ਸੰਘੋਲ, 21 ਨਵੰਬਰ (ਧਨੋਆ)-ਪੁਲਿਸ ਨੇ ਕੁੜੀ ਨਾਲ ਛੇੜਛਾੜ ਦੇ ਕਥਿਤ ਦੋਸ਼ ਹੇਠ ਪੀੜਤ ਦੇ ਬਿਆਨ 'ਤੇ ਅਕੈਡਮੀ ਸੰਚਾਲਕ ਨੂੰ ਨਾਮਜ਼ਦ ਕੀਤਾ ਹੈ | ਚੌਕੀ ਇੰਚਾਰਜ ਸੰਘੋਲ ਸਹਾਇਕ ਥਾਣੇਦਾਰ ਹਰਮਿੰਦਰ ਸਿੰਘ ਅਨੁਸਾਰ ਪੀੜਤ ਕੁੜੀ ਨੇ ਪੁਲਿਸ, ਫ਼ੌਜ ਦੀ ਭਰਤੀ ਲਈ ਟ੍ਰੇਨਿੰਗ ਦੇਣ ਵਾਲੀ ਅਕੈਡਮੀ 'ਚ ਦਾਖਲਾ ਲਿਆ ਹੋਇਆ ਹੈ | ਜਿਥੇ ਕੁੜੀ ਹੋਸਟਲ 'ਚ ਹੋਰਨਾਂ ਕੁੜੀਆਂ ਨਾਲ ਰਹਿ ਰਹੀ ਸੀ | ਅਧਿਕਾਰੀ ਅਨੁਸਾਰ ਪੀੜਤ ਕੁੜੀ ਨੇ ਬਿਆਨ ਦਰਜ ਕਰਵਾਇਆ ਕਿ ਬੀਤੇ ਦਿਨ ਜਦੋਂ ਉਹ ਕਮਰੇ 'ਚ ਇਕੱਲੀ ਸੀ ਤਾਂ ਉੱਥੇ ਪਹੁੰਚੇ ਅਕੈਡਮੀ ਕੋਚ ਨੇ ਛੇੜਛਾੜ ਕੀਤੀ ਅਤੇ ਵਿਰੋਧ ਕਰਨ 'ਤੇ ਮੰਦੀ ਸ਼ਬਦਾਵਲੀ ਵਰਤੀ, ਜਿਸ ਬਾਰੇ ਉਸ ਨੇ ਮਾਪਿਆਂ ਨੂੰ ਜਾਣੂ ਵੀ ਕਰਵਾਇਆ | ਉਪਰੰਤ ਪੁਲਿਸ ਨੇ ਬਿਆਨ 'ਤੇ ਕਾਰਵਾਈ ਕਰਦਿਆਂ ਅਕੈਡਮੀ ਸੰਚਾਲਕ ਪ੍ਰੀਤਮ ਸਿੰਘ ਖ਼ਿਲਾਫ਼ ਪਰਚਾ ਦਰਜ ਕਰਕੇ ਉਸ ਨੂੰ ਗਿ੍ਫ਼ਤਾਰ ਕਰ ਲਿਆ ਹੈ | ਅਧਿਕਾਰੀ ਨੇ ਦੱਸਿਆ ਕਿ ਮਾਮਲੇ 'ਚ ਪੁਲਿਸ ਵਲੋਂ ਬਣਦੀ ਅਗਲੀ ਕਾਨੂੰਨੀ ਕਾਰਵਾਈ ਕੀਤੀ ਜਾ ਰਹੀ ਹੈ |
