ਕਟਾਰੀਆਂ, 23 ਦਸੰਬਰ (ਪ੍ਰੇਮੀ ਸੰਧਵਾਂ) - ਉੱਘੇ ਸਮਾਜ ਸੇਵੀ ਗਰੀਬਾਂ ਦੇ ਸੱਚੇ ਹਮਦਰਦ ਤੇ ਦਵਿੰਦਰ ਫਰਨੀਚਰ ਹਾਊਸ ਮੁਕੰਦਪੁਰ ਰੋਡ ਬੰਗਾ ਦੇ ਸੀਨੀਅਰ ਮੈਨੇਜਿੰਗ ਡਾਇਰੈਕਟਰ ਸੋਮਪਾਲ ਸਿੰਘ ਬੰਗਾ (ਰਸੂਲਪੁਰ) ਵਾਲਿਆਂ ਨੇ 'ਅਜੀਤ' ਨਾਲ ਵਿਸ਼ੇਸ਼ ਤੌਰ 'ਤੇ ਗੱਲਬਾਤ ਕਰਦਿਆਂ ਕਿਹਾ ਕਿ ਕਹਿਰ ਦੀ ਪੈ ਰਹੀ ਠੰਢ ਨੇ ਜਿੱਥੇ ਗਰੀਬ ਲੋਕਾਂ ਦਾ ਜਿਊਣਾ ਦੁੱਭਰ ਕਰ ਦਿੱਤਾ ਹੈ | ਉੱਥੇ ਹੀ ਸੜਕ 'ਤੇ ਆਪਣੇ ਕੰਮਾਂ ਕਾਰਾਂ 'ਤੇ ਜਾਣ ਵਾਲੇ ਲੋਕਾਂ ਦੇ ਵਾਹਨਾਂ ਦੀ ਰਫ਼ਤਾਰ ਨੂੰ ਵੀ ਬਰੇਕ ਮਾਰ ਦਿੱਤੀ ਹੈ | ਕਿਉਂਕਿ ਕਈ ਵਾਰੀ ਨੌਕਰੀ ਪੇਸ਼ੇ ਵਾਲੇ ਲੋਕ ਸਮੇਂ ਦੇ ਹਿਸਾਬ ਨਾਲ ਹੀ ਘਰੋਂ ਚੱਲਦੇ ਹਨ | ਪਰ ਕਈ ਵਾਰੀ ਮੌਸਮ ਸਾਫ਼ ਹੋਣ ਦੇ ਬਾਵਜੂਦ ਵੀ ਸੰਘਣੀ ਧੁੰਦ ਆਪਣੀ ਜਕੜ ਮਜ਼ਬੂਤ ਕਰ ਲੈਂਦੀ ਹੈ | ਜਿਸ ਕਾਰਨ ਸਮੇਂ ਸਿਰ ਆਪਣੀ ਨੌਕਰੀ 'ਤੇ ਜਾਣ ਵਾਲੇ ਵਿਅਕਤੀ 'ਤੇ ਭਾਰੂ ਪੈ ਜਾਂਦੀ ਹੈ | ਸੋਮ ਪਾਲ ਬੰਗਾ ਨੇ ਕਿਹਾ ਕਿ ਸੰਘਣੀਆਂ ਧੁੰਦਾਂ 'ਚ ਆਪਣੇ ਵਾਹਨਾਂ ਦੀ ਰਫ਼ਤਾਰ ਹੌਲੀ ਕਰਨਾ ਹੀ ਵਾਹਨ ਚਾਲਕਾਂ ਲਈ ਸਿਆਣਪ ਵਾਲੀ ਗੱਲ ਹੈ |
