ਸੰਘੋਲ, 20 ਦਸੰਬਰ (ਪਰਮਵੀਰ ਸਿੰਘ)-ਪੁਲਿਸ ਨੇ ਸੜਕ ਹਾਦਸੇ ਦੇ ਮਾਮਲੇ 'ਚ ਸ਼ਿਕਾਇਤ 'ਤੇ ਮੋਟਰਸਾਈਕਲ ਚਾਲਕ ਖ਼ਿਲਾਫ਼ ਪਰਚਾ ਦਰਜ ਕੀਤਾ ਹੈ | ਪੁਲਿਸ ਨੂੰ ੂ ਦਿੱਤੇ ਆਪਣੇ ਬਿਆਨ 'ਚ ਬਰਿੰਦਰ ਸਿੰਘ ਵਾਸੀ ਪਿੰਡ ਪੋਹਲੋ ਮਾਜਰਾ ਨੇ ਦੱਸਿਆ ਕਿ ਉਹ ਆਪਣੇ ਭਰਾ ਜਪਿੰਦਰ ਸਿੰਘ ਨਾਲ ਘਰ ਆਪਣੇ ਪਿੰਡ ਪੋਹਲੋਮਾਜਰਾ ਆ ਰਿਹਾ ਸੀ ਤਾਂ ਪਿੰਡ ਪਨੈਚਾਂ ਟੀ ਪੁਆਇੰਟ ਕੋਲ ਉਹ ਆਪਣਾ ਮੋਟਰਸਾਈਕਲ ਖੜ੍ਹਾ ਕਰਕੇ ਦੁਕਾਨ ਤੋਂ ਸਾਮਾਨ ਲੈਣ ਗਿਆ ਤਾਂ ਇੰਨੇ ਵਿਚ ਇਕ ਮੋਟਰਸਾਈਕਲ ਚਾਲਕ, ਜਿਸ ਨੂੰ ਦਲਵੀਰ ਸਿੰਘ ਵਾਸੀ ਪਿੰਡ ਖੰਟ ਚਲਾ ਰਿਹਾ ਸੀ, ਨੇ ਆਪਣਾ ਮੋਟਰ ਸਾਈਕਲ ਉਸ ਦੇ ਭਰਾ ਵਿਚ ਮਾਰਿਆ ਜਿਸ ਕਾਰਨ ਉਹ ਗੰਭੀਰ ਜ਼ਖਮੀ ਹੋ ਗਿਆ | ਪੁਲਿਸ ਨੇ ਕਥਿਤ ਦੋਸ਼ੀ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ |
