ਘਰੋਟਾ, 7 ਦਸੰਬਰ (ਸੰਜੀਵ ਗੁਪਤਾ)- ਪੰਜਾਬ ਰਾਜ ਕਾਨੂੰਨੀ ਸੇਵਾ ਅਥਾਰਿਟੀ ਦੇ ਦਿਸ਼ਾ-ਨਿਰਦੇਸ਼ ਅਨੁਸਾਰ ਸੈਸ਼ਨ ਜੱਜ ਜਤਿੰਦਰ ਪਾਲ ਸਿੰਘ ਖੁਰਮੀ ਤੇ ਸੈਕਟਰੀਕਮਸੀ.ਜੇ.ਐਮ. ਰੁਪਿੰਦਰ ਸਿੰਘ ਦੀ ਅਗਵਾਈ ਹੇਠ ਯੂਥ ਅਗੇਂਸਟ ਡਰੱਗਜ਼ ਸੈਮੀਨਾਰ ਕਰਵਾਇਆ ਗਿਆ | ਇਹ ਸਮਾਗਮ ਰਾਮ-ਲੀਲ੍ਹਾ ਮੈਦਾਨ ਸਮੇਤ ਇਲਾਕੇ ਦੇ ਵੱਖ-ਵੱਖ ਸਥਾਨਾਂ 'ਤੇ ਕਰਵਾਇਆ ਗਿਆ | ਸੈਮੀਨਾਰ ਦੌਰਾਨ ਪੈਨਲ ਐਡਵੋਕੇਟ ਰੋਮਿਕਾ ਨੇ ਨਸ਼ੇ ਦੇ ਵੱਧ ਰਹੇ ਖ਼ਤਰੇ ਬਾਰੇ ਆਪਣੀਆਂ ਵਿਚਾਰ ਸਾਂਝੀਆਂ ਕੀਤੀਆਂ | ਉਨ੍ਹਾਂ ਕਿਹਾ ਕਿ ਨਸ਼ਾ ਸਿਰਫ਼ ਤੰਦਰੁਸਤ ਸਮਾਜ ਲਈ ਹੀ ਨਹੀਂ ਬਲਕਿ ਖ਼ੁਸ਼ਹਾਲ ਪਰਿਵਾਰਾਂ ਲਈ ਵੀ ਇਕ ਵੱਡਾ ਖ਼ਤਰਾ ਹੈ | ਨਸ਼ਾ ਸਰੀਰਕ ਤੇ ਮਾਨਸਿਕ ਨੁਕਸਾਨ ਦੇ ਨਾਲਨਾਲ ਜ਼ਿੰਦਗੀ ਨੂੰ ਬਰਬਾਦ ਕਰਦਾ ਹੈ ਅਤੇ ਅਪਰਾਧਿਕ ਗਰਾਫ਼ ਵਿਚ ਵਾਧੇ ਦਾ ਕਾਰਨ ਬਣਦਾ ਹੈ | ਉਨ੍ਹਾਂ ਨਸ਼ੇ ਦੇ ਨੁਕਸਾਨ, ਨਸ਼ਾ ਛੱਡਣ ਦੇ ਤਰੀਕਿਆਂ ਤੇ ਬਚਾਅ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ | ਇਸ ਮੌਕੇ ਪੀ.ਐਲ.ਵੀ. ਰਾਜ ਕੁਮਾਰ ਤੇ ਸੰਨੀ ਨੇ ਵੀ ਕਾਨੂੰਨੀ ਸੇਵਾ ਅਥਾਰਿਟੀ ਵਲੋਂ ਪ੍ਰਦਾਨ ਕੀਤੀਆਂ ਫ਼੍ਰੀ ਲੀਗਲ ਏਡ, ਲੋਕ ਅਦਾਲਤਾਂ ਤੇ ਹੋਰ ਕਾਨੂੰਨੀ ਸਹੂਲਤਾਂ ਬਾਰੇ ਰੌਸ਼ਨੀ ਪਾਈ | ਸੈਮੀਨਾਰ ਵਿਚ ਨੌਜਵਾਨਾਂ ਨੂੰ ਨਸ਼ੇ ਤੋਂ ਦੂਰ ਰਹਿਣ ਤੇ ਸਮਾਜ 'ਚ ਜਾਗਰੂਕਤਾ ਫੈਲਾਉਣ ਦੀ ਅਪੀਲ ਕੀਤੀ ਗਈ | ਇਸ ਮੌਕੇ ਵਿਕੀ ਕੁਮਾਰ, ਜੋਗਿੰਦਰ ਸਿੰਘ, ਮੰਨੀ, ਸ਼ੀਤਲ, ਜਗਦੀਸ਼, ਦੀਪਕ, ਵਿਕੀ, ਰਮੇਸ਼, ਰਜੇਸ਼ ਰਾਣਾ, ਰਘਬੀਰ, ਰਵਿੰਦਰ, ਪ੍ਰਵੀਨ, ਯਸ਼ਪਾਲ ਅਤੇ ਸੰਤੋਖ ਰਾਜ ਆਦਿ ਹਾਜ਼ਰ ਸਨ |
