਝੀ ਮਾਤਾ ਦਾ ਤਿਉਹਾਰ ਕਸਬਾ ਹੰਬੜਾਂ ਵਿਖੇ ਸ਼ਰਧਾ ਨਾਲ ਮਨਾਇਆ ਜਾ ਰਿਹਾ ਹੈ | ਨਵਰਾਤੇ ਸ਼ੁਰੂ ਹੋਣ ਤੋਂ ਇਕ ਦਿਨ ਪਹਿਲਾਂ ਭਵਕੀਰਤ ਕੌਰ ਕਲੇਰ, ਪਰਮਿੰਦਰ ਕੌਰ, ਅਜੀਤਪਾਲ ਕੌਰ, ਅਰਸ਼ਦੀਪ ਕੌਰ ਸਮੇਤ ਹੋਰ ਮਹਿਲਾਵਾਂ ਵਲੋਂ ਕਲੇਰ ਨਿਵਾਸ ਵਿਖੇ ਕੰਧ 'ਤੇ ਲਗਾਈ ਗਈ ਸਾਂਝੀ ਮਾਤਾ ਦੀ ਅੱਜ ਆਰਤੀ ਕੀਤੀ ਗਈ | ਆਰਤੀ ਸਮੇਂ ਲੜਕੀਆਂ ਤੇ ਇਕੱਠੀਆ ਹੋਈਆਂ ਮਾਤਾਵਾਂ ਵਲੋਂ 'ਉੱਠ ਨੀ ਸਾਂਝੀਏ ਕੁੰਡਾ ਖੋਲ੍ਹ ਕੁੜੀਆਂ ਆਈਆਂ ਤੇਰੇ ਕੋਲ', 'ਪੂਜ ਪਜਾਈ ਕਿਆ ਕੁਝ ਲਿਆਈ 7 ਭਤੀਜੇ, 16 ਮੇਰੇ ਭਾਈ' ਗੀਤ ਆਦਿ ਗਏ ਤੇ ਆਰਤੀ ਦੀ ਰਸਮ ਕੀਤੀ ਗਈ | ਸਾਂਝੀ ਮਾਤਾ ਕੋਲ ਦੀਵਾ ਬਾਲਕੇ ਕੀਤੀ ਗਈ ਆਰਤੀ ਸਮੇਂ ਆਪਸੀ ਭਾਈਚਾਰਕ ਸਾਂਝ ਦਾ ਮਾਹੌਲ ਪੈਦਾ ਕੀਤੇ ਜਾਣ ਦਾ ਇਕ ਚੰਗਾ ਸੁਨੇਹਾ ਦਿੱਤਾ | ਭਵਕੀਰਤ ਕੌਰ ਕਲੇਰ, ਅਰਸ਼ਦੀਪ ਕੌਰ ਅਤੇ ਪਰਮਿੰਦਰ ਕੌਰ ਨੇ ਦੱਸਿਆ ਕਿ ਦੁਸਹਿਰੇ ਵਾਲੇ ਦਿਨ ਸਵੇਰ ਸਮੇਂ ਸਾਂਝੀ ਮਾਤਾ ਨੂੰ ਜਲ ਪ੍ਰਵਾਹ ਕੀਤਾ ਜਾਵੇਗਾ, ਜਿਸ ਵਿਚ ਵੱਡੀ ਗਿਣਤੀ ਮਹਿਲਾਵਾਂ ਮੌਜੂਦ ਹੋਣਗੀਆਂ | ਇਸ ਮੌਕੇ ਜਸਵੰਤ ਕੌਰ ਕਲੇਰ, ਬਲਜਿੰਦਰ ਕੌਰ, ਪਵਨਦੀਪ ਕੌਰ ਕਲੇਰ, ਸੁਖਵਿੰਦਰ ਕੌਰ, ਹਰਕੰਵਲ ਕਲੇਰ, ਅਰਸ਼ਦੀਪ ਕੌਰ, ਮਨਜੀਤ ਕੌਰ, ਸ਼ਿੰਦਰ ਕੌਰ ਸਮੇਤ ਹੋਰ ਮਹਿਲਾਵਾਂ ਮੌਜੂਦ ਸਨ |