ਸੰਘੋਲ, 6 ਦਸੰਬਰ (ਪਰਮਵੀਰ ਸਿੰਘ)-ਉੱਘੇ ਸੁਰੱਖਿਆ ਅਫ਼ਸਰ ਅਤੇ ਡਿਫੈਂਸ ਮਾਹਿਰ ਲੈਫ਼ਟੀਨੈਂਟ ਜਨਰਲ ਕੇ.ਜੇ. ਸਿੰਘ ਅਤੇ ਕਰਨਲ ਐਚ.ਐਸ. ਚੌਹਾਨ ਵਲੋਂ ਕੋਰਡੀਆ ਗਰੁੱਪ ਆਫ਼ ਇੰਸਟੀਚਿਊਟਸ ਦਾ ਦੌਰਾ ਕੀਤਾ ਗਿਆ | ਕੋਰਡੀਆ ਸੰਸਥਾ ਦੇ ਚੇਅਰਮੈਨ ਦਲਜੀਤ ਰਾਣਾ ਅਤੇ ਕਾਰਜਕਾਰੀ ਟਰੱਸਟੀ ਉਰਮਿਲ ਵਰਮਾ ਨੇ ਇਨ੍ਹਾਂ ਮਹਿਮਾਨਾਂ ਦਾ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ | ਰਾਣਾ ਅਤੇ ਡਾ. ਵਰਮਾ ਨੇ ਉਨ੍ਹਾਂ ਨਾਲ ਆਰਮੀ ਅਤੇ ਸਿੱਖਿਆ ਨਾਲ ਜੁੜੇ ਵੱਖ-ਵੱਖ ਵਿਸ਼ਿਆਂ ਨਾਲ ਸਬੰਧਿਤ ਜਾਣਕਾਰੀ ਸਾਂਝੀ ਕੀਤੀ | ਇਸ ਮੌਕੇ ਲੈਫ਼ਟੀਨੈਂਟ ਜਨਰਲ ਸਿੰਘ, ਕਰਨਲ ਚੌਹਾਨ ਅਤੇ ਕੋਰਡੀਆ ਪ੍ਰਬੰਧਕਾਂ ਨੇ ਵਿਦਿਆਰਥੀਆਂ ਨੂੰ ਵੱਧ ਤੋਂ ਵੱਧ ਅਗਨੀਵੀਰ ਯੋਜਨਾ ਤਹਿਤ ਆਰਮੀ ਰਾਹੀਂ ਦੇਸ਼ ਸੇਵਾ ਨਾਲ ਜੋੜਨ 'ਤੇ ਵੀ ਕੋਰਡੀਆ ਸੰਸਥਾ ਦੀ ਭਾਗੀਦਾਰੀ ਬਾਰੇ ਵਿਚਾਰ ਵਟਾਂਦਰਾ ਕੀਤਾ | ਰਾਣਾ ਅਤੇ ਡਾ. ਵਰਮਾ ਨੇ ਭਵਿੱਖ ਵਿਚ ਵੀ ਦੇਸ਼ ਸੇਵਾ ਲਈ ਵਿਦਿਆਰਥੀਆਂ ਨੂੰ ਤਿਆਰ ਕਰਨ ਲਈ ਕੋਰਡੀਆ ਸੰਸਥਾ ਨਾਲ ਜੁੜਨ ਅਤੇ ਮਾਰਗਦਰਸ਼ਨ ਕਰਨ ਲਈ ਦੋਨਾਂ ਸ਼ਖ਼ਸੀਅਤਾਂ ਨੂੰ ਸਹਿਯੋਗ ਕਰਨ ਦੀ ਅਪੀਲ ਕੀਤੀ |
