ਜੋਧਾਂ, 26 ਦਸੰਬਰ (ਗੁਰਵਿੰਦਰ ਸਿੰਘ ਹੈਪੀ)-ਸ੍ਰੀ ਫ਼ਤਹਿਗੜ੍ਹ ਸਾਹਿਬ ਵਿਖੇ ਪਵਿੱਤਰ ਸ਼ਹੀਦੀ ਜੋੜ ਮੇਲੇ 'ਤੇ ਲੰਗਰ ਲਗਾਉਣ ਲਈ ਵੱਖ-ਵੱਖ ਪਿੰਡਾਂ ਢੈਪਈ, ਟੂਸੇ, ਸਹੌਲੀ, ਰੱਤੋਵਾਲ ਆਦਿ ਪਿੰਡਾਂ 'ਚੋਂ ਲੰਗਰ ਦੀਆਂ ਰਸਦਾਂ ਇਕੱਠਾ ਕਰਕੇ ਸੇਵਾਦਾਰ ਰਣਜੀਤ ਸਿੰਘ ਢੈਪਈ ਅਤੇ ਹੋਰ ਸੰਗਤਾਂ ਵਲੋਂ ਰਵਾਨਾ ਕੀਤੀਆਂ ਗਈਆਂ | ਰਸਦਾਂ ਵਾਲਾ ਵਾਹਨ ਰਵਾਨਾ ਕਰਨ ਸਮੇਂ ਭਾਈ ਰਣਜੀਤ ਸਿੰਘ ਨੇ ਦੱਸਿਆ ਕਿ ਬਾਬਾ ਜੀ ਕਾਰ ਸੇਵਾ ਦਿੱਲੀ ਵਾਲਿਆਂ ਵਲੋਂ ਲਗਾਏ ਜਾਂਦੇ ਲੰਗਰਾਂ ਵਿਚ ਇਹ ਰਸਦਾਂ ਦਿੱਤੀਆਂ ਜਾਣਗੀਆਂ | ਇਸ ਮੌਕੇ ਰਵੀ ਢੈਪਈ, ਹਰਜੱਸ ਸਿੰਘ, ਜੀਤ ਸਿੰਘ ਢੈਪਈ ਆਦਿ ਹਾਜ਼ਰ ਸਨ |
