ਗੁਰਦਾਸਪੁਰ, 3 ਨਵੰਬਰ (ਅਸ਼ੋਕ ਸ਼ਰਮਾ)-ਥਾਣਾ ਪੁਰਾਣਾ ਸ਼ਾਲਾ ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਡਾ: ਜਵੀਨ ਸ਼ਰਮਾ ਪੁੱਤਰ ਚਰਨਜੀਤ ਲਾਲ ਸ਼ਰਮਾ ਵਾਸੀ ਸ਼ੰਕਰ ਨਗਰ ਗੁਰਦਾਸਪੁਰ ਨੇ ਦੱਸਿਆ ਕਿ ਉਹ ਪੁਰਾਣਾ ਸ਼ਾਲਾ ਵਿਖੇ ਆਮ ਆਦਮੀ ਕਲੀਨਿਕ 'ਚ ਮੈਡੀਕਲ ਅਫ਼ਸਰ ਵਜੋਂ ਤਾਇਨਾਤ ਹੈ | ਉਸ ਨੇ ਦੱਸਿਆ ਕਿ ਸੋਨੂੰ ਫਾਰਮਾਸਿਸਟ ਪੁੱਤਰ ਪ੍ਰਤੀਮ ਦਾਸ ਸੁੰਦਰ ਪੁਰੀਆ ਮੁਹੱਲਾ ਕਲਾਨੌਰ, ਨੀਤੂ ਬਾਲਾ ਪੁੱਤਰੀ ਦਰਸ਼ਨ ਪਾਲ ਵਾਸੀ ਵਰਸੋਲਾ ਵੀ ਉਕਤ ਕਲੀਨਿਕ 'ਚ ਠੇਕੇ 'ਤੇ ਕੰਮ ਕਰਦੇ ਹਨ ਜੋ ਉਸ ਨੰੂ ਉਕਤ ਦੋਨੋਂ ਬਿਨਾਂ ਵਜਾ ਤੰਗ ਪੇ੍ਰਸ਼ਾਨ ਕਰਦੇ ਸਨ ਤੇ ਉਸ ਨੰੂ ਰਜਿਸਟਰ ਤੇ ਕੰਪਿਊਟਰ ਪੋਰਟਲ 'ਚ ਮਰੀਜ਼ਾਂ ਦੀਆਂ ਝੂਠੀਆਂ ਐਂਟਰੀਆਂ ਪਾਉਣ ਲਈ ਦਬਾਅ ਬਣਾਉਂਦੇ ਸਨ | ਉਸ ਨੇ ਦੱਸਿਆ ਕਿ ਮਿਤੀ 23 ਅਕਤੂਬਰ ਨੂੰ ਦੁਪਹਿਰ 12 ਵਜੇ ਉਹ ਮਰੀਜ਼ਾਂ ਨੂੰ ਚੈੱਕ ਕਰ ਰਿਹਾ ਸੀ ਕਿ ਸੋਨੂੰ ਫਾਰਮਾਸਿਸਟ ਨੇ ਉਸ ਦੇ ਡਰਾਈਵਰ ਇਫਾਨ ਪੁੱਤਰ ਕਾਲਾ ਮਸੀਹ ਵਾਸੀ ਬਾਜੇਚੱਕ ਜੋ ਆਪਣਾ ਮੋਬਾਈਲ ਦੇਖ ਰਿਹਾ ਸੀ, ਉਸ ਦੇ ਗੱਲ ਪੈ ਗਿਆ ਤੇ ਮੇਰੇ ਵਲੋਂ ਰੋਕਣ 'ਤੇ ਨੀਤੂ ਬਾਲਾ ਨੇ ਮਰੀਜ਼ ਦੇ ਬੈਠਣ ਵਾਲਾ ਲੋਹੇ ਦਾ ਸਟੂਲ ਸੋਨੂੰ ਫਾਰਮਾਸਿਸਟ ਨੂੰ ਫੜਾ ਦਿੱਤਾ ਜਿਸ ਨੇ ਡਰਾਈਵਰ ਇਫਾਨ ਦੇ ਸਟੂਲ ਮਾਰ ਕੇ ਜ਼ਖਮੀ ਕਰ ਦਿੱਤਾ | ਪੀੜਤ ਡਰਾਈਵਰ ਨੰੂ ਸਿੰਘੋਵਾਲ ਹੜਤਾਲ ਵਿਚ ਦਾਖਲ ਕਰਵਾਇਆ ਗਿਆ | ਸ਼ਾਲਾ ਪੁਲਿਸ ਨੇ ਦੋਨਾਂ ਕਥਿਤ ਦੋਸ਼ੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਆਰੰਭ ਕਰ ਦਿੱਤੀ ਹੈ |
