ਤਾਰਾਗੜ੍ਹ, 1 ਨਵੰਬਰ (ਸੋਹਨ ਲਾਲ)- ਪਿੰਡ ਕੀੜੀ ਤੋਂ ਬੱਜਰੀ ਲੈ ਕੇ ਆ ਰਿਹਾ ਟਿੱਪਰ ਪਿੰਡ ਰਹੀਮਪੁਰ ਸੜਕ 'ਤੇ ਖੇਡਾਂ ਵਿਚ ਪਲਟ ਗਿਆ | ਜਾਣਕਾਰੀ ਦਿੰਦੇ ਹੋਏ ਟਿੱਪਰ ਦੇ ਡਰਾਈਵਰ ਪ੍ਰੇਮ ਸਿੰਘ ਨੇ ਦੱਸਿਆ ਕਿ ਉਹ ਕੀੜੀ ਪਿੰਡ ਤੋਂ ਟਿੱਪਰ ਨੰ: ਪੀ.ਬੀ.35.ਕਿਊ.7142 'ਤੇ ਬੱਜਰੀ ਲੈ ਕੇ ਆ ਰਿਹਾ ਸੀ ਕਿ ਸਵੇਰੇ 3 ਵਜੇ ਦੇ ਕਰੀਬ ਜਦੋਂ ਉਹ ਰਹੀਮਪੁਰ ਆਇਆ ਤਾਂ ਦੂਜੇ ਪਾਸੇ ਤੋਂ ਵੀ ਗੱਡੀ ਆ ਰਹੀ ਸੀ ਤੇ ਸੜਕ ਦੀ ਚੌੜਾਈ ਘੱਟ ਹੋਣ ਕਾਰਨ ਟਿੱਪਰ ਖੇਤਾਂ 'ਚ ਪਲਟ ਗਿਆ ਜਿਸ ਕਾਰਨ ਉਸ ਦੇ ਕਾਫ਼ੀ ਸੱਟਾਂ ਲੱਗੀਆਂ ਤੇ ਆਸ-ਪਾਸ ਦੇ ਲੋਕਾਂ ਨੇ ਉਸ ਨੰੂ ਟਿੱਪਰ 'ਚੋਂ ਬਾਹਰ ਕੱਢਿਆ | ਉਕਤ ਟਿੱਪਰ ਵਿਚ 25000 ਦੀ ਬੱਜਰੀ ਸੀ |
