ਮੁਕੰਦਪੁਰ, 19 ਅਕਤੂਬਰ (ਅਮਰੀਕ ਸਿੰਘ ਢੀਂਡਸਾ)-ਲਾਇਨ ਕਲੱਬ ਮੁਕੰਦਪੁਰ ਐਕਟਿਵ ਨੇ ਪਿੰਡ ਤਲਵੰਡੀ ਫੱਤੂ ਵਿਖੇ ਕਲੱਬ ਚਾਰਟਰਡ ਪ੍ਰਧਾਨ ਚਰਨਜੀਤ ਸਿੰਘ ਤਲਵੰਡੀ ਫੱਤੂ ਤੇ ਕਲੱਬ ਪ੍ਰਧਾਨ ਸਤਪਾਲ ਮੰਡੇਰ ਦੀ ਅਗਵਾਈ ਵਿਚ ਮੱਖਣ ਸਿੰਘ ਵਿਰਦੀ ਯੂ. ਕੇ. ਦੀ ਸਹਾਇਤਾ ਨਾਲ ਪਿੰਡ ਤਲਵੰਡੀ ਫੱਤੂ ਵਿਖੇ ਲੋੜਵੰਦ ਪਰਿਵਾਰਾਂ ਨੂੰ ਰਾਸ਼ਨ ਦੀਆਂ ਕਿੱਟਾਂ ਵੰਡੀਆਂ ਗਈਆਂ | ਇਸ ਪ੍ਰਾਜੈਕਟ ਵਿਚ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ ਹਰੀਸ਼ ਬੰਗਾ ਜ਼ਿਲ੍ਹਾ ਕੋਆਰਡੀਨੇਟਰ ਤੇ ਜ਼ੋਨ ਚੇਅਰਮੈਨ ਕਮਲਜੀਤ ਸਿੰਘ ਐਡਵੋਕੇਟ ਵਲੋਂ ਲਾਇਨਜ਼ ਕਲੱਬ ਮੁਕੰਦਪੁਰ ਐਕਟਿਵ ਦੀ ਤਰਫ਼ੋਂ ਕੀਤੇ ਗਏ ਕੰਮਾਂ ਦੀ ਸ਼ਲਾਘਾ ਕੀਤੀ ਤੇ ਅੱਗੇ ਤੋਂ ਅਜਿਹੇ ਪ੍ਰਾਜੈਕਟ ਕਰਨ ਲਈ ਪ੍ਰੇਰਿਆ | ਕਲੱਬ ਪ੍ਰਧਾਨ ਵਲੋਂ ਆਏ ਹੋਏ ਚੀਫ਼ ਗੈੱਸਟ ਹਰੀਸ਼ ਬੰਗਾ ਤੇ ਹੋਰ ਕਲੱਬ ਸਾਥੀਆਂ ਦਾ ਧੰਨਵਾਦ ਕੀਤਾ | ਮੈਡਮ ਸ਼ਕੁੰਤਲਾ ਸਰੋਆ ਨੇ ਆਪਣੇ ਸੰਬੋਧਨ ਵਿਚ ਦੱਸਿਆ ਕਿ ਅਸੀਂ ਆਉਣ ਵਾਲੇ ਸਮੇਂ ਵਿਚ ਵੀ ਮੈਡੀਕਲ ਕੈਂਪ ਲਗਾ ਕੇ ਲੋਕ ਭਲਾਈ ਦੇ ਕੰਮਾਂ ਨੂੰ ਨਿਰੰਤਰ ਜਾਰੀ ਰੱਖਾਂਗੇ ਤੇ ਮੱਖਣ ਸਿੰਘ ਵਿਰਦੀ ਯੂ. ਕੇ. ਦਾ ਵਿਸ਼ੇਸ਼ ਤੌਰ 'ਤੇ ਧੰਨਵਾਦ ਕੀਤਾ | ਇਸ ਮੌਕੇ ਕਲੱਬ ਪ੍ਰਧਾਨ ਸਤਪਾਲ ਮੰਡੇਰ, ਚਰਨਜੀਤ ਸਿੰਘ ਤਲਵੰਡੀ ਫੱਤੂ, ਮਨਜਿੰਦਰ ਸਿੰਘ ਬੰਗਾ ਵਾਈਸ ਪ੍ਰਧਾਨ ਲਾਇਨ ਕਲੱਬ ਬੰਗਾ ਨਿਸ਼ਚੇ, ਮਾਸਟਰ ਸੁਖਵਿੰਦਰ ਪਾਲ ਤਲਵੰਡੀ ਫੱਤੂ, ਹਰਮਿੰਦਰ ਸਿੰਘ ਸਰਪੰਚ, ਸ਼ਕੁੰਤਲਾ ਸਰੋਆ, ਆਸ਼ਾ ਰਾਣੀ ਤਲਵੰਡੀ ਫੱਤੂ, ਸੁਖਵਿੰਦਰ ਸਿੰਘ, ਸੁਨੀਤਾ ਰਾਣੀ, ਨੀਲਮ ਰਾਣੀ, ਕੁਲਵਿੰਦਰ ਕੌਰ, ਸਿੰਦੋ ਬਲਵੀਰ ਕੌਰ ਆਦਿ ਮੌਜੂਦ ਰਹੇ |
